Македонија
Кривична пријава за сопственик на охридски интернет портал
Сопственик на охридски интернет портал и градежна фирма во Охрид, Сашо М. доби кривична пријава за даночно затајување, оштетување на доверители и фалсификување и уништување на деловни книги, соопштува МВР.
Сопственик на охридски интернет портал и градежна фирма во Охрид, Сашо М. доби кривична пријава за даночно затајување, оштетување на доверители и фалсификување и уништување на деловни книги, соопштува МВР.
Од 2008 до 2010 година, Сашо Д. како управител на фирма водел фиктивно сметководство, делумно се обезбедувал со фиктивни фактури, не поднесувал ДДВ пријави или ги поднесувал со невистинити податоци, противправно подигал жирални средства од сметката на правниот субјект во деловните банки кои биле незаконски разкнижувани по повеќе основи, без притоа да поседува соодветен документ. Го оштетил буџетот на општина Охрид за 1.7 милиони денари.
„Во текот на 2009 и 2010 година, иако знаел дека неговата фирма е неспособна за плаќање, со намера изиграл неколку доверители-добавувачи на бехатон плочки. Тој, со измамнички дејствија во книговодствената евиденција, наместо да ги плаќа обврските кон доверителите во износ од 2.625.053 денари, ги подигнал во готово од жиро сметка и лично, фиктивно ги евидентирал како материјални трошоци во износ од 3.615.500 денари во 2009 и 3.314.800 денари во 2010 година“ се вели во соопштението на МВР.
Според податоците на охридската полиција, за да ги избегне давачките тој дури се претставувал и како вработен во Министерството за внатрешни работи
Медиумот на осомничениот потврди дека бил повикан на информативен разговор но вели дека се неточни тврдењата дека се претставувал како полицаец.
Во информацијата уште се наведува дека порталот во сопственост на осомничениот охриѓанец е критички настроен кон власта и дека таа до сега се пресметала со неколку такви медиуми.
Исто така се наведува дека уредникот на порталот по информативниот разговор во полицијата бил хоспитализиран во охридската општа болница./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Маскиран со „фантомка“ влегол во казино во Лешок, репетирал автоматската пушка и украл 329.780 денари: притвор за 28-годишник
Јавен обвинител од Основното јавно обвинителство Тетово донесе Наредба за спроведување истражна постапка против 28-годишен жител на Непроштено, осомничен за разбојништво и поседување автоматска пушка.
На 24 април, осомничениот, маскиран со „фантомка“, влегол во казино во Лешок и со автоматска пушка која на граѓаните им е забранета им се заканил на вработениот во обезбедувањето и на уште едно присутно лице. Ја репетирал автоматската пушка и им наредил на оштетените да легнат на подот, по што од фиоките на касите одзел 329.780 денари.
На овој начин осомничениот сторил кривично дело – Разбојништво по член 237 став 4 во врска со став 1, како и кривично дело – Неовластено изработување, држење, посредување и тргување со оружје или распрскувачки материи по член 396 став 2 во врска со став 1 од Кривичниот законик, соопшти Обвинителството.
Јавниот обвинител до судијата на претходна постапка од Основниот суд во Тетово достави предлог за определување мерка притвор за осомниченото лице, бидејќи постои опасност од бегство, можност тој да влијае врз сведоците и да го повтори делото. Судот го прифати предлогот и определи притвор во траење од 30 дена.
Скопје
Градоначалникот Георгиевски на увид во реконструкцијата на игралиштето за мал фудбал во Текија, општина Илинден
Увид во работните активности за реконструкција на игралиштето за мал фудбал во рамки на подрачното општинското основно училиште во населено место Текија направи градоначалникот на општина Илинден, Александар Георгиевски.
Како што истакна градоначалникот Георгиевски и на ова фудбалско игралиште целосно ќе биде обновен асфалтниот слој, проширување на теренот, ќе биде поставено лед осветлување, обновување на заштитната ограда, а ќе бидат поставени нови голови, клупи, корпи за отпадоци, просторот ќе биде партерно уреден. Со обновувањето на игралиштето ќе се создадат услови за реализација на часовите по физичко образование како и комплетно реконструиран, убаво уреден простор каде младите во спортски дух ќе го поминуваат слободното време, соопшти општина Илинден.
Покрај реконструкцијата на игралиштето за фудбал ќе се обнови и детското игралиште во рамки на училиштето, односно оштетените реквизити ќе бидат заменети со нови.
Со цел уредување на секое населено место како и создавање квалитетни и безбедни услови за жителите, општина Илинден продолжува со реконструкција на постоечките и изградба на нови спортски терени и во останатите населени места, се наведува во соопштението.
Македонија
СДСМ: Ја слушнавме пораката од граѓаните и ја прифаќаме, ќе продолжиме да се бориме
„СДСМ ја слушна пораката од граѓаните и ја прифаќа. Ние ќе продолжиме да се бориме за секој граѓанин, за прогресивна и европска иднина на Македонија. Резултатот на изборите на 8 мај сè уште не е одлучен“, велат од СДСМ.
„Со десничарите може да се соочиме со мрачни сценарија од минатото, кои ќе стават крај на европските перспективи и кои водат во нова долга изолација и нови поделби во општеството.
Веќе се гледа дека ВМРО-ДПМНЕ и ДУИ играат опасна игра со мултиетничкото ткиво на нашето општество. Тензиите што се сега се прават меѓу Македонците и Албанците може да нè вратат назад во грдото минато.
Затоа е исклучително важно граѓаните да излезат и да гласаат на 8 мај, за напредна држава, држава во која ќе имаме подобар животен стандард. Нема откажување од иднината!“, соопшти СДСМ.