Македонија треба да работи на зголемување на капацитетите за апсорпција на европските претпристапни фондови, велат од делегацијата на комитетот на буџетска контрола, чии преставници ја заокружија дводневната посета на Македонија.

Македонија треба да работи на зголемување на капацитетите за апсорпција на европските претпристапни фондови, велат од делегацијата на комитетот на буџетска контрола, чии преставници ја заокружија дводневната посета на Македонија.Велат дека работите генерално се движат во позитивна насока, но препорачуваат земјата да ги зголеми капацитетите со цел што поголемо искористување на фондовите што се на располагање. „Вие треба да ги зајакнете своите капацитети и да ги зголемите можностите за апсорпција за поголеми суми пари во различни области, не само за изградба на нови патишта, туку и за инвестиции во многу други важни сектори, како што е здравството, социјалниот сектор, земјоделството и така натаму. Се надевам дека во иднина вие тоа ќе го направите“, вели Зигмантас Балцитис, член на делегацијата. „Ние сакаме да видиме дека парите од Европската Унија се трошат на проекти што ќе бидат во полза на луѓето од вашата земја. Токму затоа, во текот на посетата го проверивме спроведувањето на неколку проекти“, рече Дерек Вон, член на делегацијата. Претставниците на делегацијата вчера и денеска се сретнаа со Државниот секретар во Секретаријатот за европски прашања, Јован Андоновски, со претседателот на анти-корупциската комисија, Воислав Зафировски и претставници на Делегацијата на Европската Комисија во Скопје, а лично се уверија за спроведувањето на два проекта во Скопје и во Тетово.  Велат дека се работи за редовна посета на земјата.„Причината зошто дојдовме овде не беше поради можна злоупотреба на средства. Овој тип на посети се закажани многу однапред. Ние планиравме да дојдеме во овој дел од западниот Балкан уште пред година и половина“, рече Барт Стаес, шеф на делегацијата. Во рамки на посетата на западниот Балкан, делегацијата претходно го посети Косово. /крај/ач