Македонија
ЕУ негира дека добила писмо од пратеници на ВМРО-ДПМНЕ
Од Канцеларијата на Европската унија во Скопје, негираат дека добиле писмо, во кое пратеници на владејачката ВМРО-ДПМНЕ, бараат заштита заради наводен притисок кој матичната партија го вршела врз нив за да потпишуваат изјави за лојалност и бланко оставки.
Од Канцеларијата на Европската унија во Скопје, негираат дека добиле писмо, во кое пратеници на владејачката ВМРО-ДПМНЕ, бараат заштита заради наводен притисок кој матичната партија го вршела врз нив за да потпишуваат изјави за лојалност и бланко оставки. „Првпат слушаме за такво нешто“, изјавија за Макфакс од Амбасадата на ЕУ.Одговорот на ЕУ доаѓа откако за шест пратеници од владејачката ВМРО-ДПМНЕ на социјалните мрежи се тврдеше дека испратиле писмо до Канцеларијата на Европската унија во Скопје барајќи заштита за себе и своите семејства, „поради страв од лидерот на партијата“. Наводите беа дека во писмото пратениците, наводно, детално го објасниле целиот процес на присилување на сите кандидати пред изборите да ги потпишат понудените бланко оставки, мениците и изјавата за лојалност.ВМРО-ДПМНЕ ги негираше обвинувањата дека воопшто постојат такви меници и изјави на лојалност.крај/макфакс/мд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Фото) Се чистат улиците, автобуските постојки и пешачките патеки во Гази Баба
Градоначалникот на општина Гази Баба, Бобан Стефковски на ФБ објави дека повеќе од 7 часа активно се чистат улиците во општината. Тој посочи дека поради интензитетот на врнежите од снег активностите се уште траат и ќе продолжат и во текот на денот.
„Изминатите часови се изврши чистење на улици во Автокоманда, Црешево, Железара, Смилковци, Виниче, Триангла, Трубарево, Булачани, Раштак, Ченто и други населени места. Од рано утрово на терен се приклучија и екипите на ЈКП Гази Баба кои вршат чистење на автобуските постојки и пешачките патеки низ општината. Од почетокот на акцијата до сега по улиците низ Гази Баба се растурени повеќе од 30 тони сол и ризла“, напиша Стефковски.
Македонија
(Фото) Герасимовски: Центар подготвен за снегот, улиците се расчистуваат од ноќеска
Општина Центар подготвено ги дочека денешните снежни врнежи, објави на ФБ, градоначалникот Горан Герасимовски.
„Зимската служба започна со расчистување на снегот уште од доцна синоќа, приоритетно на најкритичните локации, како што е подножјето на планината Водно, и на најпрометните улици под надлежност на општината. Со вкупно 4 возила – 2 со плуг и соларка, како и 2 специјализирани возила за отстранување снег, тимовите се на терен од ноќеска и интензивно работат на фрлање сол и расчистување на уличната мрежа, како и на критичните сообраќајни точки”, вели Герасимовски.
Во објавата се додава дека „Општина Центар е во постојана комуникација со граѓаните од сите населби на својата територија и продолжува со координација со градските служби за навремено и ефикасно справување со сите предизвици што ги носат снежните врнежи“.
Македонија
Забрана за тешки товарни возила на неколку патни правци
Активни забрани за тешки товарни возила:
– Тетово-Попова Шапка
– КриваПаланка граничен премин Деве Баир
– Гостивар-Маврово-Дебар
– Гостивар-Стража-Кичево
– Пресека
– Плетвар
Од АМСМ информираат дека сообраќајот на државните патишта се одвива во зимски услови по влажни коловози со остатоци од кашест снег по интервенција од страна на екипите на ЈП Македонијапат.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.