Решавање на отворените прашања и со тоа подобрување на односите со Македонија – ова е барањето што европратеникот Ричард Хауит го упатил на средбите со шефот на грчката дипломатија Ставрос Димас и алтернативниот министер Марилиза Ксенојанакопулу во четвртокот во Атина.

Решавање на отворените прашања и со тоа подобрување на односите со Македонија – ова е барањето што европратеникот Ричард Хауит го упатил на средбите со шефот на грчката дипломатија Ставрос Димас и алтернативниот министер Марилиза Ксенојанакопулу во четвртокот во Атина.

Хауит, во изјава за „Макфакс“ вели дека средбите во Атина се дел од неговото ветување за објективно вршење на функцијата известувач за Македонија во Европскиот Парламент. Не посочи детали од средбата, објаснувајќи дека се работело за доверливи разговори.

„Ги разгледувавме со нив можностите за решавање на отворените прашања. Ја пренесов истата порака што ја имам пренесено веќе во Скопје, дека ќе ја искористам сета моја енергија да извршам притисок на двете страни да дојдат до решение и со тоа да ги подобрат односите“, рече Хауит.

Во однос на можноста за скорешна посета на Скопје, Хауит вели:

„Бев во Скопје, мислам веќе шест пати од јуни. Очекувам веќе следниот месец повторно да дојдам. Водам постојан дијалог со Владата, сите политички партии и организациите во земјата. Го поздравувам тоа. Ветив дека мојата работа ќе ја вршам објективно и во добра волја и моето доаѓање во Атина го демонстрира токму тоа и на тој начин го исполнувам моето ветување“, вели Хауит за „Макфакс“.

Прашан за поводот за средбите и по чија иницијатива се случиле, Хауит вели дека до нив дошло низ дијалог со грчките власти, објаснувајќи дека тој е во постојан контакт со неговите колеги во унијата и европските институции, како дел од неговата работа. /крај/мф/ач