Македонија
Груевски: Македонија се наметнува на светската инвестициона карта
Премиерот Груевски гледа драстично подобрена бизнис клима во Македонија. За досегашното отсуство на инвестиции, пак, смета дека се должи на глобалната рецесија, во интервјуто дадено за Гласот на Америка непосредно по бизнис-форумот во Мајами.
Како што забележуваат од Галсот на Америка, премирот Никола Груевски не сакал да одговара на прашања за актуелната политичка ситуација во Македонија, образложувајќи дека тема нема да биде коментирана сé додека не се врати во земјата.
Глас на Америка: Премиере, зошто да се инвестира во Македонија?Никола Груевски: Има повеќе причини, јас ќе кажам неколку. Затоа што Македонија има одлична бизнис-клима, на 22-ро место во светот, а пред само шест годни бевме на 96-тото место. Во последните 5-6 години сме меѓу првите 3-4 топ-реформатори во светот, прогласени од Светската банка. Значи, драстично подобрена бизнис-клима, како за домашните, така и за странските инвеститори. Второ, договори за слободна трговија со сите земји во светот и можност Македонија да се одбере како локација за бизнис за да се покрие цела Европа, но и можност да се покријат други континенти. Трето, здрава макроекономска политика. Четврто, најниски трошоци за правење бизнис, најниски даноци, конкурентни трошоци во другиот дел, ретка можност во Европа да најдете толку едуцирани луѓе за толку ниски трошоци, подготвени да се приклучат на некоја компанија, договори за слободна трговија со сите држави во Европа, ниска инфлација, една од најниските задолжености во Европа.
Глас на Америка: Кои области или сфери од македонската економија нудат простор за најголема заработувачка кај потенцијалните инвеститори?Никола Груевски: Најчесто, Македонија ја бираат компании од сектори каде конкурентноста е огромна и каде што бараат колку што е можно пониски трошоци, и, истовремено, висококвалификувани луѓе. Тоа се најчесто од делот на автомобилската индустрија, во делот на електрониката, како што е „Кемет електроникс“ од САД, електронски делови од автомобилската индустрија, има од фармација, заинтересирани компании од ИТ-секторот. Гледате и во Македонија од каде доаѓаат инвеститорите. Доаѓаат за производство на автобуси, автоделови, производсвто од областа на хемиската индустрија.
Глас на Америка: Според Дуинг бизнис, Македонија е лидер не само во регионот, туку и во светски рамки, судејќи според спроведените реформи во бизнис-сферата. Но, истовремено, нема доволен број на странски инвестиции, како кај соседите. Зошто?Никола Груевски: Делумно се должи на глобалната рецесија, пред сé на европската рецесија, делумно затоа што Македонија во минатото ја немаше на инвестиционите карти. Тоа што сега го правиме е во последните неколку години. Ниту Македонија ги имаше овие услови, ниту пак имаше презентација на вакви услови, зато што не беа добри за да се прави презентација. Вие бевте на презентацијата денеска и ако го прегледате Вашиот снимен материјал, ќе видите дека 99 отсто од тоа што го кажаме е направено во последните 4- 5 години. Ниските даноци, Договорите за слободна трговија, ниски трошоци во други делови за водење бизнис. Во последните 5-6 години се воведени низа нови мерки како регулаторна гилотина, намалените комуналии за градење индустриски објекти и хотели, „едно евро“ почетна цена за земјиште за индустриски објекти… Затоа сега почнавме посебна промоција, за информација да допре до многу компании, затоа што ти не знаат. Ние имаме глобално реклами на Си-Ен-Ен, на телевизии во Турција, Холандија и други земји, но тоа се само промотивни клипови од 30 секунди, во (нив, н.з.) нешто може да (се, н.з.) каже, нешто не може, а друго е кога директно ќе дојдете, ќе им го презентирате пред нив и ќе им дозволите да ви постават прашање. Тоа е друга димензија. Прво се создаваат услови за да има што да рекламирате.
Глас на Америка: Како може дијаспората да ѝ помогне на татковината?Никола Груевски: За дијаспората, можат да инвестираат луѓе кои веќе се етаблирани таму каде живеат, каде веќе знаат како се прави бизнис, кои се успешни во тој дел. Вие не можете да очекувате дијаспората да инвестира ако нема добри услови. Ако веќе има добри услови, а тоа веќе сите го препознаваат, вклучително и Светската банка, Форбс и останати, тогаш тоа го препознава и дијаспората. Не можеме да очекуваме дијаспората да инвестира само заради патриотизам, затоа што ја сакаат Македонија. Тие треба да направат профит. Сега се создадени добри услови за правење профит, и оние кои се добро етаблирани лица во бизнисот, можат да го направат тоа. Не може да очекувате секој од дијаспората да инвестира, од некој кој никогаш не водел бизнис или пак тоа го правел на локално ниво. Но, тие можат да ни помогнат на друг начин – за лобирање за Македонија, одржување контакти, но може да инвестираат само оние кои веќе направиле добар бизнис и знаат како да го прават тоа. Најчесто инвестираат луѓе кои пробале да прават бизнис во земјите каде живеат и биле успешни во тоа.
Глас на Америка: Колку финансиската и економска криза со презадолженоста во Грција влијае врз забавувањето на разговорите за името?Никола Груевски: Влијае. Значително. Грција тоа го користи како алиби пред другите меѓународни партнери и тоа е проблем. Едното е алиби, а второто е што реално е дефокусирана. И, трето, затоа што и други знаат дека е дефокусирана и има проблеми, тоа земјата дополнително го користи за одредено алиби.
Глас на Америка: Дали пролонгирањето на преговорите за името меѓу Македонија и Грција негативно се одразува врз привлекувањето на странски инвестиции?Никола Груевски: Ако тоа го ставиме во контекст на членство во ЕУ и НАТО, особено за ЕУ, може да се каже дека неповолно влијае. Меѓутоа, има пак многу компании кои велат дека токму тоа им се допаѓа што не сме членки на ЕУ и НАТО, затоа што знаат дека со влегувањето во ЕУ ќе се зголеми конкуренцијата, ќе има поголем интерес, и за нив нема да биде толку атрактивно да се инвестира со ниските трошоци. Но, генерално, за нас е добро што е можно побрзо да влеземе во ЕУ и НАТО, затоа што продобивките од тоа ќе бидат поголеми./крај/јб/воа
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сиљановска Давкова од Крушево: Крушевчани имаат на што да бидат горди, ќе покажам и ќе докажам дека сум тука поради граѓаните, не поради себе
Денеска Гордана Сиљановска-Давкова во рамките на кампањата за вториот изборен круг од претседателските избори беше во Крушево.
Во своето обраќање пред граѓаните на Крушево, Сиљановска-Давкова порача: „Морам да кажам дека тука во Крушево има куќи кои се бисер на македонската архитектура, доказ за нашата историја, тие сведочат дека во нив илинденците мислеле, правеле планови за Македонија. Крушево треба да биде метропола на културата. Вие Крушевчани има на што да сте горди и вие заслужувате самопочит. Не заборавјате, ако не се самопочитуваме никој нема да не почитува. Мора да го вратиме животот во Крушево, тука има шанси за опстанок“, рече таа.
Ви ветувам, додаде Сиљановска-Давкова, дека ќе се опкружам со луѓе од знаење.
„Но и ви ветувам дека секогаш ќе бидам блиску до вас. Како? Преку народните канцеларии. Народните канцеларии за првпат ги примени поранешниот претседател, господинот Иванов. Мислам дека требаше да останат. Токму преку народните канцеларии јас ќе имам можност честопати да доаѓам овде, да ве видам и да видам на што сте се покажлиле, што сте предложиле. Понатаму, во зависност од тоа дали сметаат граѓаните дека треба нешто да се промени ќе правам список на приоритети кои ќе ги реализирам. Ќе покажам и ќе докажам дека сум тука поради вас, не поради себе“, истакна таа.
Крушево, како што вели е жив културен споменик.
„ Искористете ги луѓето кои уште во меморијата го имаат она што ние го забораваме. Кога ќе се грижиме за споменот на Тоше, кога ќе им оддаваме почит на партизаните, кога нема да ги заборавиме Карев, Питу и останатите, тогаш ќе бидеме горди на Македонија„, порача Сиљановска-Давкова.
Во рамките на денешните активности, Гордана Сиљановска-Давкова на Гумење оддаде почит на гробовите на Питу Гули и партизаните, како и на гробот на Тоше Проески, а исто така ја посети и Спомен куќата посветена на него и споменикот Македониум. Во текот на денот, имаше можност да ги види изложените ракотворби изработени од здруженијата на жени на Крушево, а исто така и да оствари повеќе средби со граѓаните.
Македонија
Николоски до директорот на ТЕЦ Неготино: Од каде ти се парите за хациендата во која живееш, дали од крими тендерите на сопругата во РЕК Битола или од твојот криминал со мазут во ТЕЦ Неготино?
-За Неготино предвидуваме убави работи во оваа програма, предвидуваме изградба на експресниот пат Кавадарци до Неготино, планираме изградба на обиколница околу Неготино, планираме завршување на гасификацијата и гасификација на ТЕЦ Неготино. Планираме можеби за мене најзначајно најдостоинствени цени за лозарите, за откуп на грозјето кои што ќе значат достоинствено и зголемено производство и она што е многу значајно рестартирање на Повардарие доколку не може на друг начин државата да го рестартира, за да се стави крај во откупот на монополот во откупот на грозје и производството на вино, за да ставиме крај на олигархијата која што ве понижува со понижувачките цени кои што ги даваат за откуп на грозје, истакна Александар Николоски, потпретседател на ВМРО-ДПМНЕ и носител на ИЕ 3 на денешниот митинг во Неготино во рамки на претседателската и парламентарната кампања.
Николоски пред неготинчани рече дека во секоја општина има по неколку криминалци од СДСМ, но неготинчани за жал имаат двајца од најголемите кои се токму во Неготино, посочувајќи дека едниот е актуелниот директор на Електрани на Македонија, другиот актуелниот директор на ТЕЦ Неготино.
-Постојат многу причини зошто СДСМ и ДУИ ќе се борат до последен ден, пред се заштита на криминалот и корупцијата. Криминалци има од секоја општина од секое место во Македонија, но вие ја имате несреќата двајца од најголемите да се токму од Неготино. Едниот актуелниот директор на Електрани на Македонија, другиот актуелниот директор на ТЕЦ Неготино. И кога се прашувате зошто им го дозволуваат ова што им го дозволуваат на ДУИ, единствениот одговор е за да можат да крадат заедно и едните и другите, нема друг одговор освен ова, истакна тој.
Николоски упати прашање до актуелниот директор на ТЕЦ Неготино со која директорска плата се гради хациенда како неговата, посочувајќи дали истата е платена од тендерите кои неговата сопруга ги има добиено од крими тендерите во РЕК Битола или пак од неговиот криминал со мазут во ТЕЦ Неготино?
-Би сакал одовде да го прашам директорот на ТЕЦ Неготино со која директорска плата се гради хациенди како да е на Холивуд, со која директорска плата директоре си градат хациенди кои што не се видени на ниедно друго место во Македонија, обичен свет не може да ги замисли, а верувајте и подобри бизнисмени не можат да ги замислат. Дали тоа е со платата или можеби од тендерите која што твојта сопруга ги добива преку нејзината фирма во Електрани во Македонија, но сега малку подолу во РЕК Битола, праша Николоски.
Николоски нагласи дека деновиве има сознанија за влијание на граѓаните и притисоци, уцени и закани како и нудење за поткуп, укажувајќи дека ќе има одговорност и за ова, но и за тендерите на мазут.
– И слушам деновиве во нелегални активности на обид за влијание врз гласачи на притисоци, на уцени, на закани на нудење на поткуп на гласачи, за тоа се одговора како што ќе се одговара за криминалот и корупцијата во ТЕЦ Неготино, ние баснословната набавка на мазут нема да ти ја заборавиме, ни првата, ни втората. Ние нема да заборавиме како беа штелувани условите за да не може да се пријави никој друг освен оној кој што го доби тендерот, рече Николоски.
Македонија
Мицкоски: ВМРО-ДПМНЕ ќе го истреби криминалот и за истиот ќе има одговорност, затоа ни треба поддршката од граѓаните на 8 мај за број 2
Многу е важно да се земе активно учество во овие избори. Резултатот во првиот круг беше би рекол историски. Владата е делегитимирана и треба да оди во опозиција и СДСМ и ДУИ, рече лидерот на ВМРО-ДПМНЕ, Христијан Мицкоски на денешниот митинг во Неготино.
Мицкоски посочи дека СДСМ денес се претвори во обичен измеќар на ДУИ, затоа ова што им се случува не е случајност.
„ДУИ и СДСМ мора да одат во опозиција. Мора да престане праксата ДУИ ќе биде малку со ВМРО-ДПМНЕ, па со СДСМ. ДУИ сака да го понижи македонскиот народ и да ја клекне на колена Македонија. Ми пречи криминалот на ДУИ. Тие повеќе од 20 години крадат од сите вас. Тие повеќе од 20 години ја урнисуваат Македонија. СДСМ мислеа дека противник им е ВМРО-ДПМНЕ, а не гледаа што прават од ДУИ“, кажа Мицкоски.
Затоа, додаде Мицкоски, сакам да предупредам за нешто за што имам информации дека се случува.
„Банди од ДУИ обиколуваат граѓани. Ќе се обидат да го купат гласот, ќе се обидат ДУИ да има пратеник во изборните единици 3 и 4. Секој бандит кој ќе нуди пари, практично ви нуди ваши пари, украдени од вас. Предупредувам да не биде дека не сум кажал. Мои браќа и сестри се сите граѓани, но нема простор за криминалците. Тие знаат што ги чека. Јас нема да правам пакт со криминалот, туку ќе го истребам. Мора да има одговорност за криминалот“, вели Мицкоски.
Мицкоски посочи дека ќе тропне на секоја порта.
„Македонија е држава на лојални граѓани без разлика на етничка припадност. Ќе побараме поддршка, ќе замолиме, ќе предупредиме дека ова се клучни избори. Секој човек ќе го убедам дека секој мора да излезе да ставиме крај на ова уништување на државата“, кажа Мицкоски.
Мицкоски укажа дека ова е момент да се обединиме.
„Ги повикувам сите, поддржувачи на СДСМ, оние кои останаа дома, сите да излеземе против оваа власт. Вашата доверба нема да ја изневериме потребна е поддршка за Македонија“, рече Мицкоски.