Македонија
„Тигарот“ не кажал пред полицајците зошто до смрт го истепал Мартин
По три дена од убиството министерката за внатрешни работи, Гордана Јанкулоска излезе пред јавноста и им изрази длабоко сочувство на семејството на момчето кое што во неделата вечерта беше претепано до смрт од страна на припадник на „тигрите“.
По три дена од убиството министерката за внатрешни работи, Гордана Јанкулоска излезе пред јавноста и им изрази длабоко сочувство на семејството на момчето кое што во неделата вечерта беше претепано до смрт од страна на припадник на „тигрите“.
„Би сакала да изразам длабоко сочувство на семејството на починатото момче и на неговите најблиски. Ние сме свесни дека загубата не може со ништо да се надомести, меѓутоа наша одговорност и обврска беше да го истражиме случајот и оној кој е виновен за овој немил настан да го изведеме пред лицето на правдата“, рече Јанкулоска.
Министерката тврди дека работата ја завршиле брзо и професионално. Според неа, дури во 16 часот во понеделникот на инсистирање на полициските службеници и инспектори кои што работеле на случајот добиле неофицијална потврда од судска медицина дека се работи за смрт предизвикана од насилство.
„До 14 часот следниот ден успеаја да го идентификуваат починатото момче и да го обезбедат осомничениот. За неполни 22 часа беа извршени разговори со над 20 лица, а паралелно беа направени и бројни проверки низ сите системи за утврдување на идентитетот на починатиот. Покрај ова полицијата ги проверуваше и сите шпекулации што намерно и ненамерно беа објавувани преку одредени медиуми за идентитетот на починатиот и притоа беше разговарано за идентификување на четири момчиња на приближно иста возраст кој во системот одговараа на наводен идентитет на лице Даниел од Ѓорче Петров, за кого всушност имаше и протести во тој период“ тврди Јанкулоска.
Припадникот на „тигрите“, Игор Спасов ќе одговара за кривичното дело „убиство“, за кое е предвидена казна според член 123 од Кривичниот законик. Но, со оглед на тоа дека тој се бранел со молчење, не се знае дали обвинителот и истражниот судија ќе одат квалифицирано или се работи за основното дело убиство.
Спасов првично дал изјава во полиција, но потоа во присуство на адвокат одлучил да се брани со молчење. Според она што го кажал, меѓу Спасов и починатото момче настанала вербална расправија, по која Мартин Нешковски почнал да бега трчајќи во правец на оградениот дел од плоштадот Македонија, каде се одржуваше Баскер фест.
Спасов почнал да го брка и во близина на штандот на „форнети“, Мартин паднал, а осомничениот се доближил до него и со употреба на физичка сила му задал неколку удари со тупаници и клоци во пределот на главата и телото. Од овие удари момчето паднало во бессознание, а Спасов го кренал од плочникот и го ставил во седечка положба на една од клупите. Од продавачката на штандот на „форнети“ побарал вода по што почнал да го прска момчето кое и понатаму било во бессознание.
„Набргу потоа осомничениот побарал помош и од двајца полициски службеници што патролирале во близина и се јавиле во итна медицинска помош. Заради можноста поедноставно да пристапи медицинската екипа осомничениот и полициските службеници го фатиле под рацете и го пренеле на тревникот во паркот пред МЕПСО каде што му била укажана помош и обид да се реанимира. Осомничениот заминал од местото и ги оставил полициските службеници да ја обезбедуваат екипата на медицинска помош каде по нивно пристигнување од страна на доктор констатирана е смрт“ рече Јанкулоска.
За неа случајот не е политички и според неа не треба да се сноси политичка одговорност.
За полициските службеници кои му помогнале на „специјалецот“ да го пренесат детето сè уште нема никаква одговорност, иако не го пријавиле случајот во полиција.
„Ќе се испита нивната одговорност, односно инволвираност или на кој било начин поврзаност со случајот. Доколку утврдиме дека има инволвираност на други лица безмилосно ќе реагираме. Ништо не може да надомести друг живот “, рече Јанкулоска.
Случајот бил пријавен многу подоцна од 24 часот како пронајдено тело со непозната смрт
„За жал сведоците, не се одзваа на нашиот апел да помогнат во истрагата и од нив не добивме никаква информација во полза на истрагата и не би сакала тоа да го кометирам. Добро е што успеавме да обезбедиме 20-тина други лица од непосредното опкружување каде што се случил настанот, дел од нив со висок процент на сигурност го потврдија идентитетот“ вели Јанкулоска.
Таа тврди дека специјалните единици подлежат на континуирана проверка на нивната подготвеност, освен физичката подготвеност и познавањето на прописите, кои се правеле двапати годишно, еднаш годишно припадниците на овие единици ги прегледувал и психолог.
Во неделата вечер Спасов крвнички го претепа Мартин Нешковски на плоштадот Македонија. Полицијата два дена молчеше за случајот. Спасов попладнево беше однесен пред истражен судија. крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Николоски со Караџов и Маринеску во Брисел: Македонија се фокусира на изградба на големи инфраструктурни проекти
Вицепремиерот и министер за транспорт Александар Николоски во рамките на работната посета на Брисел оствари средба со вицепремиерот и министер за транспорт на Бугарија, Гроздан Караџов, Мариан-Жан Маринеску, европскиот Координатор за коридорот Западен Балкан – Источен Медитеран, како и Матеј Законшеќ, директор на Секретаријатот на Транспортната заедница.
На средбата се разговараше за регионалните инфраструктурни проекти кои го потикнуваат рагионалниот развој и економија.
Николоски информираше дека законот за ратификација на Договорот потпишан на 6 ноември 2025 година наскоро ќе биде ратификуван во Собранието.
Николоски ги запозна соговорниците и дека на техничко ниво директорите на двете железнички претпријатија заеднички почнуваат со подготовка за апликација за финансирање на проектот за тунелот.
Тој потенцира дека се очекува во месец декември или јануари да биде објавен тендерот за третата фаза од проектот за железничко поврзување со Бугарија.
Работната агенда на вицепремиерот Николоски продолжува и утре каде ќе учествува на Самитот на министри за транспорт на земјите од Западен Балкан и министри од Европската Унија.
Македонија
„16 дена активизам против насилство врз жените и девојките“: панелистите со заклучок дека е потребна координирана реакција од сите општествени чинители
Денес се одржа панел-дискусија „16 дена активизам против насилство врз жените и девојките“, во просториите на Централниот штаб на ВМРО-ДПМНЕ, во организација на Унија на млади сили на ВМРО-ДПМНЕ. На панелот учествуваа Марија Митева, член на ИК на ВМРО-ДПМНЕ, Луна Стефаноска, член на ГК на УМС на ВМРО-ДПМНЕ, како и Ѓоко Велковски, заменик министер во Министерството за социјална политика, демографија и млади. Панелистите се осврнаа на важноста за подигање на свеста на темава, одговорно информирање од страна медиумите, како и унапредување на системот за заштита. Сите панелисти се согласија дека темата мора да остане во фокусот за да се обезбеди поголема безбедност и поддршка за жените и девојките.
Митева се осврна на делот за улогата на медиумите, кои според неа, имаат огромно влијание. Како што вели таа, многу жени работат во медиумите, и ги пофали истите за внимателно изнесување на ваквите случаи, но сепак во вакво динамично време, каде секој еден е медиум, време полно со предизвици, невозможно е целосно да се спречат штетните вести. Затоа, според неа, од клучно значење е одговорно известување и свесност за последиците врз јавноста и самите жртви.
Велковски нагласи дека системот за заштита од насилство функционира и постојат шелтер центри, 24-часовни линии за пријава и брза реакција. Тој посочи дека иако постојните механизми работат, секогаш има простор за подобрување. Како што вели тој, Владата и Министерството за социјална политика, демографија и млади, активно размислуваат како системот да стане поефикасен и подобро организиран.
,,Навистина сериозно се разгледува и се размислува за целиот систем како да стане подобар. Истиот функционира, бидејќи постојат и шелтер центри постојат линии кои што се активни 24 часа, каде што може да се пријави токму ваков тип на насилство по однос на темата. Во рок од 12 часа се постапува, најдоцна во зависност од тоа каква е тежината на самиот пријавен проблем и достапноста. Така да системот моментално како што е поставен и законот како таков функционира. Дали треба да биде подобрен? Секако. секогаш треба да се стремиме и како министерство и како Влада, меѓутоа пред се како луѓе. Сето она кое што сме го наследиле и има недостатоци да ги коригираме истите за да направиме еден перфектен систем, никогаш можеби не постои меѓутоа да се стремиме кон перфекција“, истакна Велковски.
Стефаноска истакна дека и е драго што младите, или нејзини врсници, се заинтересирани за теми поврзани со насилството. Според неа, дигиталното насилство е многу реално, бидејќи младите голем дел од својот живот го споделуваат онлајн и овој вид насилство може сериозно да влијае на менталното здравје, но понекогаш и да ја загрози физичката безбедност.
Македонија
Магла на Ѓавато, Плетвар, Стража и Крушево
Сообраќајот на државните патишта се одвива непречено, по наместа влажни коловози.
Намалена видливост поради магла до 50 метри има на планинските превои Ѓавато, Плетвар, Стража и Крушево, соопшти АМСМ.
Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година. Повеќе информации може да прочитате на овој линк.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
„Америка може да нè предаде“: протече разговор меѓу Макрон, Мерц и Зеленски
Европските шефови на држави и влади длабоко не им веруваат на Соединетите Американски Држави кога станува збор за мировни преговори...
(Видео) Татко на една од жртвите: Загрижува што обвинетите се однесуваат како оштетени и како првпат да слушаат за дискотеката „Пулс“
Загрижува фактот што обвинетите продолжуваат да добиваат јавен простор за изјави и медиумски настапи иако се соочуваат со сериозни обвиненија...
Јас единствен барав да не му се издава лиценца на „Пулс“, би требало да седам како јавност, а не како обвинет, рече поранешниот градоначалник Ратко Димитровски
Изненаден од тоа што седи на обвинителна клупа, поранешниот градоначалник на Кочани, Ратко Димитровски, на денешното судење за трагедијата во...
„Името го сменивме двапати, Уставот седумпати“ – Николоски во Брисел побара чесен пристап и одговор дали со уставните измени завршуваат барањата
Заменик-претседателот на Владата, Александар Николоски, се обрати на форумот „Прашања на проширување: Новата геополитичка, безбедносна и економска граница на Европа“,...
Фирмата за подготовка на храната во „Димо Хаџи Димов” казнета со 900 евра, во уште едно училиште откриена ешерихија коли во намаз
Операторот за подготовка на храната во основото училиште во Влае, „Димо Хаџи Димов“, е казнета со 900 евра откога беа...
Ресторан на нива, одморалиште издавано без согласност, градинка без деца оти нема пат – ревизијата утврди серија нерегуларности во Свети Николе
Државниот завод за ревизија утврди серија нерегуларности во работењето на Општина Свети Николе за 2024 година поради што изрази неповолно...
Обвинетите за „Пулс“ утрово во „Идризoво“ ги пречекаа фотографии од сите загинати
Металните барикади пред влезот во судницата во „Идризово“, кои ги одвојуваат влезовите преку кои влегуваат обвинетите и родителите на загинатите,...
Затвореник признал дека се негови 13-те мобилни и лаптопот најдени во ќелијата на Џеваир Камбери, обвинет за „Пулс“
Тринаесетте мобилни телефони и еден лаптоп пронајдени во ќелијата на обвинетиот за трагедијата во кочанската дискотека „Пулс“, Џеваир Камбери, не...
Посетата на Путин на Индија: Нафта, оружје и геополитичка порака до светот
Рускиот претседател Владимир Путин оди во Индија во дводневна посета, каде што се очекува да се сретне со премиерот Нарендра...
(Видео) Украинците: Го нападнавме рускиот нафтовод „Дружба“
Во понеделникот, уште една експлозија го потресе рускиот нафтовод „Дружба“, потврдија извори од украинското воено разузнавање (ХУР) за „Киев пост“....
Британците и Норвежаните потпишуваат договор: заедно ќе ги следат руските подморници
Велика Британија и Норвешка денес ќе потпишат нов договор за одбранбена соработка, планирајќи заедничко управување со флота од фрегати за...
(Видео) Се урна американски „Ф-16“
Американски борбен авион F-16C Fighting Falcon на воздухопловни сили „Thunderbirds“ се урна во оддалечена пустинска област јужно од аеродромот Трона,...
Нови израелски напади врз Газа: погодени шатори за бегалци, повеќе мртви
Петмина Палестинци вчера беа убиени, а неколку други беа повредени кога израелските авиони гаѓаа шатори и импровизирани засолништа за раселени...
Мадуро потврди дека разговарал со Трамп
Венецуелскиот претседател Николас Мадуро во средата потврди дека пред околу 10 дена имал „срдечен и полн со почитување“ телефонски разговор...
ОН усвои резолуција за враќање на киднапираните украински деца: Русија и 11 други земји гласаа против
Генералното собрание на Обединетите нации усвои резолуција со која се бара од Русија да обезбеди итно, безбедно и безусловно враќање...
Куновска по оставките во СДСМ:„Сите дома, тој останува“
Поранешната пратеничка и функционерка во СДСМ, Софија Куновска, на „Фејсбук“ објави критички статус откако вчера, на барање на партискиот лидер...
ВМРО-ДПМНЕ: Ние како мнозинство немаме од што да бегаме, ќе се расчистат сите прашања поврзани со трагедијата во Кочани
Пратеникот од ВМРО-ДПМНЕ, Бојан Стојаноски, изјави дека во периодот кога државата ја воделе СДСМ и ДУИ се закажувале анкетни комисии,...
(Видео) Филипче: Посебна анкетна комисија за трагедијата во Кочани, тоа е барање на родителите
Нашиот став е дека ние ќе ги поддржиме двете анкетни комисии. Едната којашто ја предлага владеачкото мнозинство каде сакаат да...
(Фото) Поставени дигитални уреди за мерење бучава кај кафеаните во Дебар Маало
Општина Центар започна со имплементација на паметен систем за следење на бучавата, преку поставување на дигитални индикативни уреди на местата...
Осигурителни компании склучиле картел и се договориле да ја зголемат цената за автомобилското осигурување
Десет осигурителни компании се казнети со 17.266.930 денари затоа што се договориле да ја зголемат цената за автомобилската одговорност што секој...
