Вештачењето за случајот со момчето Мартин Нешковски беше изведено максимално брзо, професионално и точно, изјави директорот на судска медицина, Алексеј Дума

При обработката на тој предмет, како што изјави д-р Алексеј Дума, работеле, криминалистичката техника на МВР, криминалистичката полиција, одделението за потраги на МВР и институтот за судска медицина.„Како едно единствено дело во обезбедување на материјални докази многу брзо, професионално и точно сработија работата. Ние со нив имаме одлична комуникација, секогаш се координираме максимално професионално“ рече Дума. Тој изјави дека обдукцијата на детето била завршена, во 12.30 часот, а податоците на истражниот судија му биле предадени на истражниот судија во 13 часот. Мартин Нешковски во неделата вечерта после полноќ беше претепан до смрт од страна на  специјалниот Игор Спасов. Случајот се уште не е разрешен, а институциите два дена молчеа за случајот.Но новинарско прашање за повторно отворањето на случајот Трајан Бекиров, Дума вели дека тие ќе обезбедат услови за второ мислење за овој случај. „Ние секогаш во согласност со меѓународните стандарди обезбедуваме  второ мислење. Секој има право согласно светските стандарди за демократија, човековите права да побара второ мислење, ние сме должни да ги обезбедиме условите. Спремни сме да соработуваме, да се координариме со експртите кои што ќе дојдат да го спремаат второто мислење“ рече Дума.Пред неколку години по бркотница со „алфите“ се губи секоја трага на малолетниот Трајан Беќиров. 18 дена подоцна во водите на Вардар неговото тело го пронаоѓаат жители на скопското село Трубарево. Но тогаш се појавија сомнежи во оваа официјална верзија.