Единаесет проценти од матурантите во средните училишта во Република Македонија не положиле државна матура, изјави на денешната прес конференција, министерот за образование и наука, Никола Тодоров.

Единаесет проценти од матурантите во средните училишта во Република Македонија не положиле државна матура, изјави на денешната прес конференција, министерот за образование и наука, Никола Тодоров.„Годинава  11 проценти од учениците не ја положиле државната матура, односно имаат единица барем по еден предмет“ вели Тодоров. Во анализите кои се споредени со овогодишните резултатите од минатите две години се забележува пораст на средната оценка. Просечната оценка во 2011 година за државната матура е 3, 3 додека во 2010 е 2, 98 и во 2009 изнесуваше 3,1 проценти.„Ова значи дека досега имаме најдобри резултати на државната матура. Во изминатите години државниот испитен центар во соработка со МОН ги анализираше сите детали околу државната матура. Работевме на подобрување и усовршување на видот на тестот, околноста и содржината за полагање на државната матура“ рече Тодоров. Тој додаде дека тестовите за мајчини јазици оваа година биле делумно изменети по својот состав, односно тестот наместо два има еден есеј, со можност за избор на две теми. Но, кај странските јазици има опаѓање на резултатите, особено кај францускиот јазик. „Најзабележителен пад се регистрира кај францускиот јазик кој оваа година има средна оценка од 2, 6. При што од 430 ученици кои полагале дури 114 односно 26,5 проценти не положиле. Тоа  е висок процент и затоа е потребна дополнителна анализа за причините на оваа состојба“ изјави министерот. За следната година министерството за образование и наука најави имплемтација на електронско оценување. „Ќе се обиде да имплементираме систем за електронско оценување. Така што на тој начин ќе го намалиме субјективизмот во оценувањето и значително ќе ги намалиме трошоците за реализација на државната матура коишто изнесуваат од 23 до 25 милиони денари годишно“ вели Тодоров. Резултатите од државната матура ќе бидат објавени  денеска во 18 часот на веб страната www.matura.mk а на 13 јули  ќе бидат објавени и на огласните табли во сите училишта. Исто така, на насловната страница на сајтот во соработка со факултетот за информатички науки и компјутерско инженерство во рамките на универзитетот Св. Кирил и Методиј ќе може секој матурант да ги внесе резултатите и да  пресмета со колку поени може да конкурира на факултетот кој го избрал за студирање. Од државниот испитен центар велат дека испитите во целата државa се одвивале согласно со  пропишаните правила и процедури. „Имавме вклучени 1830 тестатори во училиштата и 200 овластени набљудувачи вработени во повеќе државни институции. Процесот на оценување се спроведе во училиштето „Кочо Рацин“ од страна на 315 оценувачи коишто беа избрани на конкурс од страна на државниот испитен центар“ изјави директорот на државниот испитен центар, Методија Јанчевски. Тој додаде дека во јунскиот испитен рок биле  пријавени 18.184 кандидати за мајчините јазици и испитот го полагале 17.457 односно 727 ученици биле отсутни. Додека во вториот испитен ден од пријавени 18. 290 ученици, а присутни  17.531 исто така се бележи слична бројка на отсутни од 759.  Тој најави дека Македонија во септември ќе учествува во иницијативниот одбор за формирање на балканска асоцијација на државни испитни центри со цел  соработка со сличните институции со земјите на Балканот поради размена на искуства, задачи и проекти во рамките на Европската Унија. /крај/макфакс/пк