Осигурените лица кои се невработени од денеска ќе мора да извршат пререгистрација на својот основ, односно да поднесат изјава за остварени приходи во претходната година, велат од Фондот за здравствено осигурување.

Осигурените лица кои се невработени од денеска ќе мора да извршат пререгистрација на својот основ, односно да поднесат изјава за остварени приходи во претходната година, велат од Фондот за здравствено осигурување. Изјавите, во наредните два месеци, невработените ќе ги пополнуваат во четиринаесетте најголеми подрачни служби во Агенциите за вработување на Македонија каде свои шалтери ќе има и Фондот за здравство.„Ова е проект од министерство за финансии, целокупниот закон и лимитите се пропишани од министерството за финансии, Фондот за здравство само е извршител во овој случај, ова е и два месеци предвреме почнато со цел да не се случат повторно гужви по шалтерите“, рече денеска Бранко Аџигогов, портпарол на Фондот за здравствено осигурување. Приходите кои во Изјавата не треба да се пријавуваат се: социјална помош, надоместок за телесно оштетување, награди, стипендии и кредити за ученици и студенти, детски додаток, еднократна помош за новороденче и родителски додаток, алиментации, надоместок во случај на смрт и надоместок по основ на невработеност како и приходи добиени од волонтерска работа.Семејствата кои имаат барем еден вработен член, нема дополнително да плаќаат за сини картони, зашто тие и понатаму ќе бидат осигурани преку тој што е вработен.Семејствата со невработени што имаат годишни приходи од 132.000 до 182.000 денари, за сини картони ќе плаќаат по 1.100 денари месечно. Оние на кои годишниот приход им е повисок од 182.000, за сини картони ќе плаќаат околу 2.200 денари месечно. Студентите, ќе добиваат сини картони преку родителите, без да се уплатува дополнително за нив.Од денеска започнува да се користи уште една новина на Фондот за здравство –  печатениот рецепт.„Апелирам до аптеките да не ги враќаат осигурениците, да си ги прочитаат материјалите кои им се обезбедени од Фондот за здравство, како и конкретните упатства како да постапуваат. Во случајот со печатените рецепти, обврската на аптеките е минимална. Тие ќе ги примаат рецептите, додека товарот за издавање и веродостојноста на рецептите е на матичните лекари“, порача Аџигогов./крај/ко