Македонија
Кристијан Шапкар не се чувствува виновен за глисерската несреќа
По повеќе одложувања во Основниот суд во Охрид денеска започна главниот претрес во судскиот процес за глисерската несреќа што се случи пред две години во водите на Охридското езеро, во која животот го загуби Ирина Романова Муцински, а неколку лица беа повредени, јавува Ohridnews.
По повеќе одложувања во Основниот суд во Охрид денеска започна главниот претрес во судскиот процес за глисерската несреќа што се случи пред две години во водите на Охридското езеро, во која животот го загуби Ирина Романова Муцински, а неколку лица беа повредени, јавува Ohridnews.Пред судот исказ даде Кристијан Шапкар кој е обвинет дека ја предизвика глисерската несреќа. Шапкар кој претходно се бранеше со молчење решил да даде свое сведочење пред судот по советување на неговиот нов бранител. На почетокот од сведочењето тој изрази жалење за несреќата. Посочи дека знае за што е обвинет и дека не се чувствува за виновен. Во својот исказ тој детаљно ги опиша случувањата пред, за време и по несреќата, напоменувајќи дека не пиел алкохол пред несреќата и дека се напил неколку чашки ракија веднаш по немилиот настан за да го смири големиот стрес кој го претрпел.„На 22 август, кој е многу несреќен ден за мене, јас и мојата сопруга решивме да одиме во селото Трпејца на ручек. Со нас ги повикавме мојот братучед и неговата девојка. Тргнавме попладнето некаде после 15 часот. Во ресторанот кај што ручавме, многу добро се сеќавам дека нарачав риба и негазирана вода, затоа што поради терапијата која што ја примав не смеев да јадам мрсно и да пијам алкохол“ раскажуваше Шапкар.Тој напомена дека пред да тргнат од Трпејца кон Охрид ги запалил светлата на глисерот.„Се движев паралелно со брегот, но некаде кај Метропол, почувствував дека десниот мотор се изгасна, се обидов повторно да го запалам, но неговото работење не беше добро, така што продолжив да се движам со забавена брзина“ рече Шапкар.Тој објасни дека некаде помеѓу Хотелот Парк и плажата Кадмо забележал дека од неговата лева страна наидува друг пловен објект.„Проценив дека според правецот на движење, другиот пловен објект, не претставува опасност за мојот правец на движење и продолжив да се движам по насоката по која што одев. Не знам што се случи, но другиот глисер наеднаш направи некој маневар, го видов него како некоја сенка, која доаѓаше право на нас, не можам да кажам дали беше со голема брзина. Се обидов да го избегнам, мислам дека завртев на десно, но се беше толку брзо и се судривме. Ударот беше силен и сите се најдовме во вода“ објаснуваше Шапкар пред судот.На крајот од својот исказ, тој рече дека жали за загубата на семејството Муцински, особено за состојбата на децата.„Не би сакал ниедно дете на светот да разочарам, зошто и јас имам деца. Но пак напоменувам дека беше несреќа и ние можевме да загинеме, секому може да му се случи и затоа не се чувствувам виновен“ рече Шапкар.Инаку денеска пред судот сведочеше и неговата сопруга Ивана Шапкар, која изнесе многу слични искази и детали за несреќата.По исказите Јавниот обвинител побара од Судот да се направи дополнително вештачење од страна на Клиниката за психијатрија од Скопје, со цел да се утврди дали обвинетиот консумирал алкохол пред или по несреќата.Инаку според податоците од вештачењето, неколку часа по несреќата кај Кристијан Шапкар биле пронајдени 0,72 помили алкохол во крвта и 1,28 промили алкохол во урината./крај/ohridnews/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сајкоски: Вчера докажавме дека Македонија не толерира некој да ја тероризира– граѓаните во нас препознаа луѓе кои ќе донесат правда во државата
„Вчера докажавме дека само заеднички, единствени како никогаш досега можеме да успееме. Можеме да успееме заеднички и да прегазиме секој противник, секој оној којшто прави штета на нашата држава и затоа ќе го снајде она што го снајде овој наш противник вчера. Ќе го снајде истото и на 8 мај. Голема победа на ВМРО-ДПМНЕ и коалицијата „Твоја Mакедонија“, голема победа на македонските граѓани и македонскиот народ. Почитувани кичевчани вие го покажавте револуционерниот дух. Тој никогаш не згаснал во вас. Покажавме дека можеме и дека ќе направиме се, дека имаме храброст, дека имаме елан да се спротивставиме и дека ние сме победнички расположени. Победнички за да ја донесеме Македонија онаму каде што и е местото Им дадовме јасно до знаење дека Кичевчани не толерираат повеќе изживување врз нив. Дека Македонија не толерира повеќе некој да ја тероризира! Ние не толерираме да лажат и крадат. Ние таквите ги казнуваме“, истакна на вечерашниот митинг во Кичево носителот на листата на пратеници на ВМРО-ДПМНЕ во ИЕ 5, Ѓорѓија Сајкоски.
Тој исто така повика на уште помасовна излезност на 8 мај за да се донесе историска победа за Македонија.
„Сакам исто така да ве повикам на 8 мај да излеземе во што поголем број и да донесеме историска победа на Македонија. Да донесеме историска победа за ВМРО-ДПМНЕ и коалицијата „Твоја Македонија“, потенцираше Сајкоски.
Тој истакна и дека оваа е историска победа бидејќи граѓаните во ВМРО-ДПМНЕ препознаа луѓе коишто можат да ја донесат правдата во Македонија.
„Ние почитувани испишуваме историја. Испишуваме историја затоа што првпат од позиција на опозиција води некој политички субјект во Македонија со 180 илјади гласови. Испишуваме историја затоа што во нас препознаа македонските граѓани луѓе коишто се чесни, коишто се трудољубиви и луѓе коишто можат да ја донесат правдата во Македонија“.
Тој упати порака и до оние кои не излегоа на гласање дека ако сакаат да живеат во подобра Македонија треба да се придружат во големата победа на ВМРО-ДПМНЕ.
„Ако сме согласни дека треба да имаме подобро здравство, подобро образование, дека инфраструктурата во ИЕ 5 е катастрофална и дека треба да направиме комплетно нова, придружете се. Придружете се во голема победа за Македонија. Придружете се и само така, само единствени може да победиме и може да донесеме влада којашто никој не може да ја уценува и може да донесеме премиер што испорачува. Да испорача да имаме одлична инфраструктура, да бидеме први во регионот наместо последни и да направиме економски бум“, истакна Сајкоски и додаде:
„Поканете го секој, разговарајте со секој затоа што ВМРО-ДПМНЕ и коалицијата „Твоја Македонија“ се политички субјекти којшто мислат добро за сите во Македонија. ВМРО-ДПМНЕ и коалицијата го заслужува вашиот глас, бидејќи ВМРО-ДПМНЕ беше и остана браник на македонската државност“.
Македонија
(Видео) Ковачевски: Нема откажувања, ги повикувам граѓаните на 8 мај да излезат масовно и да дадат поддршка за Пендаровски и СДСМ
Со исправена глава, поставени на вистински европски пат кој е единствена опција за суштинска промена во нашата држава. Во тоа име ве повикувам масовно, ги повикувам сите граѓани на Македонија масовно да излезат на избори, на 8 мај и својот глас да го дадат за нашиот претседател Стево Пендаровски и за пратеничките листи на СДСМ и коалицијата за европска иднина, рече претседателот на СДСМ, Димитар Ковачевски вечерва на митинг на коалицијата за европска иднина во Чучер Сандево.
-Сакам да ве поттикнам да разговарате со секој ваш пријател, роднина, сосед, до 8 мај, да кажете дека ДА, разбравме каде сме грешеле, дека имаме јасна програма и план како сето тоа да го поправиме и исто така да кажете дека ние сме таа партија која ги обезбеди сите овие прогресивни работи за државата и кои ја ослободија државата од канџите на само една политичка партија која имаше се во свои раце во цела една декада. Ве повикувам никогаш да не се откажете во она што веруваме и да се бориме да успееме за се она што сме го напишале во програмата да стане реалност и државата да стане многу подобра од она што е денес, рече Ковачевски.
Јас заедно со моите другари како денес, со Санела, Сузана, Оливер, Фатмир ќе бидеме секој ден меѓу граѓаните. Во секој град, секое село, секоја куќа, со секој граѓанин, додаде Ковачевски.
-Ве повикувам и вас, да ни се придружите и заедно да ја пренесеме пораката за напредна држава, пораката за држава која напредува, за држава во која сите се почитуваат и пораката за држава во која ќе имаме подобар животен стандард. Нема откажување од иднината и од борбата за напредна и прогресивна Македонија, рече претседателот на СДСМ, Димитар Ковачевски.
Македонија
Мицкоски: Разликата по вчерашниот изборен ден е цунамито кое се крева, народот се излеа и тој бран на промени ќе ја порази оваа власт
Над 180 илјади разлика е доволен показател за само едно, народот е на нозе и народот се крена против оваа власт, рече претседателот на ВМРО-ДПМНЕ, Христијан Мицкоски на вечерашниот митинг во Кичево.
„Оние кои што се удираа во гради дека ќе сме се сокриеле после изборниот ден, јас денес не ги гледам. Сокриени коваат сценарија за бојкот, на врата се пред Мала речица да ги молат за гласови, како што ги молеа за тендери. Но, народот е посилен и од тие стотина луѓе од ДУИ кои управуваат со државата и од тој артаноиден режим“, изјави Мицкоски.
Според Мицкоски разликата по вчерашниот изборен ден е толку изразена, што е поголема од вкупниот број на гласови на Пендаровски освоен на изборите.
„Ова е цунамито кое се крева и кое ќе се удри од главата на оваа власт. Народот се излеа и тоа незадоволство и тој бран на промени ќе ги порази. Сакам да предупредам дека работата не е воопшто завршена. Потребно е жолтиот картон да стане црвен. На 8 мај потребно е масовно да се излезе и да се гласа за промени“, вели Мицкоски.
Мицкоски укажа дека е многу важно разликата да биде уште поголема.
„Затоа што добивам информации за црни сценарија кои се коваат во противничките штабови и да им кажам колку и тие да планираат такви сценарија, народот уште пожестоко ќе ги казни. Излезот власта го гледа во две работи. И двете се губитнички сценарија. Првото е бојкот на изборите каде што најисправниот одговор треба да биде излезноста и масовноста на овие избори. Второто сценарио е играњето со белезите на Македонија и великодушните понуди што овој пат ги добива ДУИ за сметка на Македонија од СДСМ за еден партнерски настап и взаемна поддршка на изборите“, кажа Мицкоски.
Мицкоски кажа дека двете сценарија им се за тоа како ДУИ и СДСМ да извлечат некаква полза, за сметка на пропаста и назадувањето на државата.
„Тоа нема да го дозволам. И затоа одговорот е масовна излезност на 8 мај“, порача Мицкоски кој заклучи: „да покажеме заедно дека силата на Македонија е во нас, во сите нас заедно, и да бидеме пример на сите идни генерации“.