Македонија
Децата се плашат да пријават семејно насилство
Од вкупно 106 дојави во само осум случаи децата биле тие кои пријавиле насилство, покажува извештајот на Првата детска амбасада Меѓаши, за последните седум месеци, презентиран денеска.
Од вкупно 106 дојави во само осум случаи децата биле тие кои пријавиле насилство, покажува извештајот на Првата детска амбасада Меѓаши, за последните седум месеци, презентиран денеска.
Од вкупно осум пријави од страна на деца, три се однесуваат на семејно насилство, три на институционална злоупотреба и две за проблеми во комуникација.
„Најчесто децата жртви се плашат да ги пријават своите родители бидејќи нивната иднина е неизвесна , сметаат дека подобро за нив е да бидат изложени на постојано семејно насилство отколку да бидат жртви на институционална злоупотреба“, рече извршниот директор на ’Меѓаши’“ , Драги Змијанац.
Тој додаде дека оние кои го пријавуваат семејното насилство се најчесто соседите и роднините.
Како што се наведува во извештајот на „Меѓаши“, второ рангиран е проблемот со прекршување на правата при бракоразводни постапки, па така во периодот од јануари до јули, 17 пријави биле во тој контекст.
„Тоа се најчесто проблеми поврзани со доделување на старателство а притоа не се зема предвид мислењето на детето со кој родител сака да живее. Децата се дополнително жртви бидејќи неволно мораат да остваруваат видување со родителот со кој немаат силна емоционална врска. Нашиот генерален став е дека децата над десет години треба да бидат обврзно прашани со кој родител сакаат да живеат“, рече Змијанац.
Јана Зенговска , психолог во детската амбасада, рече дека има насилство и во воспитно – образовните институции.
„Најчесто граѓаните нé информираат за несоодветно постапување во училиштата и градинките од страна на вработените како и непедагошкиот однос од страна на истите. Од вкупно 6 дојави, 3 се однесуваат на негрижа кон учениците, несоодветно постапување од страна на стручните служби во училиштата“, рече Зенговска.
Првата детска амбасада во изминатите седум месеци постапила со 75 писмени обраќања до соодветни институции.
Змијанац побара од Владата финансиски да овозможи 24-часовна одржливост на СОС телефонската линија и достапност и преку сите фиксни и мобилни оператори, како и хармонизација на постоечкиот број со европскиот шестоцифрен број за поддршка на деца и млади 116 111./крај/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја денеска делови од Бутел, Чаир и Карпош
Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, дел од корисниците од ул. 1550 место викано Гериз во индустриска зона Визбегово, општина Бутел;
– во периодот од 09.00 до 14.00 часот, корисниците од ул. Стојна Стевкова, како и дел од корисниците од ул. 393 во населба Чаир, општина Чаир;
– во периодот од 09.00 до 15.30 часот, дел од корисниците од ул. Блаже Биринчето, општина Карпош.
Македонија
Сончево со умерена локална облачност: температурата до 14 степени
Сончево со мала до умерена локална облачност. По одделни котлини ќе има услови за појава на утринска магла. Ќе дува слаб до умерен ветер од западен и северозападен правец. Минималната температура ќе биде во интервал од -6 до -1, а максималната ќе достигне од 7 до 14 степени.
Во Скопје, во утринските часови во делови од котлината ќе има услови за појава на магла. Во текот на денот времето ќе биде сончево и тивко со мала облачност. Минималната температура ќе се спушти до -5, а максималната ќе достигне до 9 степени.
Времето во наредните денови
Во петок ќе се задржи стабилно и потопло време со услови за појава на утринска магла по котлините. Во деновите од викендот ќе има зголемена облачност и повремени локални врнежи од дожд, а на планините од снег. Дневната температура повторно ќе биде во опаѓање.
Македонија
Грипот ја однесе првата жртва: почина 75-годишна жена
Вирусот на грипот ја однесе првата жртва оваа зима. Седумдесет и петгодишна жена починала пред три дена на Клиниката за инфективни болести. Пациентката имала повеќе коморбидитети и не била вакцинирана против грип.
Во моментов на Клиниката се хоспитализирани 25 пациенти со компликации од грип, oд кои повеќето се возрасни лица со хронични заболувања и невакцинирани од грип.
Директорката на Институтот за јавно здравје (ИЈЗ), Марија Андоновска, пред неколку дена кажа дека пикот се очекува да биде во втората половина од овој месец и првата половина од февруари.
„Со враќањето на децата во училиште очекуваме дека и бројот на лица коишто ќе бидат заболени од грип или заболувања слични на грип може да биде зголемен“, рече Андоновска.
Институтот за јавно здравје препорачува оние коишто не се заболени да избегнуваат колку што е можно некакви собири или да престојуваат во простории или трговски центри каде што има голем број на луѓе, да избегнуваат контакт со веќе заболени лица или оние што ќе пројават некакви симптоми на кивање и кашлање. Често да се мијат раце со обичен сапун и вода, да се проветруваат просториите, да се почитуваат здрави животни навики – редовна хидратација со течности односно вода, лесна храна, витамини, минерали.

