Новите процедури за вработување во администрацијата се во насока да се добие професионална и деполитизирана администрација

Ова во понеделникот го изјави  министерот за информатичко општество и администрација, Иво Ивановски, по потпишување на меморандумот со УСАИД за преземање на Центарот за техничка поддршка за компјутерите во основното образование Покрај тестот за интегритет и стручниот дел, во голем процент како што посочи Ивановски ќе влијае и просекот на кандидатот.„Со тој просек само првите пет кандидати ќе имаат можност да дојдат на интервју што значи дека знаењето и способноста на кандидатот за нас ќе биде клучно да се направи една професионална, стручна и деполитизирана администрација“, укажа Ивановски.Во однос на ставовите на одредени експерти дека има превработеност во администрацијата, Ивановски нагласи дека Македонија има помала администрација во споредба со останатите држави од регионот.Тој ги повика сите оние кои имаат такви ставови да кажат во кој дел има превработеност, врз основа на која анализа го констатираат тоа и каде според нив треба да има намалување.„Она што ние го имаме е дека во просек во сите земји од регионот според активната работна сила имаме многу помала администрација“, рече Ивановски.Во наредниот период  нагласи дека Владата ќе остане посветена на реформата во јавната администрација, зашто тоа како што рече им е ветено на граѓаните  и е неопходно за Македонија да стане развиена држава.