Референцата „Република“ пред името на Македонија овозможува дистинкција од истоимениот поголем регион, вели шефот на македонската дипломатија Никола Попоски во интервју за белгискиот весник „La Libre“.

Референцата „Република“ пред името на Македонија овозможува дистинкција од истоимениот поголем регион, вели шефот на македонската дипломатија Никола Попоски во интервју за белгискиот весник „La Libre“.

Во интервјуто Попоски вели во последните две години премиерите на Македонија и Грција, Никола Груевски и Јоргос Папандреу се сретнале во повеќе наврати. Тоа, според него, создало одреден моментум, но тој не резултирал со решение.

„Името што го имаме прифатено „Република Македонија“ беше потврдено на референдумот за независност во 1991 година. Всушност, постоеше 40-тина години кога Македонија беше една од републиките во Југословенската федерација. Зборот „република“ пред Македонија овозможува дистинкција меѓу земјата и географскиот регион, кој е поголем и го носи истото име. Вие Белгијците имате провинција наречена Луксембург и не се спротивставивте на влезот на Луксембург во ЕУ. Блокирањето на нашето членство во НАТО не помогна. Ако политичките елити од двете земји разберат, убеден сум дека можеме да дојдеме до решение што нема да се сфаќа како закана за Грција и ќе биде достоинствено за нас. Да не се негира постоењето на една земја, еден јазик“, вели Попоски.

Прашан дали има чувството дека со спорот се негира и идентитетот на македонскиот народ, Попоски со став:

„Апсолутно. Популацијата сепак постои. Во последниот извештај на Европската Комисија во однос на проширувањето, терминот македонски јазик и македонска нација исчезна како резултат на грчкиот притисок“, објаснува Попоски во интервју за „La Libre“. /крај/lalibre/ач