Македонија
Дијаспората бара Времената спогодба со Грција да се прогласи за неважечка
Правниците со кои македонската Влада се консултира во врска со тужбата против Грција во Меѓународниот суд во Хаг должни се да направат правен силогизам (доказ). Но, она што Владата го прифатила како правна аргументација во овој случај е незнаење.Вака во една своја колумна Марјан Попески, адвокат и магистер по меѓународно право го образложува својот предлог за покренување на ништавност на Времената спогодба помеѓу Македонија и Грција. Овој негов предлог минатата недела го прифати и Комитетот за демократизација на Македонија од Канада кои покренаа иницијатива за докажување на ништавноста на Времената спогодба.Комитетот оваа иницијатива веќе ја испрати до тројцата пратеници во македонското Собрание од дијаспората од кои се очекува покренување на собраниска расправа за ова прашање.Во својот труд овој адвокат од Охрид тврди дека времената согласност меѓу Македонија и Грција е во спротивност со ius cogens (императивна норма ) во Повелбата на ОН и е ништавна (член 53 од Виенската конвенција за договорно право). Па така, според него член 5 од Времената согласност е ништавна договорна норма, а оттука и времената согласност е ништавна и нема никакво дејство.„Според член 103 од Повелбата на ОН, овој договор е ius cogens што предизвикува ништавност на сите договорни норми што во време на настанувањето биле во спротивност со Повелбата и Статутот како негов интегрален дел. Член 5 од Времената согласност е во спротивност со член 1, став 2 и член 55 од Повелбата. Член 5 од Времената согласност е ништавна договорна норма.“Адвокатот Попески потсетува дека член 1, став 2 од Повелбата на ОН кој го содржи основното колективно човеково право, правото на самоопределување, кое што е ius cogens и важи erga omnes. Од друга страна, пак, член 5 од Времената спогодба одредува преговори за правото на самоопределување. Оттука произлегува дека и член 5 од Времената спогодба е ништавна договорна норма, тврди Попески.„Тоа што е ништавно нема никакво дејство. Времената спогодба е ништавна (член 5 од оваа спогодба е во спротивност со член 1, став 2 од Повелбата, односно правото на самоопределување, кое што е ius cogens и важи erga omnes, според пресудата на Mеѓународниот суд на правдата во случајот Источен Тимор).“И конечниот заклучок е дека „ништавната Времена спогодба нема никакво дејство и Македонија не мора да го смени името“.„Доколку моето заклучување, односно наведените правни силогизми се правилни, тогаш на Владата и предлагам врз основа на Виенската конвенција за договорно право да испрати до Грција изјава дека Времената спогодба е ништавна и да го извести Меѓународниот суд на правдата. Ако Грција не одговори во рок од 12 месеци, Македонија има право да вложи жалба за ништавност до Меѓународниот суд на правдата“, заклучува Попески.Иницијатива со цел да се докаже дека постои легитимно и легално решение за прекин на преговорите во спорот за името, кое нема да има штетни последици по државата, ја покрена Комитетот за демократизација на Република Македонија од Канада.Заклучувајќи дека корен на проблемот со кој се соочува македонскиот народ се прифатените обврски да се одржуваат преговори сé додека не се пронајде решение за името кое ќе ја задоволи Грција, дијаспората предлага активности кои правно ќе докажат дека Времената спогодба е неважечка.Македонските иселениците преку иницијативата сакаат да извршат притисок врз македонските власти да не прифатат конечно решение на спорот за името со Грција кое ќе биде различно од единственото прифатливо решение за македонскиот народ—Република Македонија.Комитетот за демократизација се одлучил за покренување на ваква иницијатива бидејќи се сомнева дека актуелната владеачка гарнитура планира постигнатиот договор со Грција да го стави на референдум пред граѓаните на Македонија.Според нив, доколку на референдумот биде отфрлено договореното решение за името, тогаш во употреба би останала срамната референца Поранешна Југословенска Република Македонија, а државата би била обврзана да продолжи со долгогодишните преговори, сé додека не се задоволи условот во прифатениот договор на Времената спогодба, Грција да го одобри нашето име.„Доколку на евентуалниот референдум биде прифатено името кое ќе е прифатливо за Грција, тогаш со голема доза на сигурност ќе можеме да предвидиме дека името Република Македонија нема да е конечното решение, односно, резултат на референдумот ќе биде конечна промена на името на Република Македонија во нешто што ќе сугерира дека нашиот народ е нешто друго освен македонски“, стои во соопштението на Комитетот за демократизација на Република Македонија од Канада. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сајкоски: Вчера докажавме дека Македонија не толерира некој да ја тероризира– граѓаните во нас препознаа луѓе кои ќе донесат правда во државата
„Вчера докажавме дека само заеднички, единствени како никогаш досега можеме да успееме. Можеме да успееме заеднички и да прегазиме секој противник, секој оној којшто прави штета на нашата држава и затоа ќе го снајде она што го снајде овој наш противник вчера. Ќе го снајде истото и на 8 мај. Голема победа на ВМРО-ДПМНЕ и коалицијата „Твоја Mакедонија“, голема победа на македонските граѓани и македонскиот народ. Почитувани кичевчани вие го покажавте револуционерниот дух. Тој никогаш не згаснал во вас. Покажавме дека можеме и дека ќе направиме се, дека имаме храброст, дека имаме елан да се спротивставиме и дека ние сме победнички расположени. Победнички за да ја донесеме Македонија онаму каде што и е местото Им дадовме јасно до знаење дека Кичевчани не толерираат повеќе изживување врз нив. Дека Македонија не толерира повеќе некој да ја тероризира! Ние не толерираме да лажат и крадат. Ние таквите ги казнуваме“, истакна на вечерашниот митинг во Кичево носителот на листата на пратеници на ВМРО-ДПМНЕ во ИЕ 5, Ѓорѓија Сајкоски.
Тој исто така повика на уште помасовна излезност на 8 мај за да се донесе историска победа за Македонија.
„Сакам исто така да ве повикам на 8 мај да излеземе во што поголем број и да донесеме историска победа на Македонија. Да донесеме историска победа за ВМРО-ДПМНЕ и коалицијата „Твоја Македонија“, потенцираше Сајкоски.
Тој истакна и дека оваа е историска победа бидејќи граѓаните во ВМРО-ДПМНЕ препознаа луѓе коишто можат да ја донесат правдата во Македонија.
„Ние почитувани испишуваме историја. Испишуваме историја затоа што првпат од позиција на опозиција води некој политички субјект во Македонија со 180 илјади гласови. Испишуваме историја затоа што во нас препознаа македонските граѓани луѓе коишто се чесни, коишто се трудољубиви и луѓе коишто можат да ја донесат правдата во Македонија“.
Тој упати порака и до оние кои не излегоа на гласање дека ако сакаат да живеат во подобра Македонија треба да се придружат во големата победа на ВМРО-ДПМНЕ.
„Ако сме согласни дека треба да имаме подобро здравство, подобро образование, дека инфраструктурата во ИЕ 5 е катастрофална и дека треба да направиме комплетно нова, придружете се. Придружете се во голема победа за Македонија. Придружете се и само така, само единствени може да победиме и може да донесеме влада којашто никој не може да ја уценува и може да донесеме премиер што испорачува. Да испорача да имаме одлична инфраструктура, да бидеме први во регионот наместо последни и да направиме економски бум“, истакна Сајкоски и додаде:
„Поканете го секој, разговарајте со секој затоа што ВМРО-ДПМНЕ и коалицијата „Твоја Македонија“ се политички субјекти којшто мислат добро за сите во Македонија. ВМРО-ДПМНЕ и коалицијата го заслужува вашиот глас, бидејќи ВМРО-ДПМНЕ беше и остана браник на македонската државност“.
Македонија
(Видео) Ковачевски: Нема откажувања, ги повикувам граѓаните на 8 мај да излезат масовно и да дадат поддршка за Пендаровски и СДСМ
Со исправена глава, поставени на вистински европски пат кој е единствена опција за суштинска промена во нашата држава. Во тоа име ве повикувам масовно, ги повикувам сите граѓани на Македонија масовно да излезат на избори, на 8 мај и својот глас да го дадат за нашиот претседател Стево Пендаровски и за пратеничките листи на СДСМ и коалицијата за европска иднина, рече претседателот на СДСМ, Димитар Ковачевски вечерва на митинг на коалицијата за европска иднина во Чучер Сандево.
-Сакам да ве поттикнам да разговарате со секој ваш пријател, роднина, сосед, до 8 мај, да кажете дека ДА, разбравме каде сме грешеле, дека имаме јасна програма и план како сето тоа да го поправиме и исто така да кажете дека ние сме таа партија која ги обезбеди сите овие прогресивни работи за државата и кои ја ослободија државата од канџите на само една политичка партија која имаше се во свои раце во цела една декада. Ве повикувам никогаш да не се откажете во она што веруваме и да се бориме да успееме за се она што сме го напишале во програмата да стане реалност и државата да стане многу подобра од она што е денес, рече Ковачевски.
Јас заедно со моите другари како денес, со Санела, Сузана, Оливер, Фатмир ќе бидеме секој ден меѓу граѓаните. Во секој град, секое село, секоја куќа, со секој граѓанин, додаде Ковачевски.
-Ве повикувам и вас, да ни се придружите и заедно да ја пренесеме пораката за напредна држава, пораката за држава која напредува, за држава во која сите се почитуваат и пораката за држава во која ќе имаме подобар животен стандард. Нема откажување од иднината и од борбата за напредна и прогресивна Македонија, рече претседателот на СДСМ, Димитар Ковачевски.
Македонија
Мицкоски: Разликата по вчерашниот изборен ден е цунамито кое се крева, народот се излеа и тој бран на промени ќе ја порази оваа власт
Над 180 илјади разлика е доволен показател за само едно, народот е на нозе и народот се крена против оваа власт, рече претседателот на ВМРО-ДПМНЕ, Христијан Мицкоски на вечерашниот митинг во Кичево.
„Оние кои што се удираа во гради дека ќе сме се сокриеле после изборниот ден, јас денес не ги гледам. Сокриени коваат сценарија за бојкот, на врата се пред Мала речица да ги молат за гласови, како што ги молеа за тендери. Но, народот е посилен и од тие стотина луѓе од ДУИ кои управуваат со државата и од тој артаноиден режим“, изјави Мицкоски.
Според Мицкоски разликата по вчерашниот изборен ден е толку изразена, што е поголема од вкупниот број на гласови на Пендаровски освоен на изборите.
„Ова е цунамито кое се крева и кое ќе се удри од главата на оваа власт. Народот се излеа и тоа незадоволство и тој бран на промени ќе ги порази. Сакам да предупредам дека работата не е воопшто завршена. Потребно е жолтиот картон да стане црвен. На 8 мај потребно е масовно да се излезе и да се гласа за промени“, вели Мицкоски.
Мицкоски укажа дека е многу важно разликата да биде уште поголема.
„Затоа што добивам информации за црни сценарија кои се коваат во противничките штабови и да им кажам колку и тие да планираат такви сценарија, народот уште пожестоко ќе ги казни. Излезот власта го гледа во две работи. И двете се губитнички сценарија. Првото е бојкот на изборите каде што најисправниот одговор треба да биде излезноста и масовноста на овие избори. Второто сценарио е играњето со белезите на Македонија и великодушните понуди што овој пат ги добива ДУИ за сметка на Македонија од СДСМ за еден партнерски настап и взаемна поддршка на изборите“, кажа Мицкоски.
Мицкоски кажа дека двете сценарија им се за тоа како ДУИ и СДСМ да извлечат некаква полза, за сметка на пропаста и назадувањето на државата.
„Тоа нема да го дозволам. И затоа одговорот е масовна излезност на 8 мај“, порача Мицкоски кој заклучи: „да покажеме заедно дека силата на Македонија е во нас, во сите нас заедно, и да бидеме пример на сите идни генерации“.