Околу педесетина воспитувачки, негователки и технички персонал од градинките во Скопје и Куманово повторно протестираа пред Владата со истите барања за решенија за нивно вработување.

Околу педесетина воспитувачки, негователки и технички персонал од градинките во Скопје и Куманово повторно протестираа пред Владата со истите барања за решенија за нивно вработување. Тие вчера беа примени од Владата која им кажала дека биле пуштени само три решенија. Меѓутоа, тие не се задоволни од таквиот одговор и поради тоа штрајкот го продолжија и денеска.„Како прво да кажам дека вчера не примија во Владата и рекоа дека само три решенија се пуштени вчера. И тоа само за негувателки, а ние сме само четириесетина воспитувачки, негователки и технички персонал од општина Карпош. Значи, ниту едно решение немаат во план изготвено за технички персонал, а со три решенија не се согласуваме, бидејќи е многу малку“ изјави Ванѓа Сидановска, технички персонал од градинката „Пролет“ во Скопје. Таа додаде дека нејзината плата на технички персонал месечно изнесува пет илјади денари и дека Владата најавила дека ќе ги укине и здравствените картони. „Јас како технички персонал земам пет илјади денари и не сум осигурана. Ако како што најави Владата дека и здравствените картони ќе се укинат, па можете да си замислите како ќе истераме ние. Штрајкот ќе продолжи и во наредните денови“ рече Сидановска. Протести се најавени секој ден од 11 часот се додека не бидат задоволени барањата на персонал од градинките во Скопје и Куманово./крај/макфакс/пк