Портпаролката на СДСМ, Богданка Кузеска на денешната прес-конференција истакна дека е добро што Државната комисија за спречување на корупција отворила предмет за судир на интереси, непотизам и корупија во врска со тендерите во министерството на Стефан Андоновски.

СДСМ, рече Кузеска, тоа го поздраува.

Очекуваат скандалот, финансиската афера во која жената е Државен секретар а мажот добива тендери да биде целосно брзо расчистен и да следува одговорност.

Според Кузеска, фактите се кристално јасни: фирмата на сопругот на Клинчарова добила два тендери, а министерот Андоновски е потписник на договорите.

„Иако се обидуваше да ја оправда оваа скандалозна ситуација со апсурдни изговори сепак ги призна тендерите. Ова не е само судир на интереси – ова е очигледен случај, основано сомнение за корупција. Денеска ќе објавиме дека сопругот на државната секретарка, Мартин Клинчаров, кој ги добвал тендерите во министерсвото на Андоновски е жесток поддржувач на Мицкоски и ДПМНЕ. На неговиот профил на Фејсбук може да се види дека учествувал на партиски состаноци во Белата палата, за што објвувал и слики. Во своите објави Клинчаров жестоко го брани Мицкоски од, како што самиот вели „бардовите“ на новинарството. Ова е потврда дека станува збор не само за семејсна туку и за партиска поврзаност, директен линк и со ДПМНЕ“.

Ете, вели Кузеска, каде завршуваат парите на граѓаните.

Според неа, одговорност за овој скандал мора да има.

Оценува дека првиот чекор на ДКСК е во вистинска насока, но сега, како што додаде, е на ред завршница на предметот но и вклучвање на Јавното обвинителство и правдата мора да биде задоволена.

Кузеска нагласи дека тендерските мрежи на ВМРО-ДПМНЕ мора да бидат разобличени, а одговорните санкционирани.

СДСМ, прецизира таа, нема да дозволи оваа афера да биде заташкана, а секој чинител во оваа криминална мрежа мора да одговара пред законот.

На предлог на СДСМ, Собраниската Комисија за образование, наука и спорт го усвои предлогот за одржување јавна расправа за Предлог Концепцијата за гимназиско образование. Водени од ставовите на стручната фела кои своите мислења ги даде во јавноста, сметаме дека оваа јавна расправа е од исклучителна важност бидејќи ќе овозможи поширока дискусија со сите засегнати страни – наставници, експерти, претставници од Министерството за образование и наука, Бирото за развој на образованието и учениците, истакна Даниела Николва, пратеничка на СДСМ.

СДСМ, како што рече Николова, останува доследна на својата заложба реформите во образованието да се носат низ темелен и инклузивен процес.

„За жал, министерката Јаневска во досегашниот процес не покажа подготвеност за вистинска јавна дебата. Наместо да отвори простор за дијалог со експертите и наставниците, таа продолжува со еднострани одлуки кои предизвикуваат сериозна загриженост во јавноста. Начинот на кој досега се турка оваа концепција покажува отсуство на транспарентност и недостаток на слух за критиките и сугестиите од стручната фела.

Затоа, сметаме дека оваа јавна дебата во Собранието треба да се организира поскоро со што ќе се покаже дека е разбрана важноста на овој процес. Само низ искрена и отворена дискусија можеме да донесеме решенија кои ќе бидат во интерес на учениците, наставниците и целиот образовен систем. Универзитетските професори, наставниците, средношколците и сите засегнати страни имаат суштинска улога во креирањето на квалитетен и одржлив образовен систем“, вели пратеничката.

СДСМ, како што најави, ќе продолжи да се залага за подобрување на условите во образованието и за реформи кои ќе бидат во најдобар интерес на учениците, наставниците и општеството во целина.

Пред да биде грабната 14-годишната Вања, првоосомничениот Љупчо Палевски-Палчо на обвинетите им рекол дека ќе грабнуваат 38-годишна жена, ќерка на сопственик на веледрогерија, сведочеше обвинетиот Велимир Манев.

Според сведочењето, Палевски размислувал и за киднапирање на директорот на „Гранит“, а првата личност која сакал да ја грабнат била ќерка на пензиониран скопски бизнисмен кој живее во истата зграда од која беше грабната Ѓорчевска. Потоа Палевски им рекол дека ќе грабнат од 38 до 40-годишна жена од богато семејство.

„Ни ги покажуваше сликите на телефон. Изгледаше на 40-годишна жена, не личеше на дете“, рече Манев.

Палевски им го објаснил системот и начинот како се отвара вратата, ентериерот на внатрешноста на зградата.

„Јас и Боре влеговме во зградата. Беше темно, немаше сијалица. Светлина доаѓаше од влезната врата. Чекавме. Кога се симнуваше личноста, Боре ја грабна со едната рака, а со другата и ја залепи устата и ја повлековме кон скалите, кон потемното. Излезе од лифтот, спуштајќи се по скалите надолу. Според сликите кои ни ги даваше Палчо, особата беше идентична, колку што можевме да видиме во темното. Ја врзавме, ја ставивме во вреќа за спиење. Кешишев ја донесе колата пред влезот, го отвори гепекот за да можеме да ја ставиме“, рече Манев.

На таткото на Вања, обвинетиот Александар Ѓорчевски му се слоши, по што судијата даде пауза.

Тој претходно детално го раскажа убиството на велешанецот Панче Жежовски и планот во дупки да се чуваат врзани киднапираните, додека да бидат исплатени пари. Сепак, според сведочењето на Манев, Палчо го застрелал Жежовски и му рекол дека така е почисто.