Контакт

Македонија

Избирачите неодлучни за партија, ВМРО-ДПМНЕ уште во голема предност

Објавено пред

Избирачите во Република Македонија во најголем процент не знаат или уште не се одлучиле за која партија, но во сите шест категории од испитувањето на јавното мнение што во петокот го објави Институтот Павел Шатев

Избирачите во Република Македонија во најголем процент не знаат или уште не се одлучиле за која партија, но во сите шест категории од испитувањето на јавното мнение што во петокот го објави Институтот Павел Шатев, владејачката партија ВМРО_ДПМНЕ има значителна предност пред најголемата опозициска партија СДСМ.Највисок рејтинг во истражувањето спроведено меѓу 12-ти и 15-ти март годинава, и натаму има владејачката ВМРО-ДПМНЕ, по која следуваат СДСМ, ДУИ, ДПА и НДП.На прашањето „доколку утре има парламентарни избори, за која партија ќе гласате“, 23,9 отсто од испитаниците се изјасниле дека би гласале за ВМРО-ДПМНЕ, 13,9 отсто од испитаниците се определиле за СДСМ, владејачката партија од албанскиот кампус ДУИ има доверба од 6.8 отсто, а опозициските парламентарни албански партии ДПА и НДП имаат доверба од 3,9 и 1,2 проценти. Вонпарламентарните Либерал-демократската партија (ЛДП), ВМРО-Народна партија и Обединети за Македонија имаат рејтинзи од 0,8, 07, и 0,1 отсто. Но висок е процентот – 14,9 отсто од испитаниците кои се изјасниле дека нема да гласаат за ниедна политичка партија, за друга би гласале 2,5 отсто а со „не знам“ или немале одговор дури 31,3 отсто од избирачите. Висок е, исто така, процентот на македонските избирачи коишто немаат доверба во ниту е еден домашен политичар – 28,1 отсто, вкупно 9 проценти се изјасниле за други политичари, а без одговор на прашањето „На кој политичар најмногу му верувате?“, останале 16.7 отсто од анкетираните. Премиерот Никола Груевски како челник на владејачката ВМРО-ДПМНЕ се уште има највисок рејтинг меѓу македонските политичари – чисти 24 отсто. Лидерот на СДСМ, поранешниот премиер и претседател Бранко Црвенковски речиси е со трипати помал рејтинг од 8,6 отсто, додека неговата сопартијка Радмила Шеќеринска има рејтинг од 2,3 проценти. Пред поранешната лидерка на социјалдемократите, според довербата кај избирачите се лидерот на ДУИ, Али Ахмети со 6,5 отсто, претседателот на ДПА, Мендух Тачи со 3,6 отсто, а зад Шеќеринска е претседателот на НДП и градоначалник на Гостивар Руфи Османи со рејтинг од 1,2 отсто. Не знаат или не дале одговор на прашањето „Која партија ќе победи на локалните избори?“ идната година, дека ниедна нема да победи (?!) рекле 3,2 отсто а вкупно 1,1  проценти од испитаниците навеле други партии. Во оваа сфера ВМРО-ДПМНЕ има повеќе од двојна предност преде СДСМ, односно 32,4 отсто од прашаните сметаат дека таа ќе биде победник на следните локални избори, наспроти 15,1 отсто коишто се изјасниле во полза на најголемата опозициска партија. ДУИ како победник на локалните избори во 2013 година ја гледаат 8,3, ДПА – 3,1 а НДП – 0.4 отсто од избирачите. Учесниците во испитувањето на јавното мнение на Институтот „Павел Шатев“ биле прашани „Доколку мора да изберат една партија, за која би се решиле“. На ова со не знам или воопшто не одговориле 35,1 отсто од испитаниците, за ВМРО-ДПМНЕ би се определиле 30,3, за СДСМ 15,8, за ДУИ 9,3, за ДПА 6,2 а за НПД 3,1 отсто од избирачите. Македонските избирачи имаат огромна перцепција дека владејачката ВМРО-ДПМНЕ има подобра политичка програма, односно така одговориле 49 отсто испитаници на прашањето „Која партија има подобра програма?“. Програмата на СДСМ, пак, ја преферираат 23 отсто додека нерешителни по ова прашање се 28 од анкетираните. ВМРО-ДПМНЕ е надмоќна и во поглед на прашањето „Која партија има подобра организација?“, со дури 56 отсто, додека 22,8 отсто од испитаниците сметаат дека СДСМ е подобро организирана, а не одговориле 21,1 отсто. Резултатите од анкетата коишто подлежат на статистичка грешка од плус/минус 3 отсто во споменатиот период телефонски е спроведена врз репрезентативен примерок од илјада  испитаници. Во истражувањето спроведено на ниво на целата територија на Република Македонија, пропорционално биле опфатени сите шест изборни единици, со вклучување и на други релевантни демографски карактеристики на населението како пол, возраст, образование и етничка припадност. Дополнителна поделба била направена и според местото на живеење./крај/ипв/сн

Македонија

Владата го укина полицискиот час, дозволени се прослави и настани

Објавено пред

Полицискиот час од утре се укинува, угостителските објекти останува да работат само на отворено, а се дозволува и одржување на настани, свадби, прослави и веселби на отворен простор.

Владата на денешната седница ги прифати препораките на Комисијата за заразни болести и ги донесе следните одлуки:

– Почнувајќи од 16 јуни 2021 година (среда), престанува да важи забраната и посебниот режим на движење на лица и возила од јавен превоз на територијата на Република Северна Македонија.

– Исто така од утре, 16 јуни, се укинува ограничувањето на работното време на сите угостителски објекти и угостителскиот објект/дел за исхрана во угостителските објекти за сместување (хотел, мотел, хостел, пансион и друг објект за сместување), на бензинските станици, казината и обложувалниците и други објекти кои во склоп на истиот даваат угостителски услуги, а за време на работно време се дозволува работа само на отворените делови – тераси од угостителскиот објект, освен служење пијалаци во внатрешноста на казината и автомат клубовите.

– Владата донесе заклучок да се дозволи одржување на настани на отворено со 50% од капацитетот на просторот каде што ќе се одржува настанот и ограничен број на посетители до максимум 1000 посетители.

– Согласно препораката на Комисијата за заразни болести од утре е дозволено организирање на свадби, прослави, веселби на отворен простор/летни тераси со максимум 50% исполнетост на капацитетот на отворениот дел, наместо максималните 100 гости како што беше до сега.

– Владата донесе заклучок да престане да важи обврската угостителскиот објект во кој има прослава да ја регистрира и пријави прославата во угостителската комора која води регистар на свадби, прослави и останати веселби.

Соодветно на овие заклучоци и одлуки, Владата препорача да се измени и дополни Протоколот за организирање на свадби/прослави и веселби.

Прикажи повеќе...

Македонија

Мицкоски: Протестираме да видиме што преговара двоецот Заев-Бучковски

Објавено пред

Денеска е веќе петти ден како се случуваат овие блокади, овие протести. Протестираме со една цел, а тоа е да видиме што преговара двоецот Заев-Бучковски, бидејќи до сега во јавноста има една општа конфузија за тоа што преговара овој двоец, а е многу значајно затоа што од информациите кои ги добиваме од дипломатски извори од Брисел, но и од официјална Софија, тие преговараат за се’ она за кое велат дека не преговараат, изјави лидерот на ВМРО-ДПМНЕ, Христијан Мицкоски.

Според него, се преговара за идентитетот, културата, посебноста, јазикот, наследството и антифашистичката борба.

„И многу е важно јавноста да ја знае вистината, бидејќи некако во јавноста се одомаќини зборот нов договор со Бугарија, односно со Софија. Јас не знам навистина до кога е потребно Зоран Заев да потпишува капитулантски договори на штета на македонскиот народ, на штета на македонскиот идентитет, но едно е јасно дека ниту тоа што до сега го работеше, ниту тоа што во иднина ќе го работи, а колку е пократка таа иднина толку ќе биде подобро за македонскиот народ и македонската држава“, рече Мицкоски.

То изрази надеж дека вицепремиерот Бујар Османи утре ќе оди во парламентот и пред пратениците отворено ќе зборува за тоа за што преговара.

Прикажи повеќе...

Македонија

Втора Парада на гордоста во Скопје на 26 јуни

Објавено пред

Втората Парада на гордоста во Скопје ќе се одржи на 26 јуни. Кочо Андоновски од ЛГБТИ Центарот за поддршка, нагласи дека оваа парада е посветена на сите ЛГБТИ луѓе и поддржувачи, кои ќе дојдат да го изодат овој марш за еднаквост на ЛГБТИ заедницата, но и на сите оние кои нема да можат да дојдат поради различни причини – зашто се плашат за односот со своите најблиски, се плашат за своите работни места или за односот кон нив во училиште или на факултет.

„Изолацијата, која сите заедно ја искусивме минатата година, повеќето ЛГБТИ луѓе ја искусуваат целиот свој живот поради стигмата и предрасудите. И затоа годинава мотото на парадата е ‘Вон ѕидовите’“, изјави Андоновски.

Уранија Пировска, од Хелсиншкиот комитет за човекови права, посочи дека плановите за одржување на годинешниот Прајд се темелеа на подобрувањето на епидемиолошката состојба во земјата. Таа информираше дека и оваа година е добиена потврда за посветеноста на Министерството за внатрешни работи да се обезбеди највисоко ниво на сигурност.

„Пред две години, нашата парада беше оценета како најдобра токму поради безбедносниот аспект. Очекувам дека МВР и годинава ќе покаже професионалност и ќе им обезбеди на учесниците да се чувствуваат сигурно“, рече Пировска.

На прес-конференцијата учествуваше и Тони Ангеловски, помошник на министерот за внатрешни работи за односи со јавноста, кој од име на /министерството изјави дека ќе бидат преземени сите непходни мерки за настанот да помине безбедно и во најдобар ред.

Прајдот ќе започне со собирање на учесниците во паркот „Жена Борец“ од 10 до 12 часот, а движењето ќе биде покрај Влада, сѐ до Школка во Градскиот парк.

„Таму ќе започне и делот на прослава, бидејќи Прајдот е протест, но и прослава, на која ги реафирмираме надежите за посолидарно, похумано и поправедно општество“, рече Петровска.

И овјв пат, Парадата ќе ја отвори нашиот претставник на Евровизија, Васил Гарванлиев, а потоа ќе следат говори од активисти и неколкучасовна музичка програма. Сите детали околу превентивните мерки и безбедноста ќе бидат тековно споделувани на сите комуникациски канали.

Организатор на парадата е Националната мрежа против хомофобија и трансфобија.

Прикажи повеќе...

Најново

Македонија52 минути

Владата го укина полицискиот час, дозволени се прослави и настани

Полицискиот час од утре се укинува, угостителските објекти останува да работат само на отворено, а се дозволува и одржување на...

Топ3 часа

Пронајдени 1.243 стебла марихуана во близина на болницата „Св. Еразмо“ во Охрид

Полицијата пронајде 1.243 стебла марихуана во близина на болницата „Св. Еразмо“ во Охрид. Според информациите на МВР, приведени се две...

Македонија5 часа

28 новозаразени од коронавирус, нема починати

Министерството за здравство информира дека во последните 24 часа се направени 2.887 тестирања, а регистрирани се 28 нови случаи на...

Македонија7 часа

Актерката Силвија Стојановска доби три и пол години затвор поради учество во шверц на кокаин

Затворска казна од 3,6 години доби актерката Силвија Стојановска за транспортот на 700 килограми кокаин од Колумбија во Шпанија. Нејзиниот...

Македонија8 часа

Филипче ја прими грчката донација од 20.000 дози вакцини од „Астра зенека“

Министерот за здравство, Венко Филипче, на социјалните мрежи објави дека денеска пристигнала донацијата од 20.000 дози вакцини на „Астра зенека“...

Свет8 часа

„Политико“: Има пет работи поради кои Бајден ја сака Европа, една од нив е Балканот

Малкумина американски претседатели стапиле на таа функција со толку многу поминати километри во меѓународни патувања како што е Бајден, пишува...

Македонија8 часа

Вчера се аплицирани 4.840 вакцини, прва доза примиле 3.222 граѓани

На вакциналните пунктови во државата заклучно со вчера вакцинирани се вкупно 259.935 граѓани. Прва доза вакцина вчера примиле 3.222 граѓани,...

Македонија9 часа

Кацарска: Ниту еден политичар не може да ми влијае за некој предмет

Претседателката на Уставниот суд, Добрила Кацарска, тврди дека врз неа не може да влијае ниту еден политичар ниту, пак, да...

Свет10 часа

Израел ги укина маските во затворено

Министерството за здравство на Израел објави дека од денеска веќе не важи обврската за носење заштитни маски во затворен простор....

Македонија11 час

Владата ќе одлучува за укинување на полицискиот час

На седница што ќе почне денеска во 13 часот, според соопштение од владините служби, на дневен ред пред министрите за...

Свет11 час

СЗО: Опаѓа бројот на новозаразени од коронавирус во последните седум недели

Генералниот директор на Светската здравствена организација (СЗО), Тедрос Аданом Гебрејсус, рече дека има пад на новозаразени од коронавирус во последните...

Свет11 час

Бајден вети дека ќе му ја каже црвената линија на Путин

Американскиот претседател, Џозеф Бајден, вчера во Брисел вети дека ќе му каже на својот руски колега Владимир Путин каде е...

Свет11 час

Кина возврати на обвинувањата на НАТО: Кажувате невистини, ние сме мирољубиви

Кинеската мисија во Европската Унија денеска ја осуди процената на НАТО од вчерашниот самит дека Кина претставува „системски предизвик“. Водачите...

Македонија1 ден

Заев од НАТО Самитот 2021: Трансатлантското семејство е силно како никогаш порано

Премиерот Зоран Заев, заедно со лидерите на земјите членки на НАТО, учествуваше во централниот работен дел на годинешниот Самит на...

Свет1 ден

Бајден: Напад врз една членка на НАТО е напад врз секого

Американскиот претседател Џо Бајден денеска во Брисел рече дека колективната одбрана на НАТО, принципот дека нападот врз една членка се...

Свет1 ден

Земјите од НАТО заеднички ќе се бранат и од напади во вселената

Проширувањето на членот 5 од договорот за основање на НАТО, кој денеска ќе биде продолжен, им овозможува на членките на...

Македонија1 ден

Четири нови случаи на Ковид-19, починал 66-годишен скопјанец

Министерството за здравство информира дека во последните 24 часа направени се 1.337 тестирања, а регистрирани се четири нови случаи на...

Европа1 ден

Во Германија најнизок број на новозаразени во последните 9 месеци

Во Германија е регистриран најмал број на новозаразени од коронавирус на дневно ниво во последните девет месеци, па официјалните лица...

Економија1 ден

Од полноќ се зголемуваат цените на горивата

Регулаторната комисија за енергетика донесе одлука од полноќ да се зголемат малопродажните цени на нафтените деривати во просек за 1,15%...

Македонија1 ден

Груби и Мерко за рушењето на платформите во Струга: Зелената агенда е веќе во акција

Првиот вицепремиер и министер за политички систем, Артан Груби, заедно со министерот за информатичко општество и администрација, Јетон Шаќири, и...

Досие