Воспоставување на центар за занаети, подготовка на промотивни материјали и дополнителна сигнализација кон атракциите во Старата скопска чаршија се дел од акционите планови за развој на културниот туризам на ова старо градско јадро.

Воспоставување на центар за занаети, подготовка на промотивни материјали и дополнителна сигнализација кон атракциите во Старата скопска чаршија се дел од акционите планови за развој на културниот туризам на ова старо градско јадро.Ова е дел од регионалниот проект за развој и заштита на занаетите и културниот туризам во градовите Скопје, Сараево и Мостар кој се предвидува да трае до 2012 година.Срѓан Димитриевиќ, раководител на секторот за развој на културниот туризам во Скопје на денешната презентација на акционите планови рече дека во рамките на проектот се планира реновирање на неколку деловни простори кои треба да бидат интегрирани во центар за занаети, кои ќе имаат изложбено – работен и промотивен карактер.„Со воспоставување на еден таков центар ќе посветиме внимание на старите занаети кои што се наша традиција и се главна одлика на Старата скопска чаршија. Тоа ќе бидат отворени работилници каде што ќе се презентираат, изработуваат и продаваат занаетчиските производи. Сметаме дека со сите овие активности ќе придонесеме кон постепено збогатување на содржините во Старата скопска чаршија и со тоа ќе овозможиме да се зголеми бројот на посетители и туристи. На таков начин ќе овозможиме и економски придобивки за луѓето кои што работат во чаршијата“ – рече Димитриевиќ.Димитриевиќ вели дека доаѓа до намалување на активностите во чаршијата во поглед на занаетите. „Доаѓа до изумирање на старите занаети и ние сакаме да дадеме акцент на зачувување токму на старите занаети и зачувување на културниот живот на чаршијата. Нашиот пристап беше да вклучиме што поголем број релевантни организации од секторот за занаетчиство. Со сите активности и конкретни предлози во акционите планови сметаме дека ќе овозможиме одржливост на сите занаети – рече Димитриевиќ.Локалниот акционен план е само дел од проектот кој се имплементира на подрачјето на Босна и Херцеговина и Македонија и го опфаќа партнерите на Скопје, Сараево и Мостар кои заеднички работат на валоризација на културниот туризам во овие градови. Проектот е финансиран од Министерството за надворешни работи на Италија и шест италијански региони. Изработката на акционите планови е поддржана од проектот Оксфам од Италија и Град Скопје.„Појдовме со принципот на сослушување на локалните партнери и од овде ни кажаа дека приоритет им е развојот на културниот туризам и тематската група работеше на тоа со конкретни предлози и анализи. Во Македонија има огромен потенцијал за културен туризам и затоа треба да се направи промоција – рече Селма Наметак  координатор на проектот Оксфам.крај/к.с.