Откако изминатите шест дена се без електрична енергија, во средата претпладне жителите на битолското село Логоварди се решија да апелираат до одговорните со блокирање на патниот правец Битола – Новаци кој води кон РЕК Битола.

Откако изминатите шест дена се без електрична енергија, во средата претпладне жителите на битолското село Логоварди се решија да апелираат до одговорните со блокирање на патниот правец Битола – Новаци кој води кон РЕК Битола.Битолското село Логоварди во средата околу пладне доби електрична енергија, откако дефектите на терен беа санирани. Со ова жителите се откажаа од најавената блокада за попладнево на патот кој минува низ селото, а води кон РЕК Битола. Шест дена се без струја, среде зима, за време на празниците, без телевизија, радио и сé она што е секојдневие. Но проблеми жителите од Логоварди имаат и со кравите, бидејќи машините не молзат без струја па морале да почнат со рачно молзење. Сето тоа предизвика револт кај локалното население кое се реши да го блокира патот Битола – Новаци.„Трет ден ставам снег во ладилникот за да не ми се расипат продуктите. Прегореа сите електрични апарати. Во Логоварди има 35 бандери потпрани со дрвја и други предмети за да добиеме струја“, вели жител на битолското село Логоварди.„ Јас сум 40 годишен човек, и не паметам дека вакво нешто досега се случило во Македонија“, вели друг жител на Логоварди.Нивниот револт е поголем, и заради тоа што, како што велат, во непосредна близина е и градот Битола и РЕК-от, но тие останале отсечени од светот..„Се наоѓаме на пет минути од главниот производител на струја во земјава, РЕК Битола и на 15 минути од Европска унија (Грција), а живееме без струја како пред пет века. И старите не паметат дека некогаш било вака“, вели  жител на битолското село Логоварди./крај/твт/сб