Прашањето во спорот со името не е интелектуално прашање кое може да се реши со креативна мисла, туку е политичко прашање чие решение мора да биде интерес во двете страни, рече шефот на унгарската дипломатија, Јанош Мартоњи, на средба со новинари од западен Балкан.

Прашањето во спорот со името не е интелектуално прашање кое може да се реши со креативна мисла, туку е политичко прашање чие решение мора да биде интерес во двете страни, рече шефот на унгарската дипломатија, Јанош Мартоњи, на средба со новинари од западен Балкан. Според Мартоњи, чија земја пред една недела го предаде претседателството со Европската Унија на Полска, посочи дека од македонска и од грчка страна во последните месеци добивал информации дека се наближува денот за изнаоѓање решение на спорот. „Преговорите се одвиваат со посредство на ОН. Ниту ЕУ, ниту Унгарија не може повеќе да направи освен да ги охрабрува двете страни да го изнајдат заедничкото прифатливо решение“, рече Мартоњи, јави МИА. Според шефот на унгарската дипломатија, пристапните преговори со Македонија можат да започнат и без решение на спорот со името, а нивното затворање да се случи по евентуално надминување на спорот. „Ние не гледаме пречка за почнување на преговорите порано, но во исто време сме реалисти и заради тоа не го ставивме ова прашање како точка на дневен ред. Сметавме дека на дневен ред може да се најдат само такви прашања чија веројатност за добивање одговори е поголема“, рече Мартоњи. /крај/миа/