Комесарот за проширување на ЕУ, Штефан Филе, рече дека 2011 година може да биде година на можности за проширувањето на земјите на Западен балкан нагласувајќи дека за да се случи ова решавањето на прашањето околу името на Република Mакедонија е од суштинска важност.

Комесарот за проширување на ЕУ, Штефан Филе, рече дека  2011 година може да биде година на можности за проширувањето на земјите на Западен балкан нагласувајќи дека за да се случи ова решавањето на прашањето околу името на Република Mакедонија е од суштинска важност.

„Сакаме да се осигураме дека Скопје е меѓу оние земји во регионот кои одат по патот кон подлабоко интегрирање во ЕУ. Европската комсија даде препорака за започнување на преговори за членство во октомври 2009 година. Оваа препорака се уште е на сила и за да биде валидна, земјата треба да продолжи со напредокот во неопходните реформи“, рече Филе по денешната  средбата со премиерот Никола Груевски  во Брисел.

Затоа, додаде Филе, прашањето за името е клучно и двете страни треба да продолжат да бидат ангажиранин во процесот што се води под покровителство на ОН или во директни преговори.

Филе ги посочи и наредните чекори кои ги бара Унијата од Македонија: ефикасна имплементација на реформата во јавната администрација и судството, борба против корупцијата  и слобода на изразување на медиумите.

Оценувајќи ја средбата со премиерот Груевски како конструктивна, Филе рече дека по транспарентните избори земјата треба да работи на европските реформи.

Македонскиот премиер по средбата со еврокомесарот Филе, попладнево треба да се сретне со грчкиот премиер Јоргос Папандреу. /крај/ми