Македонија
Почина новинарот Јосиф Ќурчиев
Познатиот новинар Јосиф Ќурчиев почина синоќа ненадејно во Скопје 63-годишна возраст, јави Македонската редакција на Дојче веле, чиј долгогодишен соработник беше Ќурчиев.
Познатиот новинар Јосиф Ќурчиев почина синоќа ненадејно во Скопје 63-годишна возраст, јави Македонската редакција на Дојче веле, чиј долгогодишен соработник беше Ќурчиев.Тој ги уредуваше и водеше емисиите на Дојче веле на македонски јази, а со своите професионални квалитети и колегијален однос остави трага во работата во оваа редакција, а ќе остане запаметен и по неговиот кон нас. Ќурчиев со новинарство започна да се занимава од 1970 година, како новинар во Радио Скопје, каде што беше уредник на информативни програми и новинар во надворешно-политичката редакција.Ќурчиев беше колумнист во „Утрински весник“ и публицист. Во 2009 година ја доби и наградата „Жан Моне“ на Европската комисија, која се доделува за анализи и коментари на теми од ЕУ.Неодамна Ќурчиев заедно со уште неколку колеги во соработка со Цивил Медиа и ЗНМ објави новинарски прирачник, што е еден од последните негови ангажмани.Ќурчиев ќе остане запаметен во македонската јавност и по прашањето што му го постави на Слободан Милошевиќ во предзорјето на распадот на поранешна СФРЈ.Ќурчиев при престојот на Милошевиќ на конференција во Охрид, побара од тогашниот српски претседател, кој не го криеше големиот српски национализам и беше против независноста на републиките, јавно да каже во која земја смета дека се наоѓа. /крај/дв/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Облачно време со врнежи од дожд и температуриа до 9 степени
Времето денеска ќе биде облачно со повремени врнежи од дожд, пообилни во источните делови (над 35 l/m²). На планините врнежите ќе бидат од снег, а на некои од повисоките места од дожд и снег. Ќе дува умерен, наместа долж Повардарието повремено засилен ветер од северозападен правец, информира УХМР.
Минималната температура ќе биде во интервал од 1 до 6, а максималната ќе достигне од 3 до 9 степени.
Во Скопје, облачно со повремени врнежи од дожд. Во повисоките делови од котлината врнежите ќе бидат од дожд и снег. Ќе дува умерен, повремено засилен северен ветер. Минималната температура ќе се спушти до 2, а максималната ќе достигне до 5 степени.
Утре на планините и на повисоките места ќе провејува слаб снег. Од недела времето ќе биде стабилно со ниски утрински температури, а дневните ќе бидат во пораст. По одделни котлини ќе има појава на магла и таму температурата ќе остане пониска.
Македонија
АМСМ: Тековен сообраќај по влажни коловози
Сообраќајот на државните патишта се одвива непречено, по влажни коловози, информира АМСМ.
Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Потсетување дека патниот правец Охрид – Ресен преку националниот парк Галичица од 21.11.2025 до 31.03.2026 година се затвора за сообраќај за сите видови возила.
Македонија
Дел од корисниците од Гази Баба без струја
Дел од корисниците од Гази Баба денеска ќе останат без струја.
„Од ЕВН Македонија АД добивме известување дека на ден 28.11.2025 година ( Петок ) без електрична енергија ќе останат: во периодот од 08:30 до 14:30 часот, корисниците на ул.2 во Раштак ( општина Гази Баба )“, информира РЦУК.

