Македонија
СДСМ ги облече маичките „Слобода за Кежо“, ВМРО-ДПМНЕ обвинува дека опозицијата го злоупотребува овој случај

Пратеници од опозициската СДСМ во понеделникот во Собранието ги облекоа маичките со натпис „Слобода за Кежо“, коишто во саботата ги донесе Иницијативниот одбор за ослободување на новинарот Томислав Кежаровски, а владејачката ВМРО-ДПМНЕ обвини дека опозицијата го злоупотребува случајот.
Пратеникот од ВМРО-ДПМНЕ, Илија Димовски изјави дека владејачкта партија не се меша во работата на судските органи и јавното обвинителство, но ги повикаа институциите повнимателно да го разгледаат случајот со новинарот Кежаровски.
„Во овој случај би сакале да потенцираме дека би го разбрале позитивно и би го прифатиле позитивно, доколку јавното обвинителство и судските органи пристапат со поголем степен на внимание околу сензибилитетот на случајот на Кежаровски и ги разгледаат сите аспекти коишто ги укажуваат повеќе општествени фактори“, рече Димовски.
Тој потенцираше дека одредени партии го злоупотребуваат случајот и апелираше да не се злоупотребува за дневно политички пресметки.
„Би сакал да потенцирам дека одредени политички партии го злоупотребуваат овој случај на крајно неприфатлив и некоректен начин, не со цел да помогнат некому, , туку со цел да наштетат на другите политички партии. Затоа апелираме овој случај да не биде ставен во рангот на дневнополитичките пресметки меѓу политичките партии. На тој начин, очигледно и се искривува и се злоупотребува оној аспект којшто новинарите и сите новинарски здруженија сакаат да го наметнат во општеството“, изјави Димовски.
Иницијативниот одбор за ослободување на Кежаровски во саботата достави до Собранието вкупно 123 маички за сите пратеници во собранието со натпис, „Слобода за кежо“. Судењето за новинарот е закажано за 9-ти август, а овој случај предизвика протести на новинарите пред судот. На Кежаровски ќе му се суди дека пред пет години го открил идентитетот на заштитениот сведок за случајот Ореше./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ДУИ: Ова е аларм, се инсталира систем што ги избриша Албанците од јавните институции

Целосното исклучување на Албанците од 32 нови вработувања во Централниот регистар е јасен доказ за институционална дискриминација и исклучувачките политики на оваа влада, реагираат од ДУИ.
„Ова веќе не е статистика, ова е аларм. Се инсталира систем кој ги избрише Албанците од јавните институции. Тоа се случува секој ден, во секој сектор, и веќе не може да се толерира“.
ДУИ бара итна реакција од сите домашни и меѓународни институции. Тоа, како што велат, не е прашање на вработување, туку е прашање на еднаквост, мир и опстанок на мултиетничката држава.
Ваквата неправда, како што најавуваат, нема да помине во тишина.
Македонија
15-милионитиот патник на „Визер“ во Македонија доби ваучер за лет по избор

ТАВ Македонија и Визер, на дојдовниот лет од Дортмунд, заеднички го пречекаа 15 милионитиот патник на оваа нискобуџетна авиокомпанија во земјава, од нивниот влез на пазарот во 2011 година досега.
Во знак на благодарност за лојалноста на патничката, ТАВ Македонија и подари патнички реквизити, а Визер и додели вредносен ваучер за авиобилети за дестинација која таа самата ќе ја избере.
„Во годината кога ја одбележуваме нашата 15 годишнина на пазарот, денеска го наградивме 15-милионитиот патник на Виз ер и со тоа ја прославивме нашата 14 годишна плодна партнерска соработка со овој авиопревозник, кој лета до вкупно 30 дестинации и 12 земји од Меѓународниот Аеродром Скопје и Аеродромот Свети Апостол Павле Охрид. Заедно со нив и со Владата, продолжуваме заеднички да работиме на проширување на мрежата на авиолинии од двата македонски аеродроми, правејќи ја Европа и светот поблиски како за македонските граѓани, така и за граѓаните од околните земји”, изјави Неџат Курт, генерален директор на ТАВ Македонија.
ТАВ Македонија, подружница на ТАВ Аеродроми, која е членка на француската групација АДП (Aeroports de Paris), партнерството со нискобуџетната унгарска авиокомпанија, Виз ер, го почна во јуни 2011 година, со првиот лет од Меѓународниот Аеродром Скопје до аеродромот Лутон-Лондон.
Во јули 2015 година, Виз ер почна со летови и од охридскиот аеродром, со летот од Охрид кон Базел.
Виз ер денес има база од пет авиони на Меѓународниот Аеродром Скопје и опслужува 30 дестинации до 12 земји до и од нашата земја, со пазарен удел од над 46%, со што е најголемиот авиопревозник на македонскиот пазар.
„Достигнувањето на 15 милиони патници во Северна Македонија е извонреден успех и доказ за нашата силна врска со ТАВ Македонија и нашите патници тука. Како лидери на пазарот, нудејќи летови до 30 дестинации од оваа земја, горди сме што играме клучна улога во поддршката на економскиот раст, како и во отворањето врати за деловни можности и охрабрувањето на посетителите да ја истражат богатата култура и прекрасните пејзажи на Северна Македонија. Возбудени сме што денес го прославуваме овој пресврт со среќниот патник и остануваме посветени на обезбедување ниски цени, сигурна услуга и повозбудливи можности за патување за сите во оваа земја.“ – изјави Андраш Радо, раководител за комуникации во Виз Ер.
Во 2024 година Визер превезе 1,8 милиони патници преку двата македонски аеродрома, Меѓународниот Аеродром Скопје и Аеродромот Свети Апостол Павле Охрид, а според бројот на патници, најфрекфентни рути на Виз ер се авиолиниите од Скопје до Милуз, Дортмунд, Мемингем и Берлин.
ТАВ Македонија и Виз ер и натаму продолжуваат партнерски да работат, со развивање на мрежата на авиолинии од скопскиот и охридскиот аеродром, зголемување на бројот и понудата на дестинации според барањата на патниците, со цел поголема достапност кон Европа и светот за македонските граѓани, како и за граѓаните на соседните држави.
Македонија
„Влен“: ДУИ ја продаде еднаквоста за „Соравија“

Влен реагира дека ДУИ ја загубила довербата на Албанците, откако две децении ја уништувала застапеноста на Албанците во државните институции, користејќи ја оваа тема за политичка трговија.
Според Влен, само за една година Владата направила историски чекор со законот за правична застапеност што ја регулира правичната и соодветна застапеност на Албанците во институциите, унапредувајќи ги на одговорни позиции, не со привилегии, туку со заслуги.
„ДУИ се спротивставува на овој закон затоа што повеќе не може да го користи како алатка за политичка трговија, тие ја продадоа еднаквоста за Соравија“, посочуваат од Влен.
Тие додаваат дека промената започнала и дека Албанците повеќе нема да бидат само фигури во администрацијата, туку вистински носители на одлуки, еднакви во законот и во животот.