Со длабоко вознемирување ги примивме информациите дека Европската комисија промовира и практикува отворена негација на македонскиот идентитет. Ваквите постапки не се правилни, не се добри, и не му користат на никого,

Со длабоко вознемирување ги примивме информациите дека Европската комисија промовира и практикува отворена негација на македонскиот идентитет. Ваквите постапки не се правилни, не се добри, и не му користат на никого, и затоа треба што побргу да бидат сменети и да не продолжуваат да се спроведуваат, се вели во дописот на Фудбалската федерација на Македонија, до еврокомесарот за проширување на Европската Унија, Штефан Фуле.„Фудбалот, како најважната споредна работа на светот, покрај тоа што е најзначаен спорт, е и голем промотор на здравиот систем на вредности и на културни придобивки. Фудбалот, и фудбаласката светска и европска федерација, покрај тоа што промовираат здрав живот, спротивставување на расизмот, насочување кон образование за индивидуален напредок и избегнување на навредувањето по било која основа, промовира и почитување помеѓу луѓето и почитување на идентитетите, вредности кои ние како претставници на македонскиот фудбал дословно ги почитуваме, и очекуваме од вас како граѓани на Европа истото тоа да го правите“, се вели во реакцијата на фудбалската асоцијација на Македонија.Во неа, исто така, се наведува дека вредностите кои се сметаат за цивилизациски и етични и се прифатени од милијарди луѓе на планетата, треба на еврокомесарот Фуле да му послужат „како пример и инспирација како треба да се однесувате, со почит, со уважување на нашето достоинство и со отворени врати за соработка без подметнувања и понижувања“.„Нашите фудбалери се промотори на универзалните човечки вредности ширум Европа и светот, и придонеле во развојот на фудбалската игра и зближување на нациите. Нашите фудбалери и во многу конкретни ситуации не дозволиле да бидат понижени, а кога некој се дрзнал да им го оспори македонскиот идентитет, се спротивставиле, и не дозволиле да бидат девалвирани, туку напротив успеале светот да биде запознаен дека тие се Македонци, и ништо освен тоа. Така ќе биде и во иднина, секогаш и секаде“, се вели на крајот од дописот на ФФМ, при што се порачува дека фудбалерите и сите членови на Фудбалската федерација на Македонија, ги претставуваат боите на Република Македонија, „играме за македонската репрезентација и за македонските граѓани“.Деновиве на адреса на еврокомесарот Фуле протести и со барања да бидат исправени грешките во годишниот извештај на Европската комисија за напредокот на Република Македонија, откако во него беше изоставен атрибутот „македонски“, беа испратени  многу реакции од пошироката македонска јавност и протесни писмени реакции од многу академски, културни, синдикални и спортски здруженија и асоцијации./крај/со/сн