Македонија
Момчето што загина пред „Мепсо“ носело симболи на владејачката партија
Припадникот на полиската единица за специјални намени „Тигар“ кој е осомничен за убиството на момчетот на скопскиот централен плоштад „Македонија“ ноќта во неделата кон понеделник бил на должност во обезбедување на прозлавата на изборната победа на ВМРО-ДПМНЕ
Припадникот на специјалната полициска единица „Тигри“, Игор Спасов го усмртил 22 годишниот Мартин Нешковски од скопската населбата Козле, потврдија денеска од Министерството за внатрешни работи. Портпаролот на МВР, Иво Котевски, рече дека Спасов по идентификувањето на момчето, сам се пријавил кај својот старешина. Тој додаде дека тепањето се случило додека полицаецот бил на службена должност, и требало да го обезбедува плоштадот поради прославата на ВМРО-ДПМНЕ.Котевски информираше дека убиеното момче можеби и самото било дел од прославата на владејачката партија, бидејќи носело симболи на ВМРО-ДПМНЕ.„Семејството е информирано врз база на идентификацијата, се очекува веројатно истиот да биде идентификуван и од неговите најблиски. Откако е добиена информацијата дека се работи за насилна смрт и откако беше идентификувано и лицето кое е убиено, обезбеден е и осомничениот и со него во моментов се разговара во службените простории во МВР и во текот на денот по целосното документирање на случајот, против осомничениот ќе биде поднесена соодветна кривична пријава и истиот заедно со доказниот материјал ќе биде изведен пред истражен судија“, рече Иво Котевски.Тој додаде дека по завршување на службениот разговор ќе се знае повеќе и за мотивите односно за причините поради кои се случило убиството. Од МВР велат дека и покрај тоа што инсистирале било кој граѓанин кој има какви било податоци околу случајот да го пријави во полиција, сепак немале ниту една таква пријава.Братот на момчето веќе разговарал со полицијата, и кажал дека и порано го немало по неколку дена, и затоа семејството не реагирало откако не се вратил дома вечерта.Од истражниот судија се очекува да се добијат повеќе детали за тоа како настанала смртта. „Првично од тоа што го знам од разговорот, осомничениот вели дека воопшто не знаел во прв момент дека момчето починало, можно е да се работи и за убиство од небрежност“, рече Котевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно со повремени врнежи од дожд, а на планините повремен снег
Времето денеска ќе биде, променливо облачно со повремени врнежи од дожд, а на планините со повремен снег.
Локално, врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени.
Во Скопје променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени.
Од петок следува период на претежно стабилно и потопло време со пораст на температурите на воздухот.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска, ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата, која во следниот период имаме намера дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честита за успехот и се заблагодари на можноста да води кампања за која рече дека не била еднаква за сите оти законот што е во сила не дава еднаква можност за медиумско претставување на сите партии.
Рече дека се гордее на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоив повеќе од 80.000 гласа. Регистриравме субјект што постои нешто повеќе од три месеци и со граѓанската поддршка се етаблира на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади члена, а да освоите над 80.000 гласа. Искрено, се гордеам на секој глас што дојде како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Им порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој има 100.000 гласа помалку од Гордана Силјановска-Давкова.
„Почитуван мој претседателе, разликата е огромна. Доколку сакате да опстанат централната и левата идеја во државата, откажете се од оваа битка и оставете нѐ да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата, без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.