Првиот сведок кој и најмногу зборуваше бил директно вклучен во вадење на пари од сметките на фирми во банки. ‘Парите ги вадев од банка и потоа во готово во хартиени ќеси ги носеше првообвинетиот. За услугата ми даваше 500 до 800 денари”, објаснуваше првиот сведок

Почна сослушувањето на сведоците за судскиот случај „Ариел”, во кој на 23 обвинети им се суди за перење пари со лажни фактури.Беа сослушани првите четворица сведоци повикани за денешното рочиште кои во детали раскажаа што сè знаат околу префрлањето на пари од сметка на сметка за лажни услуги.Првиот сведок кој и најмногу зборуваше бил директно вклучен во вадење на пари од сметките на фирми во банки. ‘Парите ги вадев од банка и потоа во готово во хартиени ќеси ги носеше првообвинетиот. За услугата ми даваше 500 до 800 денари”, објаснуваше првиот сведок кој од каде и како ги вадел нелегалните пари. “Со дигитрон првообвинетиот пресметуваше на кој кого колку процент треба да му исплати и земаше кеш пари . Потоа ќе ги ставеше во џеб и им ги даваше на сопствениците на сметките. Мислам дека според моите пресметки им даваше просечно 2,5 проценти од трансакција”, раскажа сведокот. Сведокот појасни дека еден од обвинетите кои учествувале во вадењето и земањето на парите го подучил да внимава што ќе каже ако го фати полиција. “Ме советуваше дека ако ме фати полиција со парите да кажам дека сум работел за некој тип кој сум го запознал во дискотека и наводно ми давал пари за работа”, кажа сведокот. Беше сослушан и сведок кој изготвувал уверенија и регистрирал фирми за потребите на првообвинетиот. Според неговото тврдење биле носени странски државјани, повеќето Бугари да отворат фирми во Македонија. Нему му било чудно тоа што сите се потпишувале на бланко бели листови, а сведокот по регистрирањето на фирмата повеќе не ги видел. Тој потврди дека еден од обвинетите бил вработен во неговата фирма, но дека не доаѓал на работа, Придонесите и платата обвинетиот сам си ги покривал. Еден од сведоците поради многу лоша здравствена состојба само на кратко беше распрашан и ослободен од сведочење. Во досегашниот тек на постапката обвинетите тврдат дека легално работеле, некои пак, и се извинија на државата оти и згрешиле, а повеќе од нив молчат. Двајцата Македонци од Пустец кои биле во мрежата на перење пари тврдат дека се неписмени за да водат таков бизнис.    Според обвинението се переле пари на тој начин што се отворале фирми на чии сметки се префрлале пари за новодни услуги и потоа парите се извлекувале од сметките на фирмите. Управителите и посредниците добивале од 1 до 8 проценти од вкупната сума./крај/мф/км