Македонија
Собранието не изгласа недоверба на Влада
За недоверба на Владата од вкупно 110 пратеници што гласаа 42 беа `за`, а 68 беа `против`, со што е констатирано дека не е изгласана недоверба на Владата.
Пред крајот на расправата се обрати премиерот Никола Груевски, кој рече дека денеска имал можност да слушне повеќе тези од опозицијата, кои се обидоа да докажат фингирана коалициска криза и да докажат дека се било глума.
„Не можам да не сум благодарен на оваа интерпелација. Во самата формулација на причината за интерпелација се покажува разликата меѓу мене и Црвенковски. Употреба на зборовите како сценарио, фингирана криза,и слично, мене ме потсетуваат на тепањето во Гостивар за поставување знамиња, кога во во позадина се криеше девалвација на денарот“, рече Груевски.
Праша дали мислеа на сценарио кога цело Скопје беше држено во неизвесност со Агим Красниќи, дали се враќа кризата, за да се прикрие економската криза, кога немаше субвенции, кога платите беа помали за 25 отсто, пензиите за 32 отсто, а го продадоа ЕСМ за малку пари.
„Кога направивте класичен спин и на денот на избори го уапсивте Јохан Тарчуловски, за народот да не се занимава со изборниот фалсификат“, рече Груевски .
„Вие не сте навикнати некој политичар да реагира директно, се гледате низ призмата на сценарија, како што прави Црвенковски“, рече Груевски и додаде дека нема никакво сценарио.
„Имаме разлики кои испливаа на површина во неколку настани. Јас мислам дека настанот во Слупчане беше контрапродуктивно, не се сфати како знак на помирување, па го викнав министерот и тоа му го кажав“, рече Груевски.
Според него, промената на имињата на училиштата е акт на провокација., а ставањето на провокативни имиња не придонесува кон доверба.
Затоа МОН поведе судска постапка за разрешување на овој случај, а одлуката ќе мора да се почитува,доколку не се почитува има начин според закон да се реши.
Апелирам до сите градоначалници Албанци, Бошњаци, Турци, Срби добро да размислат кога прават вакви работи и место за имињата да се секираат за условите во кои учат децата.
„Химна на Албанија интонирана во училишта е е провокација и со сета почит кон таа химна кон нашите пријатели од Албанија, земја со која имаме добри односи, сепак не смее да се злоупотребува“, рече Груевски..
„2001-та не е така далеку како што изгледа, раните не се залечени на двете страни. Вакви и слични настани се случуваа подолг период, за некои јавноста свесна за некои само по кулоари. Вакви проблеми не се решаваат со шепотење, туку јасно да се дискутира“, рече Груевски.
„Мое интимно чувсто е дека не сакам да бидам премиер по секоја цена, да молчам и да се кријам од проблемите“, рече премиерот.
Според него Собранието треба да донесе закон за зајакнување на правата на бранителите, но не сака да донесе закон за борците на ОНА.
Се пофали со реализирани над 2.300 проекти, а ќе бидат реализирани уште 1.000. Рече дека имаат програма според која работат и ги исполнуваат ветувањата.
„Пред светската економска криза, имавме раст од над 6 отсто…Лани имавме раст меѓу седумте најдобри во Европа…Странските инвестиции изнесуваат 1,5 милијарда евра, од 2006 година наваму. Платите се зголемени за 50, а пензиите за 32 отсто“, рече Груевски.
Порача дека СДСМ се исплаши од ветените инфраструктурни проекти, гасовод, централи, автопати, регионални патишта и друго и ја направи оваа интерпелација.
„За тезата дека сме против евроатланските интеграции, тоа е најчудно. Владата има добиено три по ред позитивни извештаи, три препораки за датум. Се воведе визна либерализација, на два самити по ред Македонија нотирано е дека ги исполнува условите за членство во НАТО кога Грција ќе се согласи за тоа. Останавме посветен на Охридскиот рамковен договор. Европската заедница ги цени реформите. Овие факти се директен демант на сите ваши тези’, додаде Груевски.
„Јавно ве прашувам, настрана што ги прокоцкавте 90 тите, зошто кога пак дојдовте на власт од 2002 до 2006 не ја внесовте земјата о НАТО и ЕУ. Кој ви бранеше? Што не го решивте проблемот со името?“, праша Груевски.Тој рече дека очекува најновиот извештај да нотира напредок и очекува најпозитивен извештај до сега.
„Оваа интерпелација не за џабе нашите граѓани велат дека е намерна оти најавивме изградба на централи гасоводи, зошто ЕК се чини ќе даде најпозитивен извештај“, рече Груевски.
„Јас зборувам со факти а вие замарајте се со тоа кој со кого влегол и каде и кој со кого се поздравил и далеку ќе стигнете. Гласајте по срце и по убедување. Доколку парламентот не се убеди од моите факти, ВМРО-ДПМНЕ е подготвен за избори ноември, декември, март“, порача Груевски./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Николоски со Караџов и Маринеску во Брисел: Македонија се фокусира на изградба на големи инфраструктурни проекти
Вицепремиерот и министер за транспорт Александар Николоски во рамките на работната посета на Брисел оствари средба со вицепремиерот и министер за транспорт на Бугарија, Гроздан Караџов, Мариан-Жан Маринеску, европскиот Координатор за коридорот Западен Балкан – Источен Медитеран, како и Матеј Законшеќ, директор на Секретаријатот на Транспортната заедница.
На средбата се разговараше за регионалните инфраструктурни проекти кои го потикнуваат рагионалниот развој и економија.
Николоски информираше дека законот за ратификација на Договорот потпишан на 6 ноември 2025 година наскоро ќе биде ратификуван во Собранието.
Николоски ги запозна соговорниците и дека на техничко ниво директорите на двете железнички претпријатија заеднички почнуваат со подготовка за апликација за финансирање на проектот за тунелот.
Тој потенцира дека се очекува во месец декември или јануари да биде објавен тендерот за третата фаза од проектот за железничко поврзување со Бугарија.
Работната агенда на вицепремиерот Николоски продолжува и утре каде ќе учествува на Самитот на министри за транспорт на земјите од Западен Балкан и министри од Европската Унија.
Македонија
„16 дена активизам против насилство врз жените и девојките“: панелистите со заклучок дека е потребна координирана реакција од сите општествени чинители
Денес се одржа панел-дискусија „16 дена активизам против насилство врз жените и девојките“, во просториите на Централниот штаб на ВМРО-ДПМНЕ, во организација на Унија на млади сили на ВМРО-ДПМНЕ. На панелот учествуваа Марија Митева, член на ИК на ВМРО-ДПМНЕ, Луна Стефаноска, член на ГК на УМС на ВМРО-ДПМНЕ, како и Ѓоко Велковски, заменик министер во Министерството за социјална политика, демографија и млади. Панелистите се осврнаа на важноста за подигање на свеста на темава, одговорно информирање од страна медиумите, како и унапредување на системот за заштита. Сите панелисти се согласија дека темата мора да остане во фокусот за да се обезбеди поголема безбедност и поддршка за жените и девојките.
Митева се осврна на делот за улогата на медиумите, кои според неа, имаат огромно влијание. Како што вели таа, многу жени работат во медиумите, и ги пофали истите за внимателно изнесување на ваквите случаи, но сепак во вакво динамично време, каде секој еден е медиум, време полно со предизвици, невозможно е целосно да се спречат штетните вести. Затоа, според неа, од клучно значење е одговорно известување и свесност за последиците врз јавноста и самите жртви.
Велковски нагласи дека системот за заштита од насилство функционира и постојат шелтер центри, 24-часовни линии за пријава и брза реакција. Тој посочи дека иако постојните механизми работат, секогаш има простор за подобрување. Како што вели тој, Владата и Министерството за социјална политика, демографија и млади, активно размислуваат како системот да стане поефикасен и подобро организиран.
,,Навистина сериозно се разгледува и се размислува за целиот систем како да стане подобар. Истиот функционира, бидејќи постојат и шелтер центри постојат линии кои што се активни 24 часа, каде што може да се пријави токму ваков тип на насилство по однос на темата. Во рок од 12 часа се постапува, најдоцна во зависност од тоа каква е тежината на самиот пријавен проблем и достапноста. Така да системот моментално како што е поставен и законот како таков функционира. Дали треба да биде подобрен? Секако. секогаш треба да се стремиме и како министерство и како Влада, меѓутоа пред се како луѓе. Сето она кое што сме го наследиле и има недостатоци да ги коригираме истите за да направиме еден перфектен систем, никогаш можеби не постои меѓутоа да се стремиме кон перфекција“, истакна Велковски.
Стефаноска истакна дека и е драго што младите, или нејзини врсници, се заинтересирани за теми поврзани со насилството. Според неа, дигиталното насилство е многу реално, бидејќи младите голем дел од својот живот го споделуваат онлајн и овој вид насилство може сериозно да влијае на менталното здравје, но понекогаш и да ја загрози физичката безбедност.
Македонија
Магла на Ѓавато, Плетвар, Стража и Крушево
Сообраќајот на државните патишта се одвива непречено, по наместа влажни коловози.
Намалена видливост поради магла до 50 метри има на планинските превои Ѓавато, Плетвар, Стража и Крушево, соопшти АМСМ.
Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година. Повеќе информации може да прочитате на овој линк.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
„Америка може да нè предаде“: протече разговор меѓу Макрон, Мерц и Зеленски
Европските шефови на држави и влади длабоко не им веруваат на Соединетите Американски Држави кога станува збор за мировни преговори...
(Видео) Татко на една од жртвите: Загрижува што обвинетите се однесуваат како оштетени и како првпат да слушаат за дискотеката „Пулс“
Загрижува фактот што обвинетите продолжуваат да добиваат јавен простор за изјави и медиумски настапи иако се соочуваат со сериозни обвиненија...
Јас единствен барав да не му се издава лиценца на „Пулс“, би требало да седам како јавност, а не како обвинет, рече поранешниот градоначалник Ратко Димитровски
Изненаден од тоа што седи на обвинителна клупа, поранешниот градоначалник на Кочани, Ратко Димитровски, на денешното судење за трагедијата во...
„Името го сменивме двапати, Уставот седумпати“ – Николоски во Брисел побара чесен пристап и одговор дали со уставните измени завршуваат барањата
Заменик-претседателот на Владата, Александар Николоски, се обрати на форумот „Прашања на проширување: Новата геополитичка, безбедносна и економска граница на Европа“,...
Фирмата за подготовка на храната во „Димо Хаџи Димов” казнета со 900 евра, во уште едно училиште откриена ешерихија коли во намаз
Операторот за подготовка на храната во основото училиште во Влае, „Димо Хаџи Димов“, е казнета со 900 евра откога беа...
Ресторан на нива, одморалиште издавано без согласност, градинка без деца оти нема пат – ревизијата утврди серија нерегуларности во Свети Николе
Државниот завод за ревизија утврди серија нерегуларности во работењето на Општина Свети Николе за 2024 година поради што изрази неповолно...
Обвинетите за „Пулс“ утрово во „Идризoво“ ги пречекаа фотографии од сите загинати
Металните барикади пред влезот во судницата во „Идризово“, кои ги одвојуваат влезовите преку кои влегуваат обвинетите и родителите на загинатите,...
Затвореник признал дека се негови 13-те мобилни и лаптопот најдени во ќелијата на Џеваир Камбери, обвинет за „Пулс“
Тринаесетте мобилни телефони и еден лаптоп пронајдени во ќелијата на обвинетиот за трагедијата во кочанската дискотека „Пулс“, Џеваир Камбери, не...
Посетата на Путин на Индија: Нафта, оружје и геополитичка порака до светот
Рускиот претседател Владимир Путин оди во Индија во дводневна посета, каде што се очекува да се сретне со премиерот Нарендра...
(Видео) Украинците: Го нападнавме рускиот нафтовод „Дружба“
Во понеделникот, уште една експлозија го потресе рускиот нафтовод „Дружба“, потврдија извори од украинското воено разузнавање (ХУР) за „Киев пост“....
Британците и Норвежаните потпишуваат договор: заедно ќе ги следат руските подморници
Велика Британија и Норвешка денес ќе потпишат нов договор за одбранбена соработка, планирајќи заедничко управување со флота од фрегати за...
(Видео) Се урна американски „Ф-16“
Американски борбен авион F-16C Fighting Falcon на воздухопловни сили „Thunderbirds“ се урна во оддалечена пустинска област јужно од аеродромот Трона,...
Нови израелски напади врз Газа: погодени шатори за бегалци, повеќе мртви
Петмина Палестинци вчера беа убиени, а неколку други беа повредени кога израелските авиони гаѓаа шатори и импровизирани засолништа за раселени...
Мадуро потврди дека разговарал со Трамп
Венецуелскиот претседател Николас Мадуро во средата потврди дека пред околу 10 дена имал „срдечен и полн со почитување“ телефонски разговор...
ОН усвои резолуција за враќање на киднапираните украински деца: Русија и 11 други земји гласаа против
Генералното собрание на Обединетите нации усвои резолуција со која се бара од Русија да обезбеди итно, безбедно и безусловно враќање...
Куновска по оставките во СДСМ:„Сите дома, тој останува“
Поранешната пратеничка и функционерка во СДСМ, Софија Куновска, на „Фејсбук“ објави критички статус откако вчера, на барање на партискиот лидер...
ВМРО-ДПМНЕ: Ние како мнозинство немаме од што да бегаме, ќе се расчистат сите прашања поврзани со трагедијата во Кочани
Пратеникот од ВМРО-ДПМНЕ, Бојан Стојаноски, изјави дека во периодот кога државата ја воделе СДСМ и ДУИ се закажувале анкетни комисии,...
(Видео) Филипче: Посебна анкетна комисија за трагедијата во Кочани, тоа е барање на родителите
Нашиот став е дека ние ќе ги поддржиме двете анкетни комисии. Едната којашто ја предлага владеачкото мнозинство каде сакаат да...
(Фото) Поставени дигитални уреди за мерење бучава кај кафеаните во Дебар Маало
Општина Центар започна со имплементација на паметен систем за следење на бучавата, преку поставување на дигитални индикативни уреди на местата...
Осигурителни компании склучиле картел и се договориле да ја зголемат цената за автомобилското осигурување
Десет осигурителни компании се казнети со 17.266.930 денари затоа што се договориле да ја зголемат цената за автомобилската одговорност што секој...
