Поради големите и нови интензивни врнежи на снег пропратени со силна виулица патниот правец Смрдлива Вода – Ски центар Кожув сé уште не е прооден.

Поради големите и нови интензивни врнежи на снег пропратени со силна виулица патниот правец Смрдлива Вода – Ски центар Кожув сé уште не е прооден.Туристите кои се наоѓаат во Ски центарот засега се згрижени и се во добра состојба, информира. Центарот за управување со кризи (ЦУК).Според истиот извор, на овој патен правец има нови наноси од снег на постојаните 120 центиметри, поради што екипи на Ски центарот не се во можност да го расчистат патот. На терен се присутни екипи од Ски центарот и екипа од „Македонија пат“ – Гевгелија. Поради лоши услови на патот предизвикани од снежните врнежи, скратена е релацијата на десетина автобуски линии кои водат до скопските села. Како што информираше РЦУК од Скопје, скратување има на линиите  47а за с.Љуботен оди преку Љуботенски пат, 47 за Љубанци до Радишани, 58-а за Добри дол оди до Сопиште, 58б за с.Св.Петка до с.Соње, 60 за с.Г.Матка до Војската,61 за с.Побожје до каменоломот, 65 за с.Раштак до с. Црешево, 67 за с.Страхојадица до с.Зелениково, 71 за Бањани до раскрсница Мирковци, 80 за с.Цветово до с.Марков Манастир и 81 за Чучер Блаце до с.Сандево.Патниот правец над село Црвена Вода во општина Студеничани не е прооден за лесни возила, додека патниот правец до село Црн Врв се одржува прооден. во овој дел снежната покривна достигнува еден метар Во Општина Чучер Сандево на патниот правец кон селата Кучевиште, Горњени и Побожје има околу 15 см снег. Механизацијата е на терен и се очекува патот да биде набргу расчистен. ЈСП не сообраќа. Селата Танушевци и Блаце се одсечени поради големи наноси и таму не се во можност да интервенираат. Сообраќајот не се одвива. Патните правци до планинските села Добрино, Дејковец и Тисовица Палиград (општина Зелениково ) се проодни само до село Гумалево. /крај/со/ап/