Македонија
„Павел Шатев“: Малите партии добија казна на изборите
Малите партии добија казна на овие избори, а се дефинираа македонскиот и албанскиот политички блок со по две партии. Она што е важно е дека треба да се започне со преиспитување на демократската анатомија на политичките партии.
Ова е заклучокот од денешната дебата „Демократските капацитети на политичките партии во Република Македонија“ што ја организираше институтот „Павел Шатев“.
Неуспехот на малите партии експертите го лоцираат во недостигот на внатрешни демократски односи кои би довеле до реална проценка на нивната сила за тоа дали да настапат на изборите сами. Забележуваат дека некои партии немаат лидери со демократски капацитет.
Професорот Димитар Мирчев смета дека оние партии со поразвиен демократски внатрешно – политички живот беа поуспешни на изборите.
„Треба да се преиспита и редефинира положбата на партиите. Нивното влијание врз државните институции сеуште е големо. Дел од партиите ги изневеруваат гласовите на граѓаните. Се создаваат предизборни и постизборни коалиции. Парламентарните состави на крајот од мандатот скоро никогаш не се исти како на почетокот. Затоа не можеме да зборуваме за демократски процеси и за демократизација на партиите. Токму поради отсуството на демократски процеси и лоша проценка пропаднаа и малите партии. Тие погрешија во проценката дека треба да настапат на изборите. Тие се преценија, а дел од нив не ја утврдија одговорноста“, истакна Мирчев.
Малите партии според политикологот Владимир Божиновски ги изгубиле гласачите бидејќи тргувале со нивните гласови.
„Доколку некој формира политичка партија и сака да презентира одредени идеи,тоа ќе му биде многу тешко поради досегашната злоупотреба и изневерувањето на гласачите од страна на малите партии.Се дефинираат македонскиот и албанскиот политички блок со по две партии“, рече Божиновски.
Според проф. Звонимир Јанкуловски евидентна е криза на лидерството во опозицискиот блок, каде како што рече поразот се обидува да се претстави како морална победа.
„Во политиката тоа не е вообичаено. Таму или добивате или губите. Меѓутоа луѓе кои тоа не го научиле низ политиката и низ животот, очигледно ќе се обидуваат вакви флоскули да ги пласираат со цел да го задржи она што го освоил во процесот на изборите. Тоа е самозалажување, креирање свет на илузии во кој се обидувате да живеете и се обидувате да го убедите своето членство“, нагласи Јанкуловски.
Посочувајќи ја опозициската СДСМ, тој рече дека може да се види оти е наследник на една идеолошка матрица која не признава пораз, а создадената партиска структура и амбиент се клонирани од минатото.
„Оваа партија не може да се демократизира од внатре бидејќи е заточеник на една личност“, укажа Јанкуловски.
На СДСМ како што рече проф. Панде Лазаревски му е потребно кадровско и организациско профилирање за да прерасне во стабилна и сериозна опозиција./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.