Нема изгледи дека Македонија следната година ќе ја добие поканата да ги почне преговорите за пристапување, иако лани во ноември доби кандидатски статус за Европската унија(ЕУ).

Нема изгледи дека Македонија следната година ќе ја добие поканата да ги почне преговорите за пристапување, иако лани во ноември доби кандидатски статус за Европската унија(ЕУ).Ова го пишува во депеша од 18 октомври 2006 година што тогашната американска амбасадорка Џилијан Миловановиќ ја испратила до Розмари, Ди Карло помошник – заменик државен секретар во Стејт департментот, пред нејзината посета на Скопје, објави Викиликс.„Владата ќе го добие извештајот за своето приближување кон ЕУ во ноември и веројатно тој извештај ќе забележи на сегашниот застој со ДУИ, слабите резултати во борбата со корупцијата и бавниот напредок во спроведувањето на судските реформи, како главни причини зошто преговорите нема да почнат следната година. Но, Македонија би можела да биде цврст кандидат за покана од НАТО на следниот самит за проширување. Владата се надева за позитивни критики на самитот во Рига,  како признание за своите постигања и сигнал дека проширувањето на НАТО ќе биде тема на некој самит во 2008 година“, се вели во дописот.Во врска со проблемот со името, Миловановиќ вели дека новата влада, која положила заклетва само два месеци претходно, ја повторила двојната формула како основа за понатамошни разговори со Грција за спорот за името и изразила подготвеност на таа основа да ги продолжи преговорите под покровителство на ОН, водени од Метју Нимиц.„На Владата да и порачате дека мора да оствари широки консултации и создаде консензус со ДУИ и опозициските партии за клучните закони и за спроведувањето на реформите. Треба во пракса да ја докаже посветеноста на спроведувањето на Рамковниот договор, во блиски консултации со опозицијата и со ДУИ“, посочува Миловановиќ во депешата објавена од Викиликс. /крај/вкл/ст