Македонија
Ограничени дискусиите за законот за бранители
![](https://makfax.com.mk/wp-content/uploads/2016/11/375371b4-3d26-42a6-a0a1-c5fc4e0bfa64.jpeg)
Пратениците на Комисијата за труд и социјална политика ги изгласаа ограничувањата на обраќањата на пратениците во расправта за предлог законот за посебните права на бранителите.
Ограничувањето доаѓа по препораките содржани во писмото што претседателот на Собранието, Трајко Вељаноски го упати до Комисијата и до пратеничката група на ДУИ.
Подоцна беше изгласано и ограничување на времетраењето на процедуралните забелешки бидејќи за време на седницата пратениците од ДУИ и од ДПА се обидоа преку нив да имаат подолги обраќања поврзани не само со темата на седницата.
Седницата по вторпат беше прекината откако пратеникот на ДПА, Зијадин Села, одби да го прекине своето обраќање побарано како процедурална забелешка откако ги надмина трите минути, изгласани само неколку минути пред тој да застане на говорницата.
Села рече дека не ја почитува одлуката на Комисијата истакнувајќи дека на тој начин им се ограничува правото на збор на пратениците Албанци.
„Ќе ви кажам јас како се блокира овој закон. Ќе ви покажам кога ќе стигнеме до последниот амандман, ќе видите кога ќе ја земеме оваа говорница, овие микрофони и овој Парламент ќе го запалиме“, рече Села обраќајќи им се на пратениците од ДУИ.
Со ограничувањето на дискусиите, а сега веќе и на процедуралните забелешки, пратениците и од ДУИ и од ДПА сметаат дека им се ограничува правото на изразување во Собранието.
Цветанка Иванова, претседателката на Комисијата, рече дека се прави обид за повторна блокада на работата на ова собраниско тело и дека тоа го прават ДУИ и ВМРО-ДПМНЕ со поддршка од претседателот на Собранието.
Иванова е одлучна да не дозволи да се направи повторно блокирање на работата на Комисијата, како што тоа се случи при првото поднесување на прелог законот во редовна процедура, кога пратеникот на ДУИ, Талат Џафери зборуваше со молчење.
Токму затоа, предлагачот на законот за посебните права на бранителите ВМРО-ДПМНЕ го повлече првиот предлог, за потоа да го поднесе истиот закон, но по скратена постапка, со ограничени дискусии.
Владејачкиот албански партнер ДУИ не сака да се донесе овој закон, сè додека со него не се опфатат и правата на припадниците на ОНА, па затоа подесоа и повеќе од 15.000 амандмани./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Сончево и многу топло со температури до 39 степен
![](https://makfax.com.mk/wp-content/uploads/2018/08/Fontani.jpg)
Времето денеска ќе биде сончево и многу топло со мала до умерена локална облачност. Ќе дува слаб до умерен ветер од северен правец. Минималната температура ќе биде во интервал од 13 до 21, а максималната ќе достигне од 33 до 39 степени. UV=9
Во Скопје сончево и многу топло со мала облачност. Ќе дува слаб до умерен ветер од северен правец. Минималната температура ќе се спушти до 19, а максималната ќе достигне до 39 степени.
Во наредните денови следува период на многу топло време со дневна температура која насекаде ќе биде над 30, а наместа ќе достигнува 40 степени. Во попладневните часови претежно во планинските подрачја ќе има изолирана појава на нестабилност со краткотраен дожд и ретки грмежи.
Македонија
(Видео) Мицкоски од Вашингтон: Ќе оствариме средби со државници, со бизнисмени и со дијаспората, а ќе најавиме и нова инвестиција
![](https://makfax.com.mk/wp-content/uploads/2024/07/Screenshot-2024-07-07-174622.jpg)
Премиерот Христијан Мицкоски попладнево преку видео-обраќање најави дел од своите активности во рамки на официјалната посета на САД.
„Следниве неколку дена во Вашингтон и во Њујорк ќе престојува владина делегација која што ќе ја предводам јас, а во нејзин составен дел се и министрите за надворешни работи, внатрешни работи и одбрана. Ќе бидеме дел од настанот кој што ќе прославува 75 години од постоењето на НАТО алијансата.
Она кое што сакам исто така да го потенцирам се големиот број билатерални средби кои што ќе ги имам заедно со државници на земји кои што се членки на НАТО алијансата, во деновите кои што следат, но исто така во деновите кои следат ќе имам средби со бизнис заедницата овде во САД, каде што ќе ги презентирам потенцијалите кои што ги нуди Македонија за инвестирање.
Ќе најавам уште една нова странска инвестиција на компанија која што е дел од листата на најголемите 500-тини компании овде во САД, нови десетици милиони евра инвестиција и нови работни места за македонските граѓани.
Тоа е она кое што преставува основен приоритет на новата влада во Македонија. Би сакал исто така да напоменам дека последните денови во Њујорк ќе ги искористам за средба со македонската дијаспора, македонските исселеници.
Би сакал од нив да слушнам што е она што тие го очекуваат од новата влада и нормално, што е она што новата влада ќе го понуди за да можат нашите исселеници да се вратат дома, во нивната татковина, таму да инвестираат и практично да ги избегнат сите оние пречки кои што беа изминатиот период со кои тие се соочуваа при своето доаѓање назад во својата татковина.
Уште еднаш да се заблагодарам на македонската јавност што не следи изминатиот период и да ја охрабрам дека доаѓаат нови убави моменти за македонските граѓани. Ние на најдостоинствен начин, како што ни прилега, ќе ги претставуваме интересите на граѓаните и државата овде во Вашингтон , а потоа и во Њујорк“, рече премиерот Мицкоски.
Македонија
(Видео) Пожар се шири на ридот меѓу Горно Коњари и Миладиновци
![](https://makfax.com.mk/wp-content/uploads/2024/07/Screenshot-2024-07-07-160041.jpg)
Пожар се шири на ридот меѓу Горно Коњари и Миладиновци, информира ЦУК.
„Од 112 во Центар за Управување со Кризи до Сектор за операции и кординација е добиена пријава во врска со пожар кој се шири на ридот меѓу Горно Коњари и Миладиновци.Според информација добиена од БППЗ Скопје се работи за депонијата кон село Миладиновци.Нема информација за штети или дали истиот постои опасност да ги зафати и околните објекти“, велат од ЦУК.
Повеќе од 1 час огнот се гасне од страна на екипи од БППЗ Скопје…