Гемијата и седумдесетина гемиџии тргнаа од Велес кон Гевгелија, јавува порталот Лисица. Четири дена тие ќе пловат по реката Вардар за да го спојат минатото и сегашноста, но и да остават аманет за идните генерации.

Гемијата и седумдесетина гемиџии тргнаа од Велес кон Гевгелија, јавува порталот Лисица. Четири дена тие ќе пловат по реката Вардар за да го спојат минатото и сегашноста, но и да остават аманет за идните генерации.

Реката да е мирна, и регатата да продолжи и во иднина, ова е дел од благословот кој го добија учесниците од Епархијата Повардарска.

„Водата значи живот, значи кога живееме и кога се спомнуваме за покојните ни оставиле и аманет. Покрај тој аманет, еве дружејќи се, како што се вели, се арчиме за Македонија. Дај боже оваа манифестација да не престане“, рече протајереј Славчо Јованов.

За организаторите значајно е што интересот кај велешани за учество во регатата е огромен. Тоа за нив било само доказ дека велешани не ги заборавиле стапките на своите претци и дека достојно ќе ги пренесуваат на идните генерации.

„Огромен е интересот кај велешани за да бидат дел од овој настан. Организациониот одбор годинава имаше тешка задача при составувањето на листата на учесници. Покрај желбата неопходна беше и медицинска документација со која се потврдува здравствената состојба за учество на регатата“, рече Славчо Чадиев, претседател на советот на Општина Велес.

За локалната власт оваа манифестација е значајна, очекувањата се дека од година во година учесниците ќе бидат се побројни и побројни.

„Ја продолжуваме традицијата на нашите претци, нашите велешки трговци меѓутоа и традицијата на револуционерите и познатите велешки гемиџии по Вардар, да однесеме стока за трговија но и да се потсетиме на она што направија Гемиџиите и токму во нивна чест, оваа година по 12 пат за три и пол дена учесниците на регатата ќе стигнат до Гевгелија и се надевам дека оваа порака која ја испраќаме годинава ќе продолжи и во иднина“, рече Горан Петров, градоначалник на Велес.

И оваа 12 та по ред Вардарска регата има за цел да ја оживее традицијата на стариот начин на трговија помеѓу Велес и Солун , но и да се потсети големото дело на групата главно велешани кои под мотото „Се Арчиме за Македонија“ ги изведоа познатите солунски атентати во далечната 1903 за да го привлечат вниманието на светската јавност околу состојбата во која се наоѓал тогаш македонскиот народ./крај/лисица