Спор за името е суштински за двете страни. Тој е за националниот идентитет и за прашањето кој е одговорен за културното наследство на Грција и Македонија. Веруваме дека ова е билатерален проблем, што може да се реши само со помош од ОН, изјави за Дојче Веле, Конрад Желињски од полското МНР.

Грчко – македонскиот спор за името е суштински за двете страни. Тој е за националниот идентитет и за прашањето кој е одговорен за културното наследство на Античка Грција и Античка Македонија. Веруваме дека ова е билатерален проблем, кој на крај може да се реши само со помош од ОН, изјави за Дојче Веле, Конрад Желињски од прес – канцеларијата на полското МНР.

Тој вели дека земјата што претседава со ЕУ од петокот жали што разговорите за прашањето меѓу Скопје и Атина не произведоа решение кое ќе ги задоволи двете страни, бидејќи, како што истакнува, ова е најголемиот хендикеп за Македонија во процесот на интеграција во НАТО и во ЕУ.

Полското претседателство со ЕУ во делот за проширување ги споменува само Хрватска, Турција и Исланд. За земјите од Западен Балкан, Полска запишала дека силно ќе ги поддржува нивните европски аспирации. „Полското претседателство има за цел да ја осигура примената на стратегијата за проширување. Ќе биде значајно земјите кандидатки и тие што се заинтересирани за членство во ЕУ да покажат определба за исполнување на пристапните критериуми, кои се еднакви за сите“, стои во стратегијата на полското претседателство.

На прашањето, како што пишува Дојче Веле, зошто во стратегијата ја нема Македонија и дали може да се очекува од новото претседателство поголем ангажман во затворање на македонско – грчкиот спор, од полското МНР одговориле дека спорот може да се реши само во ОН./крај/дв/бд