Македонија
Јовановски: Македонија да ја следи светската политика во однос на палестинското прашање
Македонија треба да воспостави односи со палестинските власти по завршувањето на Генералното собрание на Обединетите нации, смета новоименуваниот амбасадор во Израел, Петар Јовановски.
Македонија треба да воспостави односи со палестинските власти по завршувањето на Генералното собрание на Обединетите нации, смета новоименуваниот амбасадор во Израел, Петар Јовановски, кој денеска ја претстави својата платформа за дипломатски активности пред собраниската Комисија за надворешна политика.
Јовановски посочи дека политика на Македонија е да го поддржува мировниот процес и евентуалниот договор што може да произлезе од него, но смета дека е грешка што Македонија досега нема воспоставено односи со палестинската управа, што според него, не би значело заземање страна во конфликтот.
„Македонија и Косово се единствените држави во Европа што немаат воспоставени дипломатски односи со палестинските власти. Тоа значи дека Македонија треба да ја следи светската динамика на односите со палестинската организација и треба да воспоставиме односи, но треба тоа го направиме по Генералното собрание на Обединетите нации“, изјави Јовановски.
Дел од пратениците побараа Македонија да изгради став во врска со палестинското прашање во согласност со државните интереси. За дел од нив, заземањето став во однос на тоа прашање не мора да значи загрозување на односите со трети земји.
„Јас мислам дека имаме дволична политика во однос на ова прашање. Автохтон народ, како што се Палестинците да немаат своја држава на своја територија, а ние за тоа да немаме став и да чекаме некој од Европа од САД да ни шепне. Дали ние како Република Македонија можеме да изградиме став, бидејќи во многу случаи и ние сме во таква состојба – некои држави нé оспоруваат и не нé признаваат. Значи ни треба автентичен став, специфичен за Република Македонија“, вели пратеникот Ердоган Сарач.
„Во интерес на Република Македонија е без заземање страна да го задржи силното партнерство со Израел, а истовремено да продолжи со својот стратегиски партнер, Република Турција да ги развива трговските, политичките односи во најдобра можна мерка. Во врска со палестинското прашање, сметам дека дипломатските односи не значат автоматски заземање одредена страна или позиција во каков и да е меѓународен или билатерален спор“, вели Антонио Милошоски, претседател на комисијата.
За дел од пратениците, пак, спорно е што многумина амбасадори за кратко време се преместуваат од една на друга задача и не им се дава можност целосно да го заокружат мандатот.
„Она што во изминатиот период ни се случува, што е една мошне негативна, би рекла несериозна појава, условно речено – дипломатски рингишпил. Ни се случува по случаен избор да се менуваат амбасадори од едно на друго место, остануваат шест месеци, година – година ипол и не се дозволува нашите амбасадори да ги завршат мандатите“, рече пратеникот Маринела Тушева.
Јовановски, во обраќањето пред комисијата најави дека ќе се заложи за интензивирање на економската соработка меѓу Македонија и Израел, во духот на добрите политички односи. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ за изгласаниот буџет во Кисела Вода: Нереален, неразвоен и без визија
Советничкото мнозинство на ВМРО-ДПМНЕ го изгласа Буџетот на Општина Кисела Вода за 2026 година, во износ од 1,57 милијарди денари. И покрај звучните најави за „развој“, „транспарентност“ и „консултации со граѓаните“, станува збор за нереален, неразвоен и без визија буџет, кој не ги адресира суштинските проблеми на граѓаните, велат од СДСМ.
„Иако локалната власт се фали со наводни 57% капитални инвестиции, реалноста покажува дека буџетот е креиран како обид за прикривање на вистинската финансиска состојба на општината. Долгот на Општина Кисела Вода се маскира преку голем број т.н. развојни програми, кои постојат повеќе на хартија отколку во реалноста.
Загрижувачки е фактот што развојните програми се побројни од редовните годишни секторски програми, а најголем дел од нив не претставуваат нови проекти. Станува збор за рециклирани ветувања и префрлени ставки од времето на претходниот градоначалник, без јасна динамика, рокови и финансиска одржливост. Наместо нови идеи и решенија, граѓаните добиваат стара содржина во нова политичка амбалажа“.
Советничката група на СДСМ, како што соопштија, има поднесено пет конструктивни амандмани, насочени кон подобрување на буџетот и пренасочување на средствата кон реалните потреби на граѓаните. Сите амандман, како што велат, биле одбиени без суштинска расправа и без аргументи.
„Поради нерационалните расходи, недобро испланираните и нереални приходи, како и отсуството на јасна развојна стратегија, советничката група на СДСМ гласаше против овој буџет.
Во текот на речиси седум часа активна дискусија, советниците на СДСМ детално укажаа на пропустите, слабостите и ризиците од ваквиот буџет. Наместо аргументиран одговор, мнозинството на ВМРО-ДПМНЕ одбра молк.
Без дискусија и без прифаќање на ниту еден амандман, ВМРО-ДПМНЕ самостојно го изгласа овој нереален, неразвоен и безидеен буџет, кој повеќе служи за политички маркетинг отколку за подобрување на животот на граѓаните на Кисела Вода.
Граѓаните заслужуваат вистински развој, одговорно управување и буџет што носи реални резултати – а не буџет на илузии“.
Македонија
Бесплатен паркинг во Центар за новогодишните и божиќните празници
Паркирањето во Општина Центар за време на новогодишните и божиќните празници ќе биде без наплата за сите граѓани, информираат од ЈП Паркинзи на Општина Центар.
„На 01.01.2026 година (четврток) сите паркиралишта со кои стопанисува ЈП ПОЦ ќе бидат без наплата за сите граѓани. Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 02.01.2026 година (петок) со вообичаено работно време.
За време на божиќните празници на 06.01. (вторник), 07.01. (среда) сите паркиралишта со кои стопанисува ЈП Паркинзи на Општина Центар ќе бидат без наплата за граѓаните. Редовната наплата за паркирање на паркиралиштата и издавање на договори во Дирекцијата ќе продолжи на 08.01.2026 година (четврток) со вообичаено работно време“.
Депото на „Пајак“ службата на ЈП ПОЦ ќе работи 24/7 за време на празниците како и затворените паркиралишта „Дилајла“ со автоматска наплата и „Трготекстил“, каде што наплатата ќе се одвива согласно редовниот режим, е нагласено во соопштението.
Македонија
Трагедијата во дискотеката „Пулс“ во Кочани со 63 загинати и над 200 повредени е настан што ја одбележа 2025 година
2025 година ќе остане запаметена по тешката трагедија што се случи на 16 март во дискотеката „Пулс“ во Кочани, која ја потресе целата земја. Во раните утрински часови, за време на настап на македонската група ДНК, пиротехнички средства што беа употребени на сцената го запалија таванот на клубот исполнет со млади луѓе.
Пожарот бргу се прошири и предизвика густ чад, паника и обид за бегство низ тесниот единствен излез. Во трагедијата загинаа 63 лица, претежно млади луѓе, а повеќе од 200 беа повредени, што ја прави најсмртоносната цивилна катастрофа во историјата на земјата од овој тип.
Истрагата подоцна покажа дека дискотеката работела без соодветни дозволи и противпожарни стандарди. Според обвинението, овие пропусти и системски недостатоци имале влијание врз исходот од настанот.
Трагедијата предизвика национално тажење, протести и подигнување на јавна дебата за безбедноста на јавни простори и институционалната одговорност. Подоцна, повеќе лица, меѓу кои ексфункционери и државни службеници, беа обвинети за злоупотреби поврзани со работата на клубот. Ниеден од 35-те физички и трите правни лица обвинети за пожарот не призна вина. Судскиот процес за пожарот е во тек.
Бесплатен паркинг во Центар за новогодишните и божиќните празници
Паркирањето во Општина Центар за време на новогодишните и божиќните празници ќе биде без наплата за сите граѓани, информираат од...
Трагедијата во дискотеката „Пулс“ во Кочани со 63 загинати и над 200 повредени е настан што ја одбележа 2025 година
2025 година ќе остане запаметена по тешката трагедија што се случи на 16 март во дискотеката „Пулс“ во Кочани, која...
СДСМ тврди: Има координирана операција за уривање на партијата од внатре
Криминалната власт ја започна последната фаза од кампањата – репресија врз СДСМ и политички прогон, велат од опозициската партија. „По...
Најстудено на Шапка, утрово измерени -14 степени
Утрово најстудено е на Попова Шапка каде се измерени -14 степени, -12 во Mаврови Анови, -10 Крива Паланка, Берово, Kрушево,...
Нова студија: Давањето мобилни телефони на деца пред 13-годишна возраст може да биде особено опасно
Новите научни студии објавени во 2025 година даваат сè појасна слика за ризиците од раниот пристап до паметни телефони и...
САД се сомневаат во руската приказна за нападот врз резиденцијата на Путин: „Се чини несоодветно“
Амбасадорот на САД во НАТО, Метју Витакер, денес изрази сомнеж врз руските тврдења дека Украина ја нападнала резиденцијата на претседателот...
Франција купува авиони за рано предупредување од Сааб за 1,14 милијарди евра
Франција потпиша договор со шведската одбранбена компанија Сааб за купување на два авиони за рано предупредување во вредност од околу...
Германија ја прекина истрагата против тајкуните на Путин во замена за 10 милиони евра
Германските обвинители објавија дека ќе ја прекинат истрагата против рускиот олигарх Алишер Усманов, близок сојузник на рускиот претседател Владимир Путин,...
ЕБОР одобри над 20 милиони евра кредит за модернизација на железничкиот товарен возен парк во Македонија
ЕБОР одобри 20,9 милиони евра кредит на Северна Македонија за набавка на нови електрични локомотиви и современ систем за планирање...
ДПИ со засилени контроли: издадени се 96 прекршочни платни налози во износ од 2,8 милиони денари
Државниот пазарен инспекторат во текот на месец декември спроведе засилени инспекциски надзори кај угостителските објекти на територија на цела држава...
Петарда експлодира во раката на осумгодишно дете од Врапчиште, заврши на Клиника
Осумгодишно дете од селото Врапчиште, гостиварско, се здобило со сериозни повреди на раката кога му експлодирала петарда. Настанот бил пријавен...
Електродистрибуција со засилено отчитување за празниците
Во насока на обезбедување на поголемо отчитување во најоптоварениот период од годината и задоволување на потребите на корисниците, Електродистрибуција ќе...
Вонредни контроли во рестораните, месарниците и рибарниците: уништени 624 килограми небезбедна храна
Во пресрет на новогодишните и божиќните празници, инспекциските служби на Агенцијата за храна и ветеринарство (АХВ), со цел обезбедување на...
(Фото) Се преврте цистерна на патот Струга – Ќафасан, сообраќајот во прекин
Министерството за внатрешни работи информира дека во моментов во целосен прекин е сообраќајот на патниот правец Струга – Граничен премин...
Украина: Нема докази за напад врз резиденцијата на Путин, тоа не се случило
Украина соопшти дека не постојат докази за тврдењата на Русија дека украински беспилотни летала нападнале една од официјалните резиденции на...
Зголемени цените во индустријата во ноември
Продажните цени на производителите на индустриски производи на домашниот пазар во ноември 2025 година се зголемени за 0,3 отсто во...
Декемвриската пензија ќе се исплати навремено, на 2 јануари 2026 година, известува Фондот на ПИОМ
Фондот на ПИОМ ги известува сите корисници на пензија дека целосно се обезбедени потребните средства за исплата на пензиите за...
„Дали на Бихаќка Нова година ќе си честитаат по дубајско време“, прашуваат од ВМРО-ДПМНЕ
„Откако лидерот на СДС, Зоран Заев одамна се смести во Дубаи, а Венко Филипче побрза да избега кај него за...
(Видео) Зајкова: Реформи за Судски совет донесени на брза лента не градат доверба
Претседателката на Либерално-демократската партија (ЛДП) и пратеничка во Собранието, Моника Зајкова, остро реагираше на начинот на кој се носи новиот...
До кога Бугарите ќе можат да плаќаат и во лева и во евра по 1 јануари 2026 година
За разлика од неограничената размена на лева за евра, плаќањата во обете валути, познати како период на двојна циркулација, се...
