Македонија
Болниците добија 2.000 нови душеци

Нови 2.000 болнички душеци ќе добијат скопските клиники „Мајка Тереза“, како и во повеќето клинички и општи болници низ Македонија.
Министерот за здравство Никола Тодоров денеска ги пречека душеците во кругот на државна болница, душеци вредни 12 милиони денари, што ги набави Министерството за здравство.
„Набавката ќе ги покрие речиси сите искористливи легла на клиниките. Со неа ќе се постави нов стандард кој во иднина, верувам, ќе се одржува“, рече Тодоров.
Душеците се од полиуретанска пена, антибактериски се, воодоотпорни и лесно се перат.
Флексибилни се и се прилагодуваат на телото на пациентот.
Душеците во македонските болници не се сменети повеќе од 20 години, а како што рече Тодоров, поголема набавка имало во периодот 1991/1992 година, но некои од душеците се многу постари со исклучок на донираните од општество одговорните компании и поединци.
„Душеците се користат постојано, 24 часа, во секоја здравствена установа и се еден од посуштествените елементи при перцепцијата на пациентот за здравствениот систем. Наша обврска, како здравствена власт, е да обезбедиме што е можно подобар третман и услови за пациентите“, рече Тодоров.
Според него, ќе се набават и нови кревети за Детската клиника, а соодветно на нив и помали душеци, за деца./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Првиот ден од септември ќе биде сончев со мала облачност

Првиот ден од септември, како и неделата, ќе биде сончев со мала до умерена облачност и слаб до умерен ветер од северозападен правец, соопшти Управата за хидрометеоролошки работи (УХРМ).
Минималните утрински температури ќе се движат од 8°C во Маврово до 18°C во Гевгелија, додека максималните дневни ќе достигнат од 24°C до дури 34°C во Скопје.
Во главниот град утре се очекува сончево време со мала до умерена облачност. Температурата ќе се движи од 18°C во утринските часови до максимални 34°C во текот на денот.
Од вторник, метеоролозите најавуваат уште потопло време – сончево со мала до умерена локална облачност и температури кои ќе се движат од 30°C до 37°C.
Во среда пак ќе настапи промена – времето ќе биде променливо облачно, со слаб до умерен западен ветер. Попладне на повеќе места ќе има појава на пороен дожд и грмежи. Температурите ќе се движат меѓу 29°C и 36°C.
Македонија
Се врати во функција бројот 192 на МВР

Отстранети се техничките проблеми и повторно е во функција телефонскиот број 192, кој граѓаните на Скопје можат да го користат за било каква пријава или информација, информира Секторот за внатрешни работи Скопје.
За истата намена, како што велат, редовно функционира и телефонскиот број 112, како и телефонските броеви на полициските станици во населбите каде граѓаните живеат.
Македонија
Пожарот во Вардариште е под контрола, дел по дел Скопје добива струја

Пожарот во депонијата Вардариште е ставен под целосна контрола, информираат од Дирекцијата за заштита и спасување.
Поради големиот пожар повеќе населби во Скопје беа без електрична енергија, а од ДЗС информираат дека набргу дел по дел, ќе биде пуштена електричната енергија.