Програмата за одржување на градските гробишта и утврдувањето на цените за работите кои ги врши АД Бутел, како управител на градските гробишта во Скопје денеска се најдоа пред градските советници.

Програмата за одржување на градските гробишта и утврдувањето на цените за работите кои ги врши АД Бутел, како управител на градските гробишта во Скопје денеска се најдоа пред градските советници.Градоначалникот на Скопје Коце Трајановски рече дека Градот преку своја комисија веќе  една година ја следи работата на АД Бутел за да се подобри состојбата на гробиштата во Бутел, Ѓорче Петров и Камник. Со цел да се разбие монополот на оваа фирма, градот отсега строго ќе ја следи и наплатата за кој ќе важи единствен ценовник.За таа цел Градот и АД Бутел како управител со градските гробишта потпишаа договор со  што строго се дефинираа цените кои изнесуваат 18 илјади денари за старо гробно место и 27 илјади денари за ново гробно место. Во овие цени влегува и бетонскиот парапет на гробното место.Новиот ценовник го регулира и надоместот што лиценцираните оператори треба да му го плаќаат на управителот АД „Бутел“ за одредени нивни услуги.На овој начин според Трајановски, му се дава на знаење на АД Бутел дека Градот нема да трпи монопол, а се овозможува и конкурентност кај операторите меѓу кои е и АД Бутел.„Тоа ни е во моментов како контролен механизам. Доколку не се почитуваат овие одлуки и доколку АД „Бутел“ не ги извршува своите обврски согласно договорот и имаме големи поплаки од операторите во смисол дека управителот на градските гробиштата не дозволува конкуренција во работата на операторите, бидејќи АД „Бутел“ си има свои оператори со кои соработува, можно е и одземање на нејзината лиценца за управување со градските гробишта“ – изјави Трајановски. крај/к.с.