Македонија
Синдикатите контра Фуле за изоставувањето на „македонски“

Претседателите на три македонски синдикални организации испратија протесно писмо до еврокомесарот за проширување Штефан Фуле поради изоставувањето на придавката „македонски“ во последниот извештај на Европската Комисија за напредокот на Македонија.
Претседателите на три македонски синдикални организации испратија протесно писмо до еврокомесарот за проширување Штефан Фуле поради изоставувањето на придавката „македонски“ во последниот извештај на Европската Комисија за напредокот на Македонија.
Во писмото потпишано од првите луѓе на Конфедерацијата на слободни синдикати, Сојузот на синдикати и Унијата на независни и автономни синдикати се изразува остар и енергичен протест заради, како што се вели обидите на Европската комисија за бришење на македонскиот идентитет преку негирање на македонскиот јазик и заради Вашата отворена поддршка на грчките позиции во овој неправеден и правно непоткрепен спор, кој Грција го има со нашето име и идентитет.
„Да бидеме прецизни и јасни, македонскиот работник ги почитува принципите на слободарството и правдата кои се принципи и на Европската Унија. Ние, за нив сме во историјата, сме се бореле и сме ги остварувале, но исто така бараме од Европската Унија да ги почитува нашите меѓународно загарантирани и интернационално признаени основни права да бидеме Македонци, а нашиот јазик и нашиот идентитет да бидат македонски“, се вели во писмото потпишано од Раско Мишковски, Живко Митровски и Слободан Антовски.
„Ние ги сакаме европските вредности. Ја сакаме Европската Унија како реалност која може да придонесе за подобрување на стандардот, за можностите за економски развој и за нови вработувања, но тие евентуални придобивки не сакаме да ги стекнеме по цена на негација на Македонците и македонското, факти кои се реалност и од кои немаме намера, ниту пак право да отстапиме. Не, ние дури и отворено се спротивставуваме на ваквиот империјализам во обид, каков што се обидувате да го промовирате со бришењето или преименувањето на македонското во нас. Треба да знаете дека работниците преживувале многу притисоци и многу закани, но секогаш успеале да се изборат за она во што веруваат и што го чувствуваат, а ние веруваме и се чувствуваме како Македонци и никако поинаку. Слушнете го македонскиот работник – нема да помине овој нечесен обид за негација на македонското“, се вели во писмото на македонските синдикални лидери до Фуле. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Нема полицемерно од тоа СДС и Филипче да поднесат закон за Кочани, тоа не е ништо друго, освен исмевање на народот во очи“, велат од ВМРО-ДПМНЕ

„СДС и Венко Филипче за седум години власт во Македонија, ја уништуваа, назадуваа и ја разградуваа државата до степен да не може да препознае. СДС и Филипче се причината и лично одговорните за разурнатиот државен систем. Со секој изминат ден СДС и Венко Филипче се повеќе ја покажуваат својата неспособност, лицемерие и дволичност“, велат од ВМРО-ДПМНЕ.
„Во нив нема ништо искрено, тие го потценуваат и во лице му исмеваат на народот. Таков е и примерот со поднесувањето на закон за Кочани.
Нема полицемерно од тоа СДС и Филипче да поднесат закон за Кочани, затоа што тоа е исто како да поднесат закон за Модуларната болница во Тетово или за враќање на името.
Поднесување на предлог закон за настраданите во Кочани, не е ништо друго, освен исмевање на народот во очи.
До каде може да оди апсурдот и лицемерието на СДС и Филипче, што е следно? Дали е следно СДС и Филипче да поднесат и закон за враќање на името, закон за Модуларната, или пак закон за Онкологија, за пациентите кои ги оставија со вода место со лек?
Можеби, пак, на Филипче и СДС ќе им текне да поднесат и закон за потекло на имотот на Зоран Заев, или пак закон за поништување на последните измени на Кривичниот закон, со помош на кои се спасија од прогон.
Со ова, СДС и Венко Филипче уште еднаш покажаа и докажаа дека кај нив ништо не е сменето. Таму сè уште останува истиот лицемерен пристап и матрица на потценување и исмевање на граѓаните.
Тоа е истата онаа партија и во неа се истите луѓе кои сменија име, беа причина за Беса транс, Ласкарци, Модуларната, Онкологија и десетици други трагедии, а за истите ниту чувствуваа никаква вина и грижа на совест, ниту пак за истите понесоа никаква одговорност.
СДС и Филипче не се, и не можат да бидат решението, затоа што тие се проблемот. СДС и Венко Филипче остануваат синоним на лицемерието, неспособноста, на криминал и предавства“, соопшти ВМРО-ДПМНЕ
Македонија
„Ги исчистивме улиците, сега на ред се фосилите од локалната самоуправа!“, велат од ВЛЕН

„Викендот за чистење“ не е само симболична акција таа претставува одраз на европските вредности во пракса. Граѓанска одговорност, заедничка ангажираност и посветеност за почиста животна средина и подобра иднина. Во оваа корисна иницијатива учествуваа и високи државни функционери, меѓу кои и заменик-претседателот на Владата, Изет Меџити, велат од Влен.
„Но оваа акција не е крајот таа е само почетокот. Затоа што оваа година нема да се фокусираме само на чистење на јавниот простор, туку и на чистење на политичката сцена! Влегуваме во година на големо чистење, кога граѓаните конечно ќе имаат можност да ги отстранат политичките отпадоци што со години го попречуваат развојот. Фосилите на ДУИ, кои останаа вкоренети во локалната власт без никаква визија, ќе бидат испратени таму каде што им е местото во историјата, покрај нивните сопартијци во опозиција, за конечно да се реформираат или рециклираат.
ВЛЕН ќе биде гласот на промената во секоја општина со мнозинско албанско население. Ние нудиме конкретни и одржливи алтернативи за добрo управување – како на централно, така и на локално ниво. Не се бориме само за власт, туку за суштинско, вистинско и долгорочно прочистување.
Ги повикуваме сите граѓани да станат дел од оваа нова енергија. Од чисти улици – до чисти општински институции. Од викендот за чистење – кон цела година на политичко чистење.
Времето на фосилите заврши – времето на ВЛЕН штотуку започна!“, се наведува во соопштението на ВЛЕН.
Македонија
Истрага за убиството во Штип: 21-годишникот купил пиштол во Скопје и со умисла лишил од живот едно лице

Основното јавно обвинителство Штип донесе Наредба за спроведување истражна постапка против вкупно 5 лица, од кои првоосомничениот како директен извршител на кривично дело – Убиство од член 123 став 2 точка 4, како и Неовластено изработување, држење, посредување и тргување со оружје или експлозивни материи од член 396 став 1 од Кривичниот законик. Останатите четворица се осомничени за – Помагање на сторителот по извршено кривично дело од член 365 став 3 во врска со став 1 од Кривичниот законик.
Сите осомничени се турски државјани, од кои тројца имале пријавено престојувалиште во Штип, додека извршителот на убиството и еден од помагачите биле без пријавен престој во државава.
Постои осовано сомнение дека првоосомничениот 21-годишник, на почетокот на месецов во Скопје, од непознато лице за сума од 1.100 евра купил пиштол со калибар од 9мм, со избришани податоци за модел и сериски број.
Потоа со тој пиштол, на 8 мај во вечерните часови, во кафе-бар во Штип, со умисла и од безобѕирна одмазда лишил од живот едно лице, исто така турски државјанин со престој во Штип.
Преку мобилни апликации се договориле со жртвата да се сретнат за наводно да ги надминат долготрајните недоразбирања меѓу нив. Но, по 15-минутен разговор во угостителскиот објект, осомничениот влегол во тоалетот и веднаш излегол, па на вратата која го дели отворениот од затворениот дел од кафулето го извадил пиштолот и испукал неколку куршуми во правец на оштетениот, нанесувајќи му повеќе огнострелни повреди од кои подоцна починал.
Истата вечер, останатите четворица осомничени – тројца мажи и една жена, сите на возраст од 22 до 28 години, му помогнале на сторителот по извршеното кривично дело за кое е запретена казна доживотен затвор.
На точно неутврдена локација во Штип го качиле во автомобил БМВ со кој управувала осомничената девојка и сите заедно се упатиле кон Скопје. Кај наплатната станица Миладиновци на автопатот Штип-Скопје биле пресретнати и запрени од полициска патрола и се дале во бегство, но биле уапсени.
Јавниот обвинител до судијата на претходна постапка од Основниот суд во Штип достави предлог за определување мерка притвор за осомничените.