Македонија
Мешовитиот парламентарен комитет го нотираше отсуството на „македонски“
Отсуството на придавката „македонски“ од извештајот на Европската Комисија за напредокот на Македонија се најде во завршните препораки усвоени на крајот од 9-от состанок на Мешовитиот Парламентарен Комитет Република Македонија – Европска Унија.
Отсуството на придавката „македонски“ од извештајот на Европската Комисија за напредокот на Македонија се најде во завршните препораки усвоени на крајот од 9-от состанок на Мешовитиот Парламентарен Комитет Република Македонија – Европска Унија.
Членовите на комитетот, повикувајќи се на неодамна усвоените заклучоци на Собранието во кои се изразува загриженост за отсуството на придавката „македонски“ во извештаите за напредокот од 2009 година наваму, повикаа Европската Комисија и Европскиот Парламент да ги имаат в предвид реакциите во македонската јавност во врска со тоа.
„Ја зема во предвид Резолуцијата на Собранието во која се изразува загриженост за отсуството на придавката „македонски“ во извештаите на ЕК за напредокот од 2009 година наваму, жали за негативната реакција што овој овој аспект ја предизвика во јавноста оваа година и очекува дека Европската Комисија и Европскиот Парламент ќе го имаат тоа во предвид при изготвувањето на наредните извештаи за поранешната југословенска Република Македонија“, се вели во една од усвоените препораки.
Во документот се поздравува третата препорака за старт на пристапните преговори, а од Македонија и Грција се бара да ги интензивираат напорите за изнаоѓање решение под покровителство на Обединетите Нации и да превземат конструктивни чекори кои позитивно ќе влијаат на добрососедските односи. Истовремено, се нотира дека прашањето за името е билатерално прашање кое не е поврзано со пристапните преговори.
„Сите европарламентарци што учествуваа на овој состанок со својата дискусија на овој состанок покажаа дека сите се за тоа Република Македонија што поскоро да биде членка на Европска Унија. Го поддржаа тој проевропски дух којшто е висок и ја верувам дека тоа позитивно ќе влијае да го задржиме тој висок процент на проевропски дух како демант на оние кои што велат дека во Македонија почнува да се шири евроскептицизмот. Навистина Европската Унија има и свои проблеми. Разговаравме и за економските проблеми во еврозоната, можните рефлексии врз Република Македонија, можноста преокупацијата со овие проблеми да го стави во сенка проширувањето. Меѓутоа, по се она што го видовме овие два дена, јас верувам дека тој процес ќе продолжи и дека Република Македонија ќе си го најде местото кое што го заслужува“, рече Кенан Хасипи, ко-претседавач на комитетот од македонска страна.
Реформата на јавната администрација, судството, борбата против корупцијата, како и прашањето за инфраструктурни проекти биле дел од дводневниот состанок на комитетот. За дел од овие теми било разговарано и на вчерашната средба на премиерот Никола Груевски со европратениците.
„Премиерот искористи време да ни ја објасни реформата на судскиот систем, особено улогата на судиите и особено транспарентноста за тоа како се бираат судиите и го објасни системот на именување. Сигурен сум дека ова е познато за овдешната јавност. За нас беше нов развој и го поддржавме овој напор и лично бев од познавањето на деталите на премиерот во врска со оваа реформа. По неговата презентација имавме долг разговор и прашања од сите членови, исто така прашања што беа многу чувствителни и премиерот исто така одговори во детали“, рече Шацимаркакис.
Во однос на борбата против корупцијата, тој посочи дека треба да се работи на промена на менталитетот.
„Мојата перцепција е дека корупцијата не секогаш е техничко прашање, туку е прашање на менталитет. Мислам дека еден од нашите членови, Антонио Милошоски јасно објасни дека пред околу 20 години ќе се гледало позитивно, не само тука, туку и во другите земји ако вие како политичар сте земале многу пари користејќи ја својата позиција или како службеник. Можам да видам дека тоа овде се променило драматично. Тоа е важно за нас да го разбереме – дека не само техничките детали се на сила и функционираат, туку и менталитетот да се промени“, рече Шацимаркакис.
По дводневниот состанок, мешовитиот комитет усвои вкупно 39 препораки. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Не е точно дека со ДУИ подготвуваме сценарио за бојкот на вториот круг на претседателските избори“, кажа Ковачевски
Претседателот на СДСМ, Димитар Ковачевски кажа дека не е точно дека подготвуваат со ДУИ сценарио за бојкот на вториот круг на претседателските избори на 8 мај.
„Тоа не е точно, јас вчера имав многу јасна порака на митинзите во Сарај и Чучер Сандево. Ги повикувам сите гласачи масовно да излезат на 8 мај и да ги поддржат претседателскиот кандидат Стево Пендаровски и коалицијата За европска иднина на парламентарните избори. Да избереме и претседател и парламентарен состав, Македонија да продолжи на својот пат на европските инетеграции“, рече Ковачесвки.
Тој кажа дека никој не ги има гласачите под своја контрола за да ги наведува како да гласаат.
„Ја примивме пораката во првиот круг за сите грешки кои ги направивме минатите седум години. Очекуваме да ја добиеме поддршката во вториот круг. Нормално е дека нашето членство го повикавме на изборите. Свесни сме дека граѓаните испратија јасна порака до СДСМ, дека граѓаните укажаа на грешките. Работевме во услови на голема пандемија, енергетска и економска криза предизвикани од војната во Украина. Свесен сум за нивото на инфлација и цените. Се обидовме да ги зголемиме и платите и пензиите секој да се справи на најдобар начин со оваа криза. Знам дека тоа не беше доволно, знам дека треба повеќе. Во новата програма имаме и зголемување на платите и на пензиите и секако многу јасни мерки во однос на владеење на правото и борбата против корупцијата“, кажа Ковачевски.
Тој очекува во вториот круг поддршка од сите граѓани во Македонија.
Ковачевски кажа дека Пендаровски е граѓански кандидат и ја бара поддршката од граѓаните, а не од претседателските кандидат коишто не се пласирале во вториот круг.
„Имаме разговори со политичките партии на различни нивоа и ги повикувам сите да имаме масовна излезност на 8 мај. Да избереме претседател на државата со кој ќе имаме европска иднина и парламент што ќе носи храбри одлуки за државата за да го дадеме на граѓаните она што го заслужуваат“, рече лидерот на СДСМ.
Македонија
(Видео) Стојаноска: Време е да се обединиме сите околу тоа повеќе да не функционираме како до сега
„Во текот на вчерашниот ден направивме анализа од резултатите од првиот изборен ден на претседателските избори и истото покажува дека голем број на нашите сограѓани Албанци, Турци, Роми и Бошњаци го имаат дадено својот глас за нашиот претседателски кандидат Гордана Силјановска Давкова“, рече Дафина Стојаноска, носител на изборна единица 6.
„Во име на тоа, од срце им се заблагодарувам на сите мои сограѓани и ги повикувам истото да го направат да го направат и во вториот круг имено ВМРО-ДПМНЕ подава рака кон сите, време е, момент е да се обединиме сите околу тоа повеќе да не функционираме како до сега, туку да вложиме да инвестираме во вистинска слобода, вистинска благосостојба и вистински соживот особено за нас особено во шестата изборна единица. Време е заедно да се спротивставиме на криминалот и Македонија да ја направиме своја и горда“, изјави Дафина Стојаноска, носител на изборна единица 6.
Македонија
„Алкалоид“ добитник на „Патент на годината за 2023“ за иновативниот „Омепразол“ во течна форма
Иновативната формулација на „Алкалоид“ АД за лекот со додадена вредност „Омепразол“ во течна форма, готов за употреба, прва од ваков тип во светски рамки, е прогласена за „Патент на годината за 2023“ од Државниот завод за индустриска сопственост, во рамките на пригодното одбележување на Светскиот ден на интелектуалната сопственост – 26 април.
Меѓународната патентна пријава на „Алкалоид“ за „Oмепразол“ во течна форма беше поднесена на 17 април 2020 година, со опфат на голем број региони и земји, меѓу кои земјите од Европската Унија, САД, Канада, Кина, земјите од Евроазиската економска унија и други. Патентната пријава при Европскиот завод за патенти, чии ингеренции опфаќаат патентни активности во 39 земји во Европа, беше одобрена на 3 август минатата година и валидирана во триесетина земји, меѓу кои и Македонија.
Патентот на „Алкалоид“ АД ја заштитува течната фармацевтска дозна форма на „Омепразол“, која се базира на два посебни раствори содржани во двокоморско пакување, кое при отворањето автоматски ги меша двата раствора и така се добива готовиот течен омперазол за употреба. Овој препарат е наменет, пред сѐ, за третман на рефлуксен езофагитис и на гастроезофагеалната рефлуксна болест (ГЕРБ) кај малите деца кои не можат да голтаат таблети, како и кај возрасните пациенти кои имаат тешкотии со голтањето (пациети со дисфагија) и неможност за голтање (пациенти со поставени сонди за гастрично хранење и/или геријатриски пациенти).
Државниот завод за индустриска сопственост е основан на 1 декември 1993 година како самостоен орган на државната управа и е надлежен за вршење на работите во врска со стекнувањето и со заштитата на правата од индустриска сопственост кои опфаќаат патенти, индустриски дизајни, трговски марки и ознаки за потеклото на производите. Оваа институција триесетта година по ред традиционално организира активности во насока на афирмација на улогата на индустриската сопственост во поттикнувањето иновации и креативни творби.
ПР