Идниот понеделник првообвинетиот од случајот „Пајажина“ сопственик на А1 телевизија Велија Рамковски, ќе даде исказ во врска со обвинението според кое се товари за злосторничко здружување, затајување данок, перење пшари, злоупотреба на службената положба

Додека судијката Павлина Христовска се договараше со бранителите на 23-та обвинети во случајот „Пајажина“ за тоа по колкумина сведоци ќе се испрашуваат на ден, Велија Рамковски рече „јас имам 15 минути, толку сум напишал’.Идниот понеделник, освен Рамковски исказ ќе треба да дадат и Амди Рамковски, братот на сопственикот на А1 телевизија, Невин Рауф и Зоран Мицевски.По четири одложувања денеска обвинителката Гордана Гешковска неколку часови го читаше обвинителниот акт за 23-та обвинети во случајот „Пајажина“ На последното рочиште одбраната во случајот приговараше на записникот од минатата седница добиен по електронски пат, кој наместо на 7 страници беше на 17.Во записникот од 14 јуни се наведува дека главниот претрес е започнат, дека обвинителката Гордана Гешковска го прочитала обвинението, сите обвинети дале свој исказ и оти остануваат на она што го кажале пред Истражниот судија. Поради ова тие побараа изземање на судијката Павлина Христовска од овој случај. Судијката Павлина Христовска објаснуваше дека станува збор за техничка грешка и дека на дактилографката тоа и служело како формулар за дополнување. По одлука на претседателката на Кривичниот суд, Лидија Неделкова судијката Христовска не беше изземена.Првообвинетиот Велија Рамковски рече дека ваквиот чин е политички монтиран процес.„Ова не е техничка грешка и не верувам дека дактилографката е до толку трудољубива. Мене ова ме упатува на тоа дека е политички монтиран процес, наместен и режиран пред време. Можеби некаде постои и готова пресуда“, рече Рамковски.Доколку Јавното обвинителство го претстави обвинението тогаш Рамковски, кој е првообвинет во случајот „Пајажина“, ќе треба да се произнесе за вината.Дел од обвинетите за случајот „Пајажина“, меѓу кои е и сопственикот на А1 телевизија, се наоѓаат во притвор уште од 23 декември 2010 година.