Компјутерџијата во А1 телевизија, Јасмин Љатифовиќ обвинет во случајот Пајажина, не бришел никакви податоци од серверите туку негова задача била само да ги исклучи безбедно, за потоа тие да бидат транспортирани во сервер просторија во Битола ,тврдеше тој пред судскиот совет.

Компјутерџијата во А1 телевизија, Јасмин Љатифовиќ обвинет во случајот Пајажина, не бришел никакви податоци од серверите туку негова задача била само да ги исклучи безбедно, за потоа тие да бидат транспортирани во сервер просторија во Битола ,тврдеше  тој пред судскиот совет.

Ова пренесување на серверот го договарала сметководителката Славица Маринковска уште пред месец и половина. Пренесувањето на серверите од Скопје во Битола било поради тоа што често во просториите на Перо Наков се вршеле реновирања, па постоела опасност да бидат избришани податоци од компјутерите.

Додека го вршел исклучувањето на серверите, на 25-ти декември минатата година немало присуство ниту на инспектори од УЈП ниту од  Финансовата полиција, а  упадот во А1 се случил вечерта.

Љатифовиќ не го интересирало и не знаел какви податоци имало во компјутерите, бидејќи како што кажа,  во серверите биле инсталирани софтвери за кои според него била одговорна Славица Маринковска.

По него одбрана даваше управителот на печатницата Мисирков и Време Еч, Слободан Пејовски. Тој тврдеше дека не е за ништо виновен, не бил член на никакво злосторничко здружување туку бил во редовен работен однос и инсистирал законско работење.

Во текот на работењето не примал од никого наредби и не давал лажни податоци за финансиското работење на неговите фирми, ниту за одбегнување на плаќање на данок.

Единствено потпишувал даночни пријави и годишни биланси кои што претходно биле изготвени во сметководството во чија работа не се сомневал.

За тоа дека како управник не го пријавувал целиот готовински промет, Пејовски тврдеше дека немало никаков готовински промет и платите биле исплаќани преку трансакциска сметка. Пејовски исто така тврдеше дека во неговите фирми немало никогаш фиктивни фактури. Тој побара мерката притвор да му се замени со домашен притвор.

Пејовски истовремено бил управител на печатницата Мисирков и време Еч по предлог  на Хеди и  Емел Рамковски и Лејла Цановска.

Управителот кој што требало да биде главен на печатницата Мисирков не успеал да го регулира својот престој во Македонија.

Инаку редоследот на судењето се промени па прв одговараше Љатифовиќ кој се брани од слобода бидејќи требало да замине на некое патување.

Сега се очекува своја одбрана да даде екс директорката на А1 Анета Кочишки. /крај/фф/