Отвореност за нови проширувања и инсистирање земјите од западен Балкан не смеат да станат заборавени земји, и честитките за Хрватска на неодамнешното завршување на преговорите со Европската унија, се главните теми на воведните говори на Кроација самитот 2011, што вечерва започна во Дубровник.

Отвореност за нови проширувања и инсистирање земјите од западен Балкан не смеат да станат заборавени земји, и честитките за Хрватска на неодамнешното завршување на преговорите со Европската унија, се главните теми на воведните говори на Кроација самитот 2011, што вечерва започна во Дубровник. Хрватска се залага за вклучување на сите земји од регионот во дијалог и нивно регионално интегрирање, рече хрватската премиерка Јадранка Косор. Таа дополни дека сите земји во југо источна Европа во Хрватска ќе добијат уште еден пријател и поддржувач. Премиерот на Словенија Борут Пахор истакнувајќи ја Хрватска како пример за големо достигнување, рече дека хрватско-словенечкиот компромис во решавањето на граничниот спор е успешен, потенцирајќи дека слични спорови постојат во речиси сите земји во регионот. Пахор особено го истакна македонско-грчкиот спорт, нагласувајќи дека за Македонија е важно во спорот за името со Грција да најде компромисно решение, за да не стане „заборавена земја“.„Македонија би можела да стане заборавена земја, тоа е лоша можност. Сите со задоволство би сакале Брисел да расправа за европската иднина на Македонија“. Според зборовите на Пахор, со оглед на сегашната криза во Грција, сега е вистинското време да се направи пресврт во преговорите за името.    крај/х/нц