Македонија
Николовски, Мираковска и Алиу на јануарската сесија на ПС на СЕ

Пратениците Александар Николовски, Соња Мираковска и Имер Алиу од денеска до 27 јануари во Стразбур ќе учествуваат на јануарската сесија на Парламентарното Собрание на Советот на Европа, информираат од Собранието на Република Македонија.
Пратениците Александар Николовски, Соња Мираковска и Имер Алиу од денеска до 27 јануари во Стразбур ќе учествуваат на јануарската сесија на Парламентарното Собрание на Советот на Европа, информираат од Собранието на Република Македонија.
Според дневниот ред, теми на дискусија на сесијата ќе бидат: ефективноста на Европската конвенција за човекови права, унапредувањето на правата на жените, функционирањето на демократските институции во Босна и Херцеговина, почитувањето на обврските и заложбите од страна на Србија преземени при приемот во Советот на Европа, а како итна точка на дневниот ред се предлага дискусија за Руската Федерација меѓу два циклуси на избори.
Свои обраќања ќе имаат претседателот на Финска, Тарја Халонен, британскиот премиер Дејвид Камерон, министерот за надворешни работи на Грузија, Григол Вашадзе, британскиот министер за Европа Дејвид Лидингтон, во функција на претседавач со Комитетот на министри.
На оваа сесија ќе се избира и нов комесар за човекови права, меѓу кандидатите од Белгија, Холандија и Латвија. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.