Во петокот навечер се регистрирани уште два напада врз автобуските на Јавното сообраќајно претпријатие Скопје, во коишто за среќа нема повредени.

Во петокот навечер се регистрирани уште два напада врз автобуските на Јавното сообраќајно претпријатие Скопје, во коишто за среќа нема повредени. Откако скопската полиција презема мерки за поригорозна контрола во скопските автобуси по серијата инциденти во коишто настрадаа малолетници, млади лица и возачи на ЈСП, насилниците почнаа со каменување на возилата. Во петокот навечер околу 20.15 часот на булеварот „Никола Карев“, во реонот на полициската станица Бит пазар, додека автобусот број 50 се движел кон центарот на градот, четири лица почнале да фрлаат камења кон возилото, при што искршиле стакло до предната влезна врата и го оштетиле плехот од горната платформа на автобусот, по што избегале во непознат правец. Се преземаат мерки за пронаоѓање на сторителите и за расчистување на случајот, информираат од МВР. Околу 45 минути по полноќ во саботата, во Скопје на улицата „Цветан Димов“, поточно на автобуската постојка наспроти џамијата „Јаја Паша“, непознато лице со тврд неутврден предмет го оштетил автобусот број 57 кој се движел во правец кон населбата Бутел. Притоа било скршено стакло од задната врата на автобусот. Во исто време на истото место, како што се претпоставува од истиот сторител, бил оштетен и автомобил „пежо“ со кој во тој момент управувал 26-годишен скопјанец./крај/мвр/мф