Македонија
Излезноста до 13 часот над 35 отсто
Одѕивот на гласачите до 13 часот изнесува 35,8 отсто односно 612.814 граѓани од вкупното евидентирани во Единствениот избирачки список излегле да гласаат на втората прес-конференција денеска соопшти Државната изборна комисија (ДИК)
Станува збор за податоци добиени од 90,82 отсто од обработените материјали од избирачките места, односно обработени се информации од 2.792 избирачки места од вкупно 2.976. Во Изборната единица 1 излезноста на гласачите е 39,10 отсто или во конкретна бројка 113.506 избирачи. Во Изборната единица одѕивот на гласачите е 31,89 отсто или 99.594 избирачи од вкупно запишани 312.305 гласачи. Одѕивот во Изборната единица 3 е засега најголем во споредба со другите изборни единици и изнесува 40,82 проценти или гласале 117.823 граѓани.Ви Изборната единица 4 од вкупниот заброј 37,20 отсто или на гласање излегле 101.211 гласачи. Во Изборната единица 5 излезноста изнесува 34, 93 отсто односно 93.109 гласачи. Во шестката одѕивот на избирачите изнесува 27,60 отсто или 87.571 лице го остварило своето право на глас. Претседателот на ДИК, Борис Кондарко досегашниот одѕив го оцени како прилично голем и посочи дека е надминат просекот од 2002 година. Тој информираше дека гласањето се довива нормално без поголеми и посериозни проблеми. До ДИК стигнале информации за одредени нарушувања во текот на гласањето во општините Кавадарци и Штип, Ѓорче Петров и Прилеп кои биле евидентирани од изборните органи. Станува збор за случаи кога граѓани со мобилни телефони го фотографираат гласачкото ливче по што тоа им било одземено а откако бил откриен идентитетот на лицата, тие биле пријавени во полиција. Како што рече Кондарко, против овие лица ќе бидат преземени законски санкции. Во име на ДИК тој уште една ги повика граѓаните да излезат и да гласаат. Наредната прес-конференција Државната изборна комисија ја закажа за во 18 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.
Македонија
Во вторник предизборен молк, до тогаш продолжува презентацијата на изборните програми
Во рамки на кампањата за парламентарните избори, која почна во четвртокот, и денеска кандидатите за пратеници во шесте изборни единици ќе ги претстават своите платформи пред граѓаните во повеќе делови од државата. Во исто време продолжува и кампањата за претседателските избори, чиј прв круг ќе се одржи в среда, на 24 април, додека вториот круг треба да се одржи заедно со парламентарните избори на 8 мај.
Кандидатот за претседател поддржан од коалицијата на СДСМ Стево Пендаровски во рамки на изборниот караван денеска ќе ги посети жителите на Ново Село, Босилово, Василево, а митинзи ќе одржи во Радовиш и во Струмица.
Кандидатката за претседател на државата поддржана од ВМРО-ДПМНЕ, Гордана Силјановска-Давкова ќе ја презентира програмата пред граѓаните во Македонска Каменица, Пехчево, Берово и Делчево.
Претседателскиот кандидат Стевчо Јакимовски и коалицијата „Храбро за Македонија“ ќе одржат митинг во скопската населба Карпош, а кандидатот за претседател на Движењето ЗНАМ – За наша Македонија Максим Димитриевски ќе ја презентира програмата пред граѓаните во Ресен, Претор, Новаци и во Битола.
Во рамки на третиот ден од кампањата за парламентарни избори, претседателот на СДСМ Димитар Ковачевски ќе биде меѓу граѓаните на Брвеница и на Тетово.
Македонија
Пендаровски: Понудата на Мицкоски за коалицирање е знак на слабост
Кандидатот за претседател Стево Пендаровски синоќа од Бутел рече дека е легитимно и дека е демократски избор секој да коалицира со кого сака. Но, понудата на претседателот на ВМРО-ДПМНЕ, Христијан Мицкоски за коалицирање со неговата партија, уште на првиот ден од кампањата за парламентарни избори, покажува дека тој бара помош.
„Ние среде кампања не бараме помош од пријател. Мене ми се чини дека тоа е јасен знак на слабост, затоа што господинот Мицкоски знае што го очекува на 24 април и на 8 мај. Инаку зошто би барал помош од страна?“, рече Пендаровски.