Министрите за одбрана на Србија и Македонија, Драган Шутановац и Фатмир Бесими, денеска во Белград се согласија дека соработката помеѓу двете земји е од исклучителна важност за обезбедување на мирот, стабилноста и напредокот во регионот.

Министрите за одбрана на Србија и Македонија, Драган Шутановац и Фатмир Бесими, денеска во Белград се согласија дека соработката помеѓу двете земји е од исклучителна важност за обезбедување на мирот, стабилноста и напредокот во регионот. Согласни во оценката дека соработката помеѓу двете министерства ќе придонесе за регионална стабилност, министрите по состанокот нагласија интерес за соработка во воената индустрија, здравството и образованието. Македонскиот министер за одбрана Бесими, потенцирал дека двете држави немаат отворени прашања во областа на воената соработка и нагласил дека во иднина сите проблеми треба да се решаваат на демократски начин, по пат на дијалог.„Посетата е важна поради нашата понатамошна соработка, која до сега во оваа област покажа одлични резултати. Посетата, воедно е знак на јакнењето на нашата соработка, за која сме заинтересирани да ја продлабочиме, особено во областа на школувањето на нашите кадри во војската на Србија“, истакнал Бесими. Тој дополни дека на регионално ниво, можат да се искористат воените капацитети во областа на воената медицина, академското образование, како и полигоните во двете држави.  Српскиот министер, Шутановац, го нагласил присуството на Македонија во воените мисии и дека македонското искуство и заедничкото минато можат да бидат добар патоказ за идна соработка, кога се во прашање воените мисии. На состанокот на министрите на двете земјо присуствуваа и државните секретари во министерствата за одбрана на Србија и Македонија, Тања Мишќевиќ и Петар Есмеров. крај/т/нц