Македонија
Премиерот Груевски се сретна со Карлос Слим
Македонскиот премиер Никола Груевски во зградата на Владата го прими во моментов најбогатиот човек на светот мексиканскиот бизнисмен Карлос Слим пристигна, при што дискутира за повеќе теми.
„
Очекуваме дека со дел од проектите коишто ќе ги презентираме, ќе поттикнеме интерес кај него и неговите соработници, во рамките на секторите со кои тој се занимава, енергетиката, рударството, телекомуникациите“, рече Иво Ивановски, министер за информатичко општество и администрација, откако во саботата попладне најбогатиот човек на светот, Карлос Слим, кој беше пречекан од премиерот Никола Груевски.
Телекомуникацискиот магнат Мексиканецот со либанско потекло Карлос Слим допатува во Македонија за да учествува на конференцијата на Комисијата за информациски технологии формирана од Меѓународната телекомуникациска заедница и Унеско, со која претседава токму тој. Конференцијата ќе трае во понеделник и вторник во Охрид и првпат се одржува во овој регион бидејќи до сега средбите на нејзините членови биле исклучиво во Женева, Њујорк и во Париз.
Како што рече за медиумите министерот Иво Ивановски, на чија лична покана Слим доаѓа во Македонија, Владата веќе има предложено неколку проекти кои ќе бидат ставени на маса и за кои ќе се дискутира со Слим. Тој рече дека се надева оти ова нема да биде прв контакт и дека по посетата ќе остане можноста за поголема комуникација со претставниците на неговите компании.
Ивановски рече дека Слим е добро запознат со Македонија, знае за стапката на невработеноста, задолженоста, гранките кои имаат потенцијал, кои се најголеми извозници, кои се потенцијалите во енергетиката, металството, и телефонијата.Како што изјави Ивановски, на средбата со премиерот Никола Груевски, било дискутирано и за образованието, односно за проектите за модернизација на образованието што ги има Владата.
„Тој е познат филантроп и од својата Фондацијата што ја има во Мексико инвестира многу за модернизација на училиштата, воведување инфомациски и телекомуникациски технологии“, рече Ивановски
„Досега не инвестирал во Европа, но заинтересиран е за проширување на бизнисот. Во едно интервју изјавил дека никогаш не ги чува парите, туку постојано ги инвестира во нови бизниси, и на тој начин ги зголемува“, дополни Ивановски.
На новинарско прашање нали Слим изразил поконкретен интерес, Ивановски прецизираше дека денешниот прв состанок претставува запознавање и дека во недела е планиран работен состанок, на кој е најавено и присуство на седум деловни пријатели на Слим кои пристигнаа со него во Македонија, со економскиот тим на Владата на кој ќе му бидат презентирани владините проектите за привлекување странски директни инвестиции.
„Сѐ уште е рано, но како што кажа битно е да ја види прво земјата и да види кој раководи со државата. Му се допадна младиот владин тим и од она што е избрифиран и согледувајќи ги резултатите што Македонија ги има направено во изминатиот период, кога имаше економска криза, а Македонија се покажа дека добро знае да владее со економските сектори, дека имавме позитивни резултати, тоа за него особено значи“, рече министерот Ивановск.
Според магазинот Forbes, 72-годишниот Карлос Слим трета година е најбогатот човек на светот, пред Бил Гејтс и Ворен Бафет. Неговото богатство е проценето на 69 милијарди долари. Своето богатство го стекнал во секторот на телекомуникациите, трговијата, финасиите, суровините и енергетиката. Тој е претседател и главен извршен директор на телекомуникациските компании Телмекс и Америка Мовил./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Даштевски: Во првите два и пол часа пријавени се само технички проблеми, кабел или батерија, ги решаваме во од
Ситни техники проблеми околу биометриските уреди се пријавени во првите два и пол часа од гласањето. Претседателот на Државната изборна комисија Александар Даштевски извести дека гласањето се одвива мирно и без неправилности, а техничките проблеми вели дека тековно ги решаваат.
„Пријавени се само технички проблеми, батерија или кабел на биометриските уреди кои ги решаваме во од. Сите гласачки места се отворени и засега нема прекин никаде“, рече претседателот Даштевски.
Одѕивот во првите два и пол часа е 3,85 отсто, но пристигнале податоци од само 832 избирачки места. На овие избори право на глас имаат 1. 814.317 граѓани на 3480 избирачки места.
Македонија
3,85 отсто е одѕивот за гласање во првите два и пол часа, 12 приговори пристигнале во ДИК
Одѕивот на граѓаните во првите два и пол часа од гласањето за избор на претседател на државата на седмите претседателски избори е 3,85 отсто. Гласањето е почнато навреме, се одвива мирно и без пријавени неправилности. Претседателот на Државната изборна комисија (ДИК) Александар Даштевски утрово рече дека одѕивот е мал, но мал е и бројот на избирачки места од кои се пристигнати податоци.
„До девет часот пристигнати се податоци за одѕив на гласачите од 832 избирачки места. Од вкупно запишани 42.748 гласачи на овие избирачки места, гласале 15.487 или 3,8 отсто од гласачите. До овој момент во ДИК се доставени вкупно 12 приговори за заштита на личното избирачко право кои се предмет на обработка“, рече Даштевски.
На бесплатниот телефонски број 0800 555 44 граѓаните можат да постават прашање или да пријават неправилности до Државната изборна комисија.
Активна е и видеокол линијата 076 488 360 преку која граѓаните со оштетен слух и говор ќе можат преку видео повик да постават прашање до Државната изборна комисија и да добијат одговор на знаковен јазик. На сите граѓани на располагање им се интернет страницата на ДИК www.sec.mk како и страниците на социјалните мрежи „Фејсбук“ и „Твитер“ и каналот на јутјуб.
На страната rezultati.sec.mk може да се следи во живо излезноста на гласачите, вкупна и по општини.
На овие избори право на глас имаат 1. 814.317 граѓани на 3480 избирачки места. Податоци од повеќе избирачки места претседателот Даштевски најави за следната прес – конференција.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.