Министерството за информатичко општество и администрација ги прифатило забелешките и препораките на Советот на Европа, ОБСЕ и Здружението на новинари во однос на Законот за медиуми и Законот за аудивизуелните медиумски услуги.

Според Ивановски, со законот за медиуми како исти ќе бидат третирани сите средства за јавно информирање односно весници, магазини, програми на радио и телевизијата, електронски публикации, телетекст и други средства за дневно или периодично објавување на уреднички обликувани содржини во пишана форма, звук или слика.

Под медиуми. пак, не спаѓаат билтените, каталозите, другите форми на публикации наменети за огласување, образовниот систем или за деловна комуникација, а исто така нити весниците или билтените на образованите институции, потоа Службениот весник на Република Македонија, и летоците, плакатите, проспектите и транспарентите.

Под електронски публикации се подразбираат електронските верзии на весниците и магазините кои се достапни преку веб адреса, а не се опфаќаат блоговите, приватните веб портали, социјалните мрежи и форумите.

„Сите дефиниции за кои имавме забелешка од ОБСЕ или Советот на Европа се допрецизирани по нивните препораки. Регистрацијата на медиумите ќе се врши во Централниот регистар или кое и да е трговско друштво, а не во новата Агенција за медиуми, што беше и една од забелешките на ОБСЕ и СЕ.“, изјави Ивановски.

Во однос на членот за саморегулација, Ивановски вели дека истиот е избришан по препорака на ОБСЕ, а останува на медиумите сами да посветат внимание на оваа тема.

Аудиовизуелните медиумски услуги. пак, ќе бидат подложни на регулација, додава Ивановски, а истата ќе биде извршена од Агенцијата за медиуми и аудиомедиумски услуги, односно од постоечкиот Совет за радиодифузија кој ќе биде преименуван во оваа агенција.

ОБСЕ препорачал и да се донесе административен надзор над медиумите, а од обврските кои им се наметнуваат на радиодуферзите се и емитувањето на најмалку 30 проценти изворно создадена програма на македонски јазик или на јазиците на малцинствата. Во 2015 година оваа обврска ќе зе зголеми на 40 проценти, а година подоцина и на 50 проценти.

Телевизиите се обврзуваат, исто така, кои било четири дена во неделата, најмалку два часа во денот да емитуваат македонска вокална и вокално-инструментална музика, потоа емитување на најмалку 10 часа домашна документарна програма во периодот од 7 до 19 часот,

Ивановски додава дека законите се доставени до Владата, а потоа ќе бидат и наскоро ставени на второ читање во Собранието./крај/мф/бс