Македонија
За една година електронска продажба на автобуски карти
Електронска продажба на автобуски карти, бесплатен превоз на инвалидизирано лице со 90 отсто инвалидност, глоба за превозник без лиценца, автобуски постојки во Скопје да функционираат како попатни станици за меѓуградски превоз предвидуваат измените на законот за превоз во патниот сообраќај.
Владата на својата последна седница ги усвои измените и дополнувањата на Законот за превоз во патниот сообраќај, каде се предвидуваат некои нови одредби од една страна, а од друга страна се врши и дорегулирање и допрецизирање на некои од постојните одредби што ќе придонесе за полесна примена на истите, информираше во четвртокот министерот за транспорт и врски, Миле Јанакиески.
„Во измените од Законот се предвидува дека превозникот и автобуската станица се должни на инвалидизирано лице со телесна инвалидност од 90 отсто и негов придружник со потврда за членство и возен картон издаден од Сојузот за инвалидизирани лица, да им издадат билет за патување во двата правци без надомест и во возната книшка да евидентираат дека слепото лице и инвалидизираното лице го искористиле превозот“, рече Јанакиески.
На слепото лице со оштетување на видот над 90 отсто и неговиот придружник и на инвалидизираното лице и неговиот придружник во текот на една календарска година може да им се издадат билети за максимум шест повратни билети за патување во внатрешниот превоз на патници, на трошок на превозникот, а досега во Законот беше предвидено оваа одредба да важи само за инвалидизирани лица со телесна инвалидност од 100 отсто.
За вршење превоз без лиценца за превозникот или без извод од лиценца за возилото, се предвидува глоба во износ од 500 евра во денарска противвредност за лицето кое го управувало возилото и се предвидува возилото што било користено за превоз со кое е сторен прекршокот трајно да се одзема во сопственост на Македонија со асистенција на униформиран полициски службеник во моментот на сторувањето на прекршокот.
„Во измените на Законот се предвидува можност автобуските станици да може да продаваат возни билети преку електронски систем со електронско плаќање на билетите. Туристичките агенции во рамките на својата дејност за своите клиенти може да купуваат возни билети преку електронскиот систем на автобуските станици. Автобуските станици треба да го прилагодат своето работење согласно наведената одредба во рок од една година од влегување во сила на измените на законот“, рече Јанакиески.
Предлог-законот предвидува и мерки кои се однесуваат и на подобрување на контролата во јавниот градски превоз.
„Предвидена е новина дека патникот мора да го даде билетот за патување на увид на барање од освен на инспекторот за патен сообраќај и на контролорите од превозникот што го одржува превозот. Контролорите контролираат дали патниците поседуваат билети за јавен превоз во градот Скопје. Доколку контролорите утврдат дека патникот нема билет за јавен превоз, ќе поднесат предлог за поведување прекршочна постапка до надлежниот инспекциски орган“, вели Јанакиески.
Со дополнувањето на Законот се предвидува дека со одлука или решение од Град Скопје, некои автобуски стојалишта во градот да се определуваат како попатни станици за вршење на меѓуопштински превоз на патници.
„Новина во Законот е тоа што се предвидува вршење на општински линиски превоз на патници со тролејбус, трамвај или други видови шински возила и истиот да може да биде предмет на концесија или јавно приватно партнерство под услови предвидени со прописот со кој се уредува постапката за доделување на концесија или јавно приватно партнество и услови утврдени од Советот на општината односно Советот на Градот Скопје“, рече Јанакиески./крај/бб/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Фото) Граѓани веќе се собираат на Партизанска за протестот закажан во 17 часот
На булеварот Партизански одреди во Скопје веќе се собираат луѓе за протестот кој е најавен за во 17 часот.
Дел од граѓаните отидоа да запалат свеќи и да остават цвеќе пред фотографијата на младата Фросина.
Долж тротоарот се собира толпа луѓе.
Забележливо е и засилено полициско присуство.
Протестот ќе почне пред Универзалната сала, а потоа насобраните граѓани ќе се движат до Собранието, Основното јавно обвинителство, а ќе се завршат пред Кривичниот суд.
Иницијативата „Кој е следен“ објави правила и препораки за однесување на протестниот марш:
1. Почитувајте ги инструкциите на редарите;
2. Движете се постојано по рутата на маршот и во насоката по која маршираат присутните;
3. Забранети се партиски обележја – протестот е граѓанска иницијатива и не смее да се партизира;
4. Избегнувајте секакви провокации и не реагирајте на истите. Не се впуштајте во конфротација;
5. Забрането е носење на остри предмети, оружје, пиротехники и слични предмети;
6. Почитувајте го јавниот простор – одржувајте чистота и не оставајте отпад. Забрането е уништување на јавен и приватен имот.
Македонија
(Фото) Градоначалникот на Кавадарци, Митко Јанчев, се приклучи на протестот на кој се побара правда за смртта на младата Фросина
Денеска точно на пладне во Кавадарци се одржа протест на кој се побара правда за смртта на младата Фросина.
Меѓу присутните на протестот, беше и градоначалникот на Кавадарци, Митко Јанчев.
„Искрено сочувство до семејството на Фросина Кулакова од градоначалникот Митко Јанчев, кој присуствуваше на денешниот протест во Кавадарци. Тој исто така се придружи кон барањата на присутните за правда и одговорност за смртта на младата Фросина“, стои во објавата на ФБ.
Македонија
И Сојузот на средношколци ќе се приклучи на протестот во 17:00 часот пред Универзалната сала во Скопје
И Сојузот на средношколци ќе се приклучи на протестот во 17:00 часот пред Универзалната сала во Скопје.
„Сојузот на средношколци ќе се приклучи на протестот во 17:00 часот пред Универзалната сала во Скопје, изразувајќи почит кон Фросина Кулакова и барајќи правда и одговорност од институциите. Заедно ќе се бориме против корупцијата и за безбедна иднина за сите нас. Придружете ни се во оваа заедничка борба за подобро општество“, пишува во објавата на Инстаграм.
Иницијативата „Кој е следен“ објави правила и препораки за однесување на протестниот марш:
1. Почитувајте ги инструкциите на редарите;
2. Движете се постојано по рутата на маршот и во насоката по која маршираат присутните;
3. Забранети се партиски обележја – протестот е граѓанска иницијатива и не смее да се партизира;
4. Избегнувајте секакви провокации и не реагирајте на истите. Не се впуштајте во конфротација;
5. Забрането е носење на остри предмети, оружје, пиротехники и слични предмети;
6. Почитувајте го јавниот простор – одржувајте чистота и не оставајте отпад. Забрането е уништување на јавен и приватен имот.
„Ги повикуваме сите загрижени граѓани да излезат и да го изразат својот револт кон системот, кој одново потфрли. Колку несреќи треба да се случат за одговорните да ја сносат својата одговорност? Колку пати треба да се докаже дека улиците се небезбедни, пред да се интервенира во урбаната инфраструктура? До каде ќе оди преќутното одобрување и возвишување на девијантното однесување?
Заедно ќе бараме одговори на овие прашања на денешниот протестен марш. Почнувајќи пред Универзална сала, преку Собрание, Основното јавно обвинителство и завршувајќи пред Кривичниот суд, институциите мора да го слушнат гласот на народот. Освен до институциите, мора да се прати јасна и недвосмислена порака и кон секој од нашето општество, дека дивјачкото однесување МОРА да се осуди и да се направи сѐ, за во иднина да нема потреба од ваков протест“, пишува во објавата на иницијативата „Кој е следен?“.
„Оној што не успеал да го воспита сопствениот наследник да ги почитува законите, да разликува добро од зло и да живее чесно, не може да бара доверба да управува со државата. Напротив, ваквите лица не смеат да добијат јавна функција. Тие треба да одговараат за своето делување, но и за криминалните постапки на своите „помлади полнолетници“. Општеството не смее да биде заложник на луѓе без морални темели, а функциите во државата не смеат да бидат засолниште за оние кои не ги почитуваат законите, ниту во својот дом, ниту надвор од него. Ние за Фросина бараме правда, не само од убиецот, бараме да одговара и татко му Зоран Јованов и судијката Даниела Алексовска Стојановска, кои не излегоа јавно да изразат сочувство за семејството, туку кукавички се кријат и бришат профили. Правда за Фросина мора да има!“, порача Росица Кулакова.
22-годишната Фросина Кулакова пред четири дена беше прегазена од дваесет годишниот Васил Јованов, кој возел пијан, без возачка дозвола и минал на црвено светло, додека таа минувала на пешачки премин на Партизанска.
На 20-годишниот скопјанец осомничен за смртта на Фросина му беше определена мерка притвор од 30 дена, а за него и претходно имало кривични пријави за друга сообраќајна незгода и за недозволена употреба на дрога.
Стотици граѓани во петокот на мирен собир запалија свеќи и положија цвеќе пред фотографијата на Фросина, а потоа маршираа до скопскиот кривичен суд каде со извалкани раце од црвена боја извикуваа „Убијци!“.
(Фото) Граѓани веќе се собираат на Партизанска за протестот закажан во 17 часот
На булеварот Партизански одреди во Скопје веќе се собираат луѓе за протестот кој е најавен за во 17 часот. Дел...
Бараме да одговара и таткото на убиецот и судијката кои наместо да изразат сочувство, кукавички бришат профили, рече сестрата на Фросина на протестот во Кавадарци
Во Кавадарци е одржан протест поради смртта на Фросина. Нејзината сестра, Росица Кулакова, порача дека ќе бара одговорност и од...
Битолчанец со автомобил удрил пешак, со тешки телесни повреди е префрлен во болница
Mинистерството за внатрешни работи информира дека вчера 64-годишен битолчанец со автомобил удрил пешак, свој сограѓанин, при што тој се здобил...
Апасиев предлага законски измени: ограничен мандат и враќање на југословенскиот модел за кривична одговорност на судиите
Лидерот на Левица, Димитар Апасиев, на социјалните мрежи најави законски измени коишто ќе бидат предложени во следниот период од пратеничката...
Вонредна инспекција на АХВ: уништени 110 килограми небезбедна храна во болнички кујни
Сто и десет килограми небезбедна храна, минатата недела уништија инспекторите за храна на Агенцијата за храна и ветеринарство, во кујни...
ВМРО-ДПМНЕ: Трулиот судски систем носи жртви, затоа бараме реформи кои СДС ги кочи
Трулиот судски систем носи жртви, затоа бараме реформи кои СДС ги кочи, велат од ВМРО-ДПМНЕ. „Смртта на Фросина можеше да...
Таткото на Фросина му се заблагодари на Пандов: Ја враќаш вербата дека државата конечно функционира
Семејството на Фросина Кулакова се заблагодари на раководството на затворот во Шутка и на директорот на Управата за извршување санкции,...
Денеска протести за смртта на Фросина: во 12 часот во Кавадарци, во 17 часот пред Универзална во Скопје
Денеска ќе се одржат два протеста за смртта на младата Фросина. Првиот протест ќе се организира на плоштадот во Кавадарци,...
(Фото) Утре масовни протести за смртта на Фросина, точно на пладне во Кавадарци, во 17 часот пред Универзална во Скопје
Утре точно на пладне се организира протестен собир во Кавадарци за да се оддаде почит нa Фросина Кулакова од Неготино,...
Јанев: Мапирани се црните точки низ државата, нѝ требаат системски решенија за безбедноста во сообраќајот
Директорот на Бирото за јавна безбедност, Александар Јанев, изјави дека се направени детални анализи на сообраќајната ситуација во државата, при...
(Видео) Цветановски: Симовска веднаш да биде разрешена, за хаосот на Клиниката „Козле“ мора да има одговорност
После 40 години е доведено во прашање функционирањето на единствениот оддел за бронхоскопија во државата, многу важна за здравјето на...
Преполовен прометот на маркетите поради вчерашниот бојкот, УЈП ги објави податоците
Управата за јавни приходи го објави прометот на осумте најголеми трговски ланци во земјава на денот на бојкотот, но и...
(Видео) Мицкоски: Инспекторите влегоа во сите поголеми супермаркети, се прави детална анализа
Ден по бојкотот на маркети поради високите цени, премиерот Мицкоски изјави дека инспекторите се на терен во сите поголеми супермаркети,...
Приведена 42 годишна жена која вчера со автомобил удри во пешак и избега без да му помогне
Министерството за внатрешни работи информира дека е пронајдена и приведена 42 годишна жена која вчера со автомобил удрила пешак и...
(Видео) Русија со балистички проектили го погоди центарот на Одеса, има повредени
Руските сили синоќа извршија балистички ракетен напад врз центарот на Одеса, ранети се најмалку три лица, изјави Олех Кипер, шеф...
Судот се брани: Дали за системскиот проблем со црните сообраќајни точки вината е на судството
Кривичниот суд излезе во јавноста со соопштение во врска со претходните судски постапки што биле водени против 20-годишниот Васил Јованов,...
„Врските не враќаат човечки животи“ – протест на „Партизанска“ по смртта на Фросина Кулакова
Граѓаните излегоа на протест на улицата Партизански одреди, каде што 20-годишниот Васил Јованов завчера ја усмрти 22-годишната Фросина Кулакова. Се оставаат...
И по 12 месеци да се направи контрола, ќе следуваат драконски казни за непочитување на Законот за нефер трговски практики, вели Димитриеска-Кочоска
Министерката за финансии Гордана Димитриеска-Кочоска апелира не само маркетите туку сите компании да го почитуваат Законот за нефер трговски практики...
Поскапува цената на парното
Парното поскапува за 5,03 проценти, информира на денешната прес-конференција претседателот на Регулаторната комисија за енергетика (РКЕ), Марко Бислимоски. Според него,...
Со задушување ја убил својата партнерка: уапсен 42-годишник од Кавадарци
Вчера во Кавадарци, полициски службеници од ОВР Кавадарци го лишиле од слобода 42-годишниот И.П. од Кавадарци. Тој се сомничи дека...
