Македонија
ВМРО-ДПМНЕ: И американските служби потврдуваат дека СДСМ е вмешан во криминалот со Телеком

Владејчката партија ВМРО-ДПМНЕ тврди дека и амерканските правосудни органи и резултатите на истрагата од американските служби потврдуваат дека во периодот 2005 и 2006- та година Владата на СДСМ е дебело вмешана
Владејчката партија ВМРО-ДПМНЕ тврди дека и амерканските правосудни органи и резултатите на истрагата од американските служби потврдуваат дека во периодот 2005 и 2006- та година Владата на СДСМ е дебело вмешана во криминалот со Телекомот, односно кога Владо Бучковски беше премиер, а Бранко Црвенковски претседател на државата.
“Во 2005 и 2006 година (токму во време кога на власт е СДСМ), извршните директори тогаш вработени во Маѓар Телеком, вклучувајќи го и претседателот и извршен директор, организирале, одобриле, реализирале план за поткуп на владини претставници во Република Македонија со цел да се одложи или да се спречи влгувањето на нов конкурент на Маѓар Телеком”. Подоле во документот стои ”Маѓар Телеком, преку нејзините подружници во Македонија, исплатила од 4.875.000 € текот на 2005 и 2006 година на посредник под маската наводни “консултации“ и “маркетинг“ договори за кои немало никаква легитимна бизнис логика” се вели во тужбата на Американската комисија за Хартии во вредност испратена до Окружниот суд на САД во Њујорк, која што ја цитираше партискиот портпарол Александар Бичиклиски.
”Во мај 2005 година двајцата извршни директори одобриле и спровеле таен договор со висок претставник на македонската влада (односно владата на СДСМ, а кој е тој тие самите најдобро знаат) за одложување на доделувањето на лиценца за трет мобилен оператор и да се добијат нови предности во новиот закон. Како резултат на тие исплати и понуди, македонската влада го одложи воведувањето на трет мобилен телефонски конкурент” цитира Бичиклиски.
Според него, Дејан Мицковиќ, тогашен член на Централниот Одбор на СДСМ, портпарол на изборниот штаб на СДСМ во 2006-та година бил истовремено Претседател на бордот на директори во Телеком, а во ова управно тело на Телекомот бил и Ванчо Узунов, советник на Бранко Црвенковски.
Владејачката партија ги повика правосудните органи да ја завршат својата работа и да расвтелат кој бил вмешан во овој криминал./крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Гори депонијата „Вардариште“, соопшти ЦУК

На територијата на државата евидентиран е еден пожар на отворен простор до 18:00 часот, соопшти ЦУК.
Според последните информации од центарот, гори депонијата „Вардариште“ во Општина Гази Баба.
Македонија
МВР со апел за фер и спортско навивање: било какви навреди ќе бидат најстрого санкционирани

Министерството за внатрешни работи апелира до сите граѓани и членови на навивачки групи да ги бодрат своите спортски миленици, но да навиваат спортски, исклучиво во спортски дух, без говор на омраза, без било какви навреди по лична, етничка, верска или било која друга припадност што не соодветствува на спортски натпревари и е спротивно на законот.
„Во врска со кошаркарскиот натпревар што се одржа на 02.08.2025 во Спортската сала во Куманово, во СВР Куманово веќе се повикани неколку осомничени лица со кои што е извршен службен разговор, и по извршени анализи во координација со ОЈО Куманово ќе бидат преземени конкретни законски мерки против инволвираните лица, вклучително и кривични постапки. Денеска, полициски службеници од СВР Куманово го лишија од слобода С.М. (30) од Куманово, кој се сомничи дека на полувреме од кошаркарскиот натпревар се обидел да внесе транспарент со навредлива содржина. По целосно расчистување на случајот против него ќе следи соодветен поднесок.
Во тој контекст, МВР уште еднаш нагласува дека во рамки на обезбедувањето на мирни и непречени спортски натпревари, полицијата ќе биде крајно ригорозна по однос на било какви нарушувања на јавниот ред и мир, односно било какви навредливи скандирања врз база на национална, етничка или верска припадност и тоа ќе биде најстрого санкционирано, без никаква толеранција. Само спортското фер навивање и бодрење може да ни донесе успеси, победи и спортски радости.
Македонија
Со ВМРО-ДПМНЕ исчезнува македонската култура, велат од СДСМ

Љутков и ВМРО-ДПМНЕ ја оставаат спомен-куќата на Петре М. Андреевски да скапува, тоа е нивниот патриотизам, велат од СДСМ.
Срамно е, болно и понижувачки за целата држава, додаваат од опозициската партија, кога синот на Петре М. Андреевски, еден од најголемите великани на македонската книжевност, мора да бара поддршка за да се спаси спомен-куќата на неговиот татко од влага, заборав и молк.
„Но тоа е резултатот кога министерот Љутков ја зголемува ставката за патувања и репрезентации на сметка на буџетските средства наменети за заштита на културното наследство.
Оваа спомен-куќа, оваа меморијална постановка во Слоештица, беше создадена токму во време на владеење на СДСМ – со јасна намера: трајно да се сочува споменот на творецот на „Пиреј“, творецот кој ја однесе Македонија до светските книжевни височини.
А денес? Денес тоа светилиште на македонската литература е оставено на забот на времето, игнорирано од министерот Љутков и Владата на ВМРО-ДПМНЕ, кои инаку постојано се повикуваат на „чување на македонскиот идентитет“.
Ова, според СДСМ, не е обична негрижа, туку културен вандализам под раководство на Љутков и ВМРО-ДПМНЕ.
„Ги красат бините со зборови за традиција, а ја пустошат суштината на нашата културна меморија. Ги споменуваат Карев и Делчев за дневно-политички поени, а го забораваат Петрета – кој ја воспеваше Македонија не со знамиња, туку со збор.
Оваа небрежност е културно предавство. Денес е Петре, утре ќе биде некој друг. А кога ќе ја снема културата- ќе ја снема и државата. Затоа СДСМ бара итна реакција, без разлика на кого е надлежноста, и спомен-куќата на Петре М. Андреевски да се стави под државна заштита и за истата да се обезбедат средства за одржување“.
Очигледно истакнуваат од СДСМ, ова е новата културна политика со која власта докажува дека не ја цени ниту државата ниту делото и ликот на нашите великани.
„Ако не знаете кој е Петре – прашајте ги учениците. Тие сè уште читаат „Пиреј“.
Ако не знаете што значи држава – прашајте нè нас. Зашто држава се гради со заштита и чување на културната посебност, а не со заборав.