Веќе неколку дена сме сведоци на серија инциденти кои во најголем дел имаат меѓуетничка димензија, а истовремено покрај оправданата загриженост на граѓаните, одговорните институции и органи не ја сфаќаат доволно сериозно целата ситуација, велат од најголемата опозициска партија.

Веќе неколку дена сме сведоци на серија инциденти кои во најголем дел имаат меѓуетничка димензија, а истовремено покрај оправданата загриженост на граѓаните, одговорните институции и органи не ја сфаќаат доволно сериозно целата ситуација, велат од најголемата опозициска партија.„Погрешните политики на коалицирање околу тендери и договори, а не околу интересите на граѓаните и државата, доведоа до ситуација инцидентите да станат секојдневие. За жал, денешните настани се логична последица на непринципиелните политички договори околу Калето, хашките случаи, пазарот околу измените на имињата на училиштата и улиците“. рече во саботата пратеникот Јани Макрадули, член на Извршниот одбор на СДСМ. Дополнително, погрешните политики на економски план довеле до тоа повеќето млади луѓе да бидат невработени и бесперспективноста да биде плодна почва за манипулирање со нив, смета Макрадули. „Тоа што посебно загрижува е несериозниот однос на премиерот. Наместо од седница на Влада да соопшти кои мерки ги презема Владата, премиерот прави пародија од инцидентите, промовирајќи автобуси, како да не го информирале дека токму автобусите станаа синоним за инцидентите“, дополни Макрадули апелирајќи „ситуацијата да се сфати крајно сериозно и владејачката коалиција да не бега од одговорноста за случувањата“./крај/со/мф